საბედისწერო შემოდგომა ელის ქართველ ხალხს – რასა იუ...
“რამდენიმე მოსაზრება თბილისში ჩემი ვიზიტიდან: ბიძინა ივანიშვილი და ევროკავშირში წევრობა სრულიად შეუთავსებლები არიან. საბედისწერო შემოდგომა ელის ქართველ ხალხს. მათ უნდა აირჩიონ, სურთ ე...
|
· Tegeta Construction Equipment-მა ჯილდო „საუკეთესო გაყიდვების ზრდის“ კატეგორიაში მიიღო
· Tegeta Construction Equipment-მა გაყიდვების 80%-ამდე ზრდა აჩვენა, რაც მსოფლიო მასშტაბით JCB-ის დილერებს შორის საუკეთესო შედეგია
Tegeta Construction Equipment ბრიტანული ბრენდის ყველაზე მსხვილ დილერებს შორის გამოარჩიეს და მზარდი გაყიდვების კატეგორიაში საუკეთესოს სტატუსი მიანიჭეს. მთავარი ინდიკატორი ის მასშტაბური მაჩვენებელი გახდა, რომელსაც ქართულმა კომპანიამ ბოლო ერთი წლის განმავლობაში მიაღწია. Tegeta Construction Equipment-მა JCB-ის მსოფლიო მასშტაბით არსებულ 800-ზე მეტ დილერს შორის პირველობა არავის დაუთმო და ტექნიკის გაყიდვების კუთხით 77%-იანი გაზრდილი მონაცემით გაყიდვების ზრდის საუკეთესო მაჩვენებლისთვის ჯილდო მოიპოვა.
დაჯილდოების ცერემონია იმ კონფერენციის ფარგლებში გაიმართა, რომელსაც JCB-ი ტრადიციულად ყოველ წელს აწყობს. ბრიტანული ბრენდი ღონისძიებაზე საერთაშორისო მასშტაბით არსებული მისი 800-ამდე დილერიდან ყველაზე მსხვილ 75 დილერს გაერთიანებულ სამეფოში მასპინძლობს.
გიორგი ბერიძე, Tegeta Construcion Equipment-ის დირექტორი: „მოხარულები ვართ, რომ ჩვენი კომპანია JCB-ს წამყვანი დილერია რეგიონში. ამას უკვე ის ჯილდოც მოწმობს, რომელიც Tegeta Construction Equipment-ს უშუალოდ JCB-ის CEO-სგან, გრემ მაკდოლანდისგან გადაეცა. გაყიდვების 77%-იანი ზრდა ადასტურებს, რომ ჩვენ შეგვიძლია გამორჩეულ შედეგებს მივაღწიოთ JCB-ის წარმომადგენლობებს შორის მთელი მსოფლიოს მასშტაბით. გასათვალისწინებელია რეგიონული ფაქტორი და გეოპოლიტიკური ვითარებაც - ჩვენმა კომპანიამ ამ შედეგების მიღწევა საკმაოდ რთულ და სპეციფიკურ პირობებში მოახერხა. მეორე მხრივ, ეს ჯილდო კიდევ უფრო დიდ პასუხისმგებლობას გვაკისრებს - გავაუმჯობესოთ შედეგები, კიდევ უფრო მაღალ დონეზე ავიყვანოთ გაყიდვების შემდგომი მომსახურება და გავაფართოოთ ბიზნესსაქმიანობა, რომელიც ამ დროისათვის რეგიონის ბაზარს სრულად ფარავს. მადლობას ვუხდით ჩვენს პარტნიორებს ნდობისთვის და ჩვენს სტრატეგიულ პარტნიორს JCB-ის - ჩვენი და ჩვენი რეგიონის განსაკუთრებული მხარდაჭერისთვის“.
JCB-ის წარმომადგენლობით ღონისძიებაზე, რომელიც დიდ ბრიტანეთში ყოველწლიურად იმართება, Tegeta Construction Equipment წელს პირველად მიიწვიეს, როგორც ბრენდის ერთ-ერთი საუკეთესო დილერი. ამასთანავე, კავკასიაში ოპერირების განმავლობაში ბრიტანულმა ბრენდმა კავკასიის რეგიონში პირველად დაასახელა გამარჯვებული და საუკეთესო დილერის სტატუსი გაყიდვების ზრდის მიმართულებით Tegeta Construction Equipment-ს მიანიჭა.
სპეციალური დანიშნულების ტექნიკის მწარმოებელი ბრენდის სათავო ოფისში გასული წლის შედეგებს, კომპანიის მიღწევებსა და სამომავლო გეგმებს რამდენიმე დღის განმავლობაში განიხილავდნენ. ეს არის ერთგვარი პლატფორმა, სადაც ბრიტანული ბრენდის დილერები ყოველწლიურად უზიარებენ ერთმანეთს გამოცდილებას და JCB-ის მიერ შექმნილი ინოვაციური პროდუქტების სხვადასხვა ბაზრებზე დანერგვის პერსპექტივებზე მსჯელობენ.
მსოფლიო ბრენდისათვის, რომელსაც საქმიანობის 75-წლიანი გამოცდილება აქვს, გასული 2022 წელი ისტორიული იყო. კომპანიამ რეკორდული რაოდენობის, 105,148 ერთეული, სპეციალური დანიშნულების ტექნიკის რეალიზაცია განახორციელა. პიკს მიაღწია წლიურმა ბრუნვამაც და 5,7 მილიარდი ფუნტი სტერლინგი შეადგინა. 2027 წლისათვის კი JCB-ი აპირებს, ბრუნვა 10 მილიარდ ფუნტამდე გაზარდოს, ბაზრის წილი კი - 15%-ამდე. პარტნიორის ამ სტრატეგიას საკუთარი ამბიციური გეგმებით უერთდება Tegeta Construction Equipment.
გიორგი ბერიძე, Tegeta Construcion Equipment-ის დირექტორი: „სწრაფი განვითარება და ინოვაციური მიდგომები - ეს არის ის მთავარი მიზნები, რაც ჩვენს კომპანიასა და JCB-ს აერთიანებს. უახლოესი პერიოდის გეგმებშია, სამშენებლო, საგზაო და ინდუსტრიულ ტექნიკასთან ერთად, მომხმარებელს უფრო მრავალფეროვანი პროდუქცია შევთავაზოთ. მათ შორის, საუბარია სპეციალური დანიშნულების ელექტრიფიცირებულ ტექნიკაზე, რომლის წარმოებითაც JCB-ი ერთ-ერთი ლიდერია მსოფლიო ბაზარზე. პარალელურად, ვმუშაობთ სადილეროების გაფართოებაზე როგორც საქართველოს, ისე მეზობელი ქვეყნების ბაზრებზე. გეგმა ამბიციური, თუმცა რეალისტურია და ვფიქრობთ, ამას ჩვენი სტრატეგიული პარტნიორის, JCB-ის ჯილდოც მოწმობს“.
ქართული კომპანია უკვე 16 წელია სამშენებლო, საგზაო და ინდუსტრიული ტექნიკის მწარმოებელი ბრენდის, JCB-ის ოფიციალური წარმომადგენელია. მაღალი მოთხოვნის გათვალისწინებით, საქმიანობა გააფართოვა და 2019 წლიდან კომპანიამ ოპერირება დაიწყო კავკასიის რეგიონში.
ბრიტანული წარმოების პროდუქციის მიწოდებასთან ერთად რეგიონის ქვეყანაში Tegeta Construcion Equipment მომხმარებელს გაყიდვების შემდგომ სრულ მომსახურებას სთავაზობს და ბაზარზე ლიდერის პოზიციას ინარჩუნებს.
---
„თეგეტა ჰოლდინგის“ შვილობილი კომპანია Tegeta Construction Equipment ბაზარზე 2007 წლიდან ოპერირებს. ის ბრიტანული უმსხვილესი სამშენებლო ტექნიკის ბრენდის, JCB-ის, ოფიციალური დილერია საქართველოში და კავკასიის სხვა ქვეყნებში. კომპანია მომხმარებელს სთავაზობს სამშენებლო, საგზაო და ინდუსტრიულ ტექნიკას სრული სარეგლამენტო და საგარანტიო მომსახურებით.
“რამდენიმე მოსაზრება თბილისში ჩემი ვიზიტიდან: ბიძინა ივანიშვილი და ევროკავშირში წევრობა სრულიად შეუთავსებლები არიან. საბედისწერო შემოდგომა ელის ქართველ ხალხს. მათ უნდა აირჩიონ, სურთ ე...
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
სექტემბერი 2024 | |||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||
|
კომენტარები