თიბისის მხარდაჭერით „ალტე უნივერსიტეტი“ START-UP მ...
თიბისის მხარდაჭერით, „ალტე უნივერსიტეტი“ მე-10, მე-11 და მე-12 კლასის მოსწავლეებისთვის სასკოლო START-UP მარათონს გამართავს. თიბისი ახალი თაობისთვის უკვე მეორე წელია ამ პროექტის პარტნიორია...
ვახტანგ ბუცხრიკიძეს გაეროს მსოფლიო ტურიზმის ორგანიზაციის ჯილდო გადაეცა
წინანდალში გამართულ თიბისის 30 წლის იუბილეზე, ტურიზმის განვითარებაში შეტანილი განსაკუთრებული წვლილისთვის, გაეროს მსოფლიო ტურიზმის ორგანიზაციის გენერალურმა მდივანმა ზურაბ პოლოლიკაშვილმა თიბისის გენერალურ დირექტორს ვახტანგ ბუცხრიკიძეს სპეციალური ჯილდო გადასცა.
აღნიშნული ჯილდო ვახტანგ ბუცხრიკიძეს საქართველოში ტურიზმის განვითარებისა და აღდგენისადმი განსაკუთრებული მხარდაჭერისა და ერთგულებისთვის გადაეცა.
გაეროს მსოფლიო ტურიზმის ორგანიზაციის ჯილდო სხვადასხვა დროს მსოფლიოში არაერთ ცნობილ ადამიანს გადაეცა, მათ შორის სახელმწიფოს მეთაურებს, აშშ-ს 44-ე პრეზიდენტს ბარაკ ობამას, გერმანიის კანცლერს ანგელა მერკელს, ესპანეთის, იტალიის, პორტუგალიის, ბულგარეთის, იაპონიის, ყატარის, ალჟირის, ეგვიპტის, ბრაზილიის და სხვა ქვეყნების პრემიერ-მინისტრებს და პრეზიდენტებს, ესპანეთის მეფეს ფილიპე მეექვსეს, რომის პაპს ფრანცისკეს, ცნობილ ფეხბურთელს ლიონელ მესის, ცნობილ დიზაინერებს ჯორჯო არმანის და სტეფანო რიჩის და სხვებს.
2003 წლიდან დღემდე, გაეროს მსოფლიო ტურიზმის ორგანიზაცია აფასებს და აღიარებს იმ ორგანიზაციებისა და ინდივიდების მუშაობას მთელს მსოფლიოში, რომლებიც ინოვაციებისა და ცოდნის მეშვეობით დადებით გავლენას ახდენენ ტურიზმის სექტორის განვითარებაზე.
კომენტარები