სალომე ზურაბიშვილმა ორბელიანების სასახლე დატოვა...
“მინდა, პირველ რიგში, ყველას დიდი მადლობა გითხრათ აქ მოსვლისთვის დღეს იმიტომ, რომ დღეს ჩვენ აქ ვდგავართ, იქითკენ არის სიცარიელე, აქ არის საზოგადოება, იქითკენ არიან ჩაკეტილები, ჩვენ ვართ გარეთ იმ...
კლიმატური პირობების გაუარესების გამო, მოკლევადიანი შეფერხებები შეიძლება შეიქმნას ბურღულეულის რამდენიმე სახეობაზე - ნათია თურნავა
ეკონომიკისა და მდგრადი განვითარების მინისტრმა ნათია თურნავამ, საკოორდინაციო უწყებათაშორისო საბჭოსა და პრემიერის შეხვედრის შემდეგ განაცხადა, რომ იმ აჟიოტაჟური მოთხოვნის საფუძველი, რომელიც პროდუქტებზეა - არ არსებობს.
"რაც შეეხება დეფიციტის საკითხს, დღეს არის უბრალოდ საუბარი აჟიოტაჟურ მოთხოვნაზე, რასაც საფუძველი არ გააჩნია, რადგან მარაგი არის აბსოლუტურად საკმარისი.
გარკვეული მოკლევადიანი შეფერხებები შეიძლება შეიქმნას ბურღულეულის რამდენიმე სახეობაზე, მაგრამ ეს არა იმიტომ ხდება, რომ მარაგთან დაკავშირებით საფრთხის ქვეშ ვართ, არამედ იმიტომ, რომ გარკვეული კლიმატური პირობების გაუარესების გამო, ლარსი დროებით გადაკეტილია. თუმცა, აღსანიშნავია, რომ გზაში საკმარისი მარაგია.
უნდა ითქვას, რომ ბიზნესი საკმაოდ აქტიურად თანამშრომლობს ჩვენთან, ეს შეეხება საკვები პროდუქტებისა და პირველადი მოხმარების საქონლის იმპორტიორებს. ასევე, სავაჭრო ქსელებს. ასეთ ერთეულ ფაქტებზე ჩვენ მკაცრ მონიტორინგს ვახორციელებთ," - განაცხადა ნათია თურნავამ.
რაც შეეხება საზღვარგარეთიდან ჩამოსაყვან საქართველოს მოქალაქეებს, დადგება თუ არა, სუბსიდირების საჭიროება, ნათია თურნავა აცხადებს, რომ თუ ამის საჭიროება იქნება - სახელმწიფო ამისათვის მზად არის.
"დღესდღეობით სახელმწიფო მიდის ბიზნესის მხარდაჭერის უპრეცენდენტო ზომებზე, განსაკუთრებით მათზე, ვინც დარტყმის ქვეშ აღმოჩნდნენ. მაგალითად ტურიზმი, რომელსაც ჩვენ 1 მილიარდი ლარით დავეხმარეთ. ასევე, დარტყმის ქვეშ აღმოჩნდა ქართული ავიაციაც.
ჩვენ შეთანხმებულები ვართ და იქ, სადაც საქმე ეხება საქართველოს მოქალაქეების ჩამოყვანას, ყველა საჭირო დახმარებას გავწევთ, იქნება ეს სუბსიდირება თუ სხვა რამ. მაგრამ განვმარტავ, რომ საუბარია არა უფასო რეისებზე, არამედ კომერციულზე, ჩვენ შევთანხმდით ბილეთების ფასზეც, რომელიც საგრძნობლად დაიკლებს," - განაცხადა ნათია თურნავამ.
კომენტარები