თიბისის პარტნიორი, ავტომანქანების თანამგზავრულ-სან...
ავტომანქანების თანამგზავრულ-სანავიგაციო და დაცვითი სისტემების ქართულ ბაზარზე „ჯიპიეს ჯორჯია“ ერთ-ერთი ლიდერია. მოთხოვნა GPS მონიტორინგის თანამედროვე და მაღალი ხარისხის სისტ...
|
კავკასიის რეგიონში JCB-ის ოფიციალურმა დილერმა „თეგეტა ჰოლდინგის“ შვილობილმა კომპანია Tegeta Construction Equipment-მა 2023 წელი გაყიდვების გაუმჯობესებული მაჩვენებლით დაასრულა და ბრიტანული სპეციალური დანიშნულების ტექნიკის როლი ბაზარზე მნიშვნელოვნად გაზარდა. საქართველოსა და რეგიონის სხვა ქვეყნებში, ტექნიკის რეალიზაციის ჯამური ზრდა 70% იყო.
სწორედ გაყიდვების მაღალი მაჩვენებლის გამო, Tegeta Construction Equipment ბრიტანული ბრენდის ყველაზე მსხვილ დილერებს შორის გამოარჩიეს და მზარდი გაყიდვების კატეგორიაში საუკეთესოს სტატუსი მიანიჭეს. ეს იყო პრეცედენტი, როცა JCB-ს 75 Top დილერის კონფერენციაზე კომპანიამ ცენტრალური აზიიდან და კავკასიიდან მსგავსი პრიზი და აღიარება მოიპოვა.
გიორგი ბერიძე, Tegeta Construcion Equipment-ის დირექტორი: „2023 წელს მნიშვნელოვანი ზრდა ყველა მიმართულებით ვაჩვენეთ, როგორც საქართველოში, ისე რეგიონის სხვა ქვეყნებში. Tegeta Construcion Equipment JCB-ს ერთადერთი დილერია კავკასიაში და ჩვენს მიღწევებს ის ჯილდოც ადასტურებს, რომელიც Tegeta Construction Equipment-ს უშუალოდ JCB-ს CEO-სგან, გრემ მაკდონალდისგან მიიღო.
2023 წელს ყველაზე გაყიდვადი ექსკავატორ დამტვირთველი და მუხლუხა ექსკავატორი იყო. საქართველოში 250-ზე მეტი ერთეული სამშენებლო ტექნიკა გავყიდეთ, რაც ნიშნავს იმას, რომ, 2022 წელთან შედარებით, რეალიზაციის ნაწილში დაახლოებით 50%-იანი ზრდა ვაჩვენეთ. რაც შეეხება სრულად რეგიონის მაჩვენებელს, 500-ამდე ერთეული მძიმე ტექნიკის გაყიდვა შევძელით“.
Tegeta Construction Equipment-ის ოპერირების გეოგრაფიული არეალის გაზრდა „თეგეტა ჰოლდინგის“ სტრატეგიის ნაწილია. სწორედ ამ მოტივით კომპანიამ 2023 წელს კავკასიის რეგიონში JCB-ს მასშტაბური სადილერო ცენტრები გახსნა. ახალი კომპლექსები „თეგეტასა“ და ბრიტანული ბრენდის სტანდარტების სრული დაცვით აშენდა და მასში ორი მილიონი დოლარის ინვესტიცია ჩაიდო. ის 2000 კვადრატულ მეტრს მოიცავს და შოურუმს, სერვისცენტრს, სასაწყობე ფართსა და საოფისე სივრცეს აერთიანებს.
Tegeta Construction Equipment-ის წარმატებული საქმიანობის კიდევ ერთი აღიარება დიდი ბრიტანეთის დელეგაციის ვიზიტი იყო. გაერთიანებული სამეფოს სახელმწიფო მინისტრი ექსპორტის საკითხებში, ლორდ მალკომ ოფორდი, და საქართველოში დიდი ბრიტანეთის ელჩი, მარკ კლეიტონი, ბრიტანული ბრენდის JCB-ს ქართველ წარმომადგენლებს შეხვდნენ.
2023 წელი კომპანიისთვის განსაკუთრებით მნიშვნელოვანი იყო, რადგან Tegeta Construction Equipment-ს ახალი მიმართულება - „თეგეტა აგრი“ დაემატა. კომპანიის მხრიდან აგრარულ სეგმენტში აქტიური ჩართულობის გაზრდა მიზნად ისახავს როგორც ახალ სეგმენტში გაფართოებას, ისე ფერმერებისა და ქვეყნის აგროსექტორის გაძლიერებას. ახალი ტექნიკა, რომელიც ბაზარზე „თეგეტა აგრიმ“ შემოიტანა, მიმართულია სასოფლო-სამეურნეო კულტურების მოსავლიანობის გაზრდისა და მათი მოვლა-მოყვანის ხარჯების შემცირებისკენ.
გიორგი ბერიძე, Tegeta Construcion Equipment-ის დირექტორი: „გასული წელი მნიშვნელოვანი იყო „თეგეტა აგრის“ შექმნისა და განვითარების თვალსაზრისითაც. საქართველოში უკვე ოთხი ახალი ბრენდის, Fendt-ის, Valtra-ს, Goldoni-სა და Zetor-ის ოფიციალური დილერი გავხდით. სასოფლო-სამეურნეო კულტურების მოვლა-მოყვანის სამუშაოები დაკავშირებულია როგორც შერჩეული ტექნოლოგიის, ისე აგროვადების მკაცრ დაცვასთან, სადაც გადამწყვეტი მნიშვნელობა აქვს ოპერაციების შესრულების ხარისხსა და დროს.
„თეგეტა აგრის“ მიზანია, სრულად დაფაროს რეგიონი და ბაზარზე შეიტანოს სასოფლო-სამეურნეო ტექნიკის მრავალფეროვანი ასორტიმენტი. შესაბამისი პროდუქტი შესთავაზოს როგორც მცირე, საშუალო და მსხვილ ფერმერულ მეურნეობებს, ისე კომპანიებს, სხვადასხვა სახელმწიფო სტრუქტურასა და მუნიციპალიტეტს“.
Tegeta Construction Equipment-ს 2024 წელსაც ამბიციური გეგმები აქვს. კომპანია ბრენდების პორტფელის გაფართოებაზე, ასევე საკადრო მიმართულებით კვალიფიკაციის გაუმჯობესებაზე მუშაობს. Tegeta Construction Equipment-ის მთავარ მიზნად კი გეოგრაფიული არეალის გაფართოება რჩება.
--
„თეგეტა ჰოლდინგის“ შვილობილი კომპანია Tegeta Construction Equipment ბაზარზე 2007 წლიდან ოპერირებს. ის ბრიტანული უმსხვილესი სამშენებლო ტექნიკის ბრენდის, JCB-ს ოფიციალური დილერია საქართველოსა და კავკასიის სხვა ქვეყნებში. კომპანია მომხმარებელს სთავაზობს სამშენებლო და საგზაო ტექნიკას სრული საგარანტიო მომსახურებით, ასევე ნებისმიერი სამშენებლო ტექნიკის სერვისსა და სათადარიგო ნაწილებს.
ავტომანქანების თანამგზავრულ-სანავიგაციო და დაცვითი სისტემების ქართულ ბაზარზე „ჯიპიეს ჯორჯია“ ერთ-ერთი ლიდერია. მოთხოვნა GPS მონიტორინგის თანამედროვე და მაღალი ხარისხის სისტ...
2024 წლის პირველ ნახევარში Geely Auto Group-მა, ჯამში, 955 730 ავტომობილის რეალიზაცია შეძლო, რაც გასული წლის ანალოგიურ პერიოდთან შედარებით 41%-ით მეტია. კომპანიას რეკორდული შედეგები აქვს საერთაშორისო...
თიბისი ლიზინგმა ლეგენდარულ ფრანგულ ბრენდთან MICHELIN-თან თანამშრომლობის მემორანდუმი დადო, რომლის ფარგლებშიც, კომპანიის ოფიციალური პარტნიორი ხდება საქართველოში. აღნიშნული კოლაბორაციის ფარგლებში, მომხმ...
სერიიდან “ყველაფერი ბიზნესისთვის” დღეს იმ ციფრული საბანკო პლატფორმებს გაგაცნობთ, რომელსაც თიბისი MSME სექტორს სთავაზობს. თიბისის ბიზნეს ინტერნეტ და მობაილბანკი შექმნილია იმისათვის,...
„თეგეტა აკადემიამ“ გერმანული საავტომობილო ბრენდის, MAN-ის საერთაშორისო ტრენინგს უმასპინძლა. გერმანიიდან და გაერთიანებული საამიროებიდან მოწვეულმა ტრენერებმა დამსწრეებს MAN-ის სატვირთო ავტო...
თიბისი კონცეპტის მხარდაჭერით თეატრი „სახელოსნო 42“ ახალ სეზონს იწყებს. თეატრი „სახელოსნო 42“ ლევან წულაძის მიერ შექმნილი დამოუკიდებელი თეატრალური სივრცეა. თეატრის მიზან...
თიბისი ლიზინგის მხარდაჭერით და სკუტ სკუტის ორგანიზებით „სკუტერის დღე“ გაიმართა. ღონისძიების მიზანი დაინტერესებული პირებისთვის ორბორბლიანი ტრანსპორტის ტარების სწავლებაა, რაც საბოლოოდ გადაა...
კომენტარები