თიბისის მხარდაჭერით საერთაშორისო ფოტოფესტივალი „ქო...
თიბისის მხარდაჭერით 2-6 მაისს, „ქოლგა თბილისი ფოტო" წელს 24-ედ ჩატარდება და ადგილობრივ და საერთაშორისო გამოფენებს უმასპინძლებს. ფესტივალის ფარგლებში 15 მარტის ჩათვლით ცხადდება ...
საქართველოს ბანკის მხარდაჭერით დმანისში შვეიცარიული აგროსკოლა გაიხსნება
25 იანვარი, 2021- საქართველოს ბანკი ბიზნესის ხელშეწყობის მიზნით არაერთ პროექტს უჭერს მხარს. მათ შორისაა შვეიცარიული სტანდარტების მიხედვით შექმნილი აგროსკოლაც. პროექტის მთავარ მიზანს მეცხოველეობის, რძისა და ყველის წარმოების მიმართულებით ახალგაზრდა ფერმერების გადამზადება და აგრომიმართულების განვითარება წარმოადგენს. ბანკის მიერ მოზიდული 1,275,000 ლარის მოცულობის ინვესტიციით კომპანიამ შეძლო საქონლის ფერმის აშენება და ყველის საწარმოსთვის საჭირო დანადგარების შეძენა. დმანისის სოფელ სარკინეთში აგროსკოლის გახსნა 2021 წლის გაზაფხულზე იგეგმება.
სწავლება პარტნიორი შვეიცარიული აგროსკოლის, „პლანტჰოპის“ პროგრამით განხორციელდება. სასწავლო პროცესში წელიწადში 10-15 სტუდენტი ჩაერთვება, მათ ფინანსურ მხარდაჭერას უცხოური კომპანიები გაუწევენ. სამომავლოდ, კომპანია ყოველწლიურად 35 სტუდენტის მომზადებას გეგმავს. ამასთან, უახლოეს მომავალში იგეგმება კომპანიებისათვის კონსულტაციის სერვისის, ხოლო ფერმერებისთვის მოკლევადიანი კურსების შეთავაზებაც.
„საქართველოს ბანკი აქტიურად აგრძელებს აგროსექტორის ხელშეწყობას. მოხარული ვართ, რომ ბანკის ფინანსური მხარდაჭერით მალე დმანისში ახალი აგროსკოლა გაიხსნება. შვეიცარიულ სტანდარტებზე დაყრდნობით შექმნილი სასწავლებელი ახალგაზრდა ფერმერებს შემდეგი მიმართულებით მოამზადებს: მეცხოველეობა, რძის და ყველის დამუშავება/წარმოება. აღნიშნული პროექტი მნიშვნელოვან როლს ითამაშებს, როგორც აგრომეურნეობის განვითარების, ასევე დასაქმების თვალსაზრისით. სკოლას უკვე დასახული აქვს ძალიან საინტერესო სამომავლო გეგმები, საკონსულტაციო მომსახურების თუ მოკლევადიანი კურსების ჭრილში. გვინდა, წარმატება ვუსურვოთ მათ საქმიანობაში. გვჯერა, რომ მსგავსი პროექტები მნიშვნელოვან წვლილს შეიტანს აგროსექტორში განათლების ხელმისაწვდომობასა და ხარისხის ზრდაში“,- აცხადებენ საქართველოს ბანკში.
კომენტარები