სალომე ზურაბიშვილმა ორბელიანების სასახლე დატოვა...
“მინდა, პირველ რიგში, ყველას დიდი მადლობა გითხრათ აქ მოსვლისთვის დღეს იმიტომ, რომ დღეს ჩვენ აქ ვდგავართ, იქითკენ არის სიცარიელე, აქ არის საზოგადოება, იქითკენ არიან ჩაკეტილები, ჩვენ ვართ გარეთ იმ...
“ივანიშვილს სძულს, ეზიზღება განათლება – გადაწყვიტა „მასწავლებლის სახლი“ გადასცეს სუსს”
საქართველოს ექსპრეზიდეტი, მიხეილ სააკაშვილი, სოციალურ ქსელში აქვეყნებს ფოტოებს და წერს:
“დღეს კიდევ ერთი გამაოგნებელი მავნებლობის მომსწრეები გავხდით! მართალია არ არის ახალი ამბავი, რომ ქართულ ოცნებას და ბიძინა ივანიშვილს სძულს, ეზიზღება განათლება და ყველაფერი რაც არის დაკავშირებული განათლებასთან, მაგრამ უკვე ყველაზე უარეს მოლოდინსაც გადააჭარბეს. გადაწყვიტეს „მასწავლებლის სახლი“ გადასცენ სუსს.
მეგობრებო ამ ქვეყნის მომავალი გადის განათლებაზე და არა სუსზე. მეტიც, ყველგან გვჭირდება განათლებული ადამიანები, ამაშია საქართველოს წარმატებული მომავალი. ჩვენ 2011წელს გავხსენით „მასწავლებლის სახლი“. იქ მიღებული ცოდნით 20 000- მა პედაგოგმა მიიღო მაღალი პედაგოგიური კვალიფიკაცია, სერტიფიკატი და ამასთან ერთად სახელფასო დანამატიც. ეს იყო „სახლი“ სადაც 24/7-ზე სწავლობდნენ თავად მასწავლებლები , უზრუნველყოფილი იყვნენ ყველაფრით, წვდომა ქონდათ უახლეს გამოცემებთან, მსოფლიოს უნიკალურ ბიბლიოთეკებთან, რაც დამოუკიდებლად შეუძლებელია, რადგან დიდ თანხებთანაა დაკავშირებული. ამ ცენტრში მასწავლებლების შვილებისთვის იყო საცხოვრებელი, ყავდათ ძიძები, იმისთვის რომ არცერთი წუთი არ დაგვეკარგა , მაქსიმალურად ინტენსიურად აგვემაღლებინა მათი კვალიფიკაცია. ეს იყო პროექტი, რომლის გასაცნობად ჩამოდიოდნენ პარტნიორი ქვეყნების დელეგაციები, შუა აზიიდან დაწყებული დამთავრებული უკრაინით.
ჩვენ დაგეგმილი გვქონდა და უკვე ვაშენებდით „მასწავლებლის სახლს“ ყველა დიდ ქალაქში. ამ განათლების მოძულე „ოცნებამ“ მოსვლისთანავე შეაჩერა ყველა მათგანი , დახურა ბათუმის ტექნოლოგიური უნივერსიტეტი, ამერიკელი მასწავლებლების პროგრამა……. გასაგებია რომ გაგრძელების უნარი არ აქვთ , ამ მართლაც გაუნათლებელ და უუნაროებს, მაგრამ მიზანმიმართული, უკიდურესი მავნებლობაა როცა ანადგურებ იმას რაც არის და წარმატებით ხორციელდება.
თუმცა მე მინდა გითხრათ, თქვენ პირველ რიგში ჩემო მეგობრებო და აქვე მათაც, რომ რამდენიმე თვეში განათლების ეს მიზანმიმართული ნგრევა დასრულდებდა , ჩვენ ყველა დაწყებულ პროექტს მივიყვანთ ბოლომდე. ისევ დავიწყებთ ნულიდან ამ სისტემის, ისევე როგორც სხვა ბევრი რამის მშენებლობას , მაგრამ ეს იქნება N1 რადგან ამ ქვეყნის მომავალი გადის განათლებაზე , ყველაფერ დანარჩენს ქმნიან განათლებული ადამიანები, განათლებულ ახალგარზდებშია ჩვენი მომავალი და მას ეს მართლაც გაუნათლებელი მავნებლები ვერ წაართმევენ საქართველოს.”
კომენტარები