სალომე ზურაბიშვილმა ორბელიანების სასახლე დატოვა...
“მინდა, პირველ რიგში, ყველას დიდი მადლობა გითხრათ აქ მოსვლისთვის დღეს იმიტომ, რომ დღეს ჩვენ აქ ვდგავართ, იქითკენ არის სიცარიელე, აქ არის საზოგადოება, იქითკენ არიან ჩაკეტილები, ჩვენ ვართ გარეთ იმ...
ნათია თურნავა ფრენების შეჩერებაზე - მხოლოდ ირანისა და ჩინეთის მიმართულებიდან ზიანი, რასაც ტურიზმში ველოდებით, სულ მცირე თვეში 30 მილიონი ლარია
საქართველოს ეკონომიკისა და მდგრადი განვითარების მინისტრის, ნათია თურნავას განცხადებით, ჩინეთთან და ირანთან პირდაპირი ფრენების შეზღუდვით ტურიზმი თვეში სულ მცირე, 30 მილიონის ზარალს განიცდის.
„კორონავირუსი არის გლობალური გამოწვევა, რომლის წინაშეც მთლიანად მსოფლიო დადგა. დღეს უკვე მიმდინარეობს საუბარი მსოფლიოში იმის თაობაზე, რომ გლობალური ეკონომიკა, გლობალური ვაჭრობა სერიოზულად ზარალდება, ზარალდება ავიაციის სფერო, ზარალდება ტურიზმის ბიზნესი და არამხოლოდ. საქართველოში ყველაფერს ვაკეთებთ იმისთვის, რომ ჩვენი მოქალაქეების ჯანმრთელობა დაცული იყოს. ამას აბსოლუტურად მომზადებული ვხვდებით, ამიტომ ჩვენთვის ყველა სხვა ინტერესთან შედარებით, უპირატესია ჩვენი მოსახლეობის ჯანმრთელობა. ამიტომ წავედით იმ არაპოპულარულ ზომებზე, რაც პირდაპირი ფრენების შეზღუდვა და შეჩერებაა ირნთან, ჩინეთთან.
რა თქმა უნდა, თქვენ იცით, რომ ჩვენ ყოველთვის ძალიან დიდ ყურადღებას ვაქცევთ ჩვენი ტურიზმის განვითარებას. პირდაპირი ზიანი მხოლოდ ირანის და ჩინეთის მიმართულებიდან, რასაც ტურიზმში ველოდებით, სულ მცირე 30 მილიონი ლარია თვეში. იქიდან გამომდინარე, რამდენ ხანს გაგრძელდება ეს, ზარალი მოიმატებს, მაგრამ ჩვენ დიდი იმედი გვაქვს, რომ მსოფლიო სწრაფად გაუმკლავდება ამ გამოწვევას, იმიტომ რომ ჩვენ არ ვართ მარტო ამ სიტუაციაში“, - განაცხადა თურნავამ.
„მთელი მსოფლიო იბრძვის ამ ახალი გამოწვევის წინააღმდეგ. ჩვენ ჩვენი მხრიდან გავაძლიერებთ პრევენციას, რაც საჭირო იქნება იმისთვის, რომ ჩვენი მოქალაქეების ჯანმრთელობა უსაფრთხო, დაცული იყოს და ამ გამოწვევას ღირსეულად შევხვდეთ, ყველაფერი იქნება გაკეთებული. რაც შეეხება იმ ზარალს, რაც ეკონომიკას მიადგება, შესაძლებლობა გვექნება ამაზე ვიმსჯელოთ, შევხედავთ, გააჩნია რამდენ დროს გაგრძელდება ეს გამოწვევა და რა თქმა უნდა, მთავრობა ანტიკრიზისულ ზომებზე იფიქრებს. მიუხედავად ყველა გლობალური გამოწვევისა, იქნება ეს რეგიონალური შოკები თუ თუნდაც, კორონავირუსი, რომელიც ახალი გამოწვევაა, რაც მთავარია, ჩვენი ეკონომიკა ძალიან ჯანსაღია. ჩვენი მაკროეკონომიკური ვითარება არის ერთ-ერთი ყველაზე ჯანსაღი რეგიონში. ჩვენი ეკონომიკა იზრდება, ჩვენი ექსპორტი იზრდება, ჩვენი ეროვნული ვალუტა მყარდება და ეს არის სწორი მონეტარული პოლიტიკის და სწორი ეკონომიკური პოლიტიკის შედეგი“, - განაცხადა თურნავამ.
კომენტარები