სალომე ზურაბიშვილმა ორბელიანების სასახლე დატოვა...
“მინდა, პირველ რიგში, ყველას დიდი მადლობა გითხრათ აქ მოსვლისთვის დღეს იმიტომ, რომ დღეს ჩვენ აქ ვდგავართ, იქითკენ არის სიცარიელე, აქ არის საზოგადოება, იქითკენ არიან ჩაკეტილები, ჩვენ ვართ გარეთ იმ...
,,თითო-ოროლა კონგრესმენის, მეგობრობით გაკეთებული განცხადება ჩემთვის საინტერესო არ არის"
ჩემთვის საინტერესოა აშშ-ის ოფიციალური განცხადება, სადაც მიუთითებენ იმ განხორციელებულ რეფორმებს, რომელიც ქვეყანაში ხორციელდება და არა თითო-ოროლა კონგრესმენის, მეგობრობით გაკეთებული განცხადება, – ამის შესახებ თბილისის მერმა, კახა კალაძემ აშშ-ის კონგრესმენის, რესპუბლიკური პარტიის წევრის, მარკუეინ მალინის წერილთან დაკავშირებით დასმული კითხვის საპასუხოდ განაცხადა.
კახა კალაძის განცხადებით, პირადად არ გასცნობია ამერიკელი კონგრესმენის წერილს, თუმცა აღნიშნავს, რომ „დაუმსახურებელ კრიტიკას ვერ მიიღებს“.
„მე არ ვიცნობ წერილის შინაარსს, თუმცა ნამდვილად ვერ მივიღებთ ისეთ კრიტიკას, რომელიც ნამდვილად დაუმსახურებელია. ქვეყანა დემოკრატიული თვალსაზრისით ვითარდება და მნიშვნელოვანი ცვლილებები იქნა განხორციელებული დაწყებული 2012 წლიდან. შედარებებიც კი საკმარისია, თუ რა ხდებოდა 2012 წლამდე გამოხატვის თავისუფლების, სიტყვის თავისუფლების, თუნდაც ტელევიზიების მიმართულებით. ძალიან დიდია სხვაობა, რაც ხდებოდა ქვეყანაში და რა მდგომარეობაა დღეს საქართველოში. დემოკრატიული თვალსაზრისით, სიტყვის და გამოხატვის თავისუფლებით გვაქვს ძალიან დიდი წინგადადგმული ნაბიჯი. თუმცა ჩვენ ამაზე, რა თქმა უნდა, არ ვჩერდებით. ქვეყანა ვითარდება, წინ მიდის. ამაზე მეტყველებს ყველა ჩვენი საერთაშორისო პარტნიორის ოფიციალური განცხადებები. ეს მისი სუბიექტური მოსაზრებებია .
ჩემთვის არ არის საინტერესო მისი განცხადება. ჩემთვის საინტერესოა ოფიციალური ამერიკის განცხადება ჩემთვის. ჩვენ რამდენიმე ხნის წინ ვიხილეთ ოფიციალური განცხადება, სადაც მიუთითებდნენ იმ განხორციელებულ რეფორმებზე, რომელიც ქვეყანაში ხორციელდება და დადებითად იყო შეფასებული. თითოოროლა კონგრესმენის, მეგობრობით გაკეთებული განცხადება ჩემთვის საინტერესო არ არის.
კომენტარები