|
პირველ ივლისს მინიწყალბურთში ზურაბ სახელაშვილის სახელობის ტურნირი „ზუკას თასი“ კაჭრეთის ამბასადორის „ოლიმპიურ აუზზე“ ჩატარდა. შეჯიბრებამ წელს პირველად უმასპინძლა გოგონათა გუნდებს. ეს არის დამოუკიდებელი საქართველოს ისტორიაში პირველი შემთხვევა, როცა წყალბურთში ერთმანეთს გოგონები შეეჯიბრნენ. ტურნირის სპონსორი „თეგეტა ჰოლდინგის“ შვილობილი კომპანია „ტოიოტა ცენტრი თეგეტა“ იყო, რომელიც ყოველთვის ხელს უწყობს, ერთი მხრივ, ქალთა როლის გაძლიერებასა და, მეორე მხრივ, ჯანსაღი ცხოვრების წესის დამკვიდრებას.
თეა მანჯავიძე, „ტოიოტა ცენტრი თეგეტას“ მარკეტინგის მენეჯერი: „ტოიოტასთვის ჯანსაღი ცხოვრების წესის პოპულარიზაცია ძალიან მნიშვნელოვანია. მთავარი მიზეზი, რის გამოც მხარი დავუჭირეთ „ზუკას თასს“, არის ქალთა გაძლიერების მხარდაჭერა, რადგან, როგორც იცით, წელს პირველად ზუკას თასის ტურნირში გოგონათა გუნდები ჩაერთნენ. გვსურს, რომ გავამხნეოთ შეჯიბრებაში მონაწილე გოგონები და ასევე ხაზი გავუსვათ ჯანსაღი ცხოვრების წესის მნიშვნელობას“.
„ზუკას თასში“ წელს წარმატებით იასპარეზა გოგონათა ორმა გუნდმა - „დინამომ„ და კლუბმა „ივერიამ“. გოგონებს შორის საუკეთესო მოთამაშედ სალომე ნიკოლაიშვილი დასახელდა. შეჯიბრების წლევანდელი გამარჯვებული გახდა ყოფილი ეროვნული ნაკრები, კლუბი „დინამო“, რომელიც გარდამავალი თასით დაჯილდოვდა. თასები ასევე მიიღეს საუკეთესო ბომბარდირმა, მოთამაშემ და მეკარემ. მეორე ადგილზე გავიდა ზუკა სახელაშვილის სახელობის გუნდი „ლაგუნა ვერე“, ხოლო მესამეზე - „ზვიგენები“.
თათა სახელაშვილი, „ზუკას თასის“ ორგანიზატორი: „ზუკას თასის“ მსგავსი სპორტული ღონისძიებების თანადგომაში კერძო სექტორის ჩართულობას ძალიან დიდი მნიშვნელობა აქვს. აქვე უნდა ითქვას, რომ „ტოიოტა ცენტრი თეგეტა“ თავისი სოციალური პასუხისმგებლობით ყოველთვის გამოირჩევა ისეთი პროექტების მხარდაჭერით, რომლებიც ქალთა გაძლიერებას ისახავს მიზნად. მოხარული ვართ, რომ ჩვენს პროექტში ჩართვასაც დიდი ენთუზიაზმით დათანხმდნენ“.
„ზუკას თასი“ 2007 წლიდან იმართება და გარდაცვლილი წყალბურთელის, ზუკა სახელაშვილის ხსოვნას ეძღვნება. წელს ტურნირი შერეული სისტემით, მინიწყალბურთის წესებით გაიმართა და მასში მონაწილეობის უფლება ჰქონდათ დედაქალაქის წყალთა სახეობის სასპორტო სკოლების, ოლიმპიური მზადების ცენტრებისა და მათი ფილიალების აღსაზრდელებს, ასევე ვეტერან სპორტსმენებს.
--
„ტოიოტა ცენტრი თეგეტა“ „თეგეტა ჰოლდინგის“ შვილობილი კომპანიაა და საქართველოს ბაზარზე 2014 წლიდან ოპერირებს. კომპანია მონობრენდულია და მისი მომსახურება სრულიად ტოიოტას ავტომობილებზეა ფოკუსირებული. ამ ეტაპზე კომპანია მომხმარებელს სთავაზობს ტოიოტას უახლესი მოდელების ავტომობილებს, მაღალი ხარისხის ორიგინალ ავტოსათადარიგო ნაწილებს, აქსესუარებსა და მომსახურებას. სერვისი აღჭურვილია თანამედროვე ავტორიზებული პროგრამებითა და კვალიფიციური პერსონალით.
11:54
საქართველოს მორაგბეთა ეროვნულმა ნაკრებმა რაგბი ევროპის ჩემპიონატის ნახევარფინალში რუმინეთი 43:5 დაამარცხა და ფინალში გავიდა, სადაც ესპანეთთან დაპირისპირება ელის. ამასთან, ბორჯღალოსნებმა ანთიმოზ ივერი...
13:15
თიბისი, საგანმანათლებლო ინიციატივების ფარგლებში, აგრძელებს სხვადასხვა პროგრამის განვითარებას და უფროსკლასელებისთვის თიბისის ტექსკოლის ახალი ნაკადის მიღებას იწყებს. თიბისი ყოველთვის ითვალისწინებს ახა...
13:04
თიბისი ბიზნესის პანელური დისკუსიების სერია - “ხუთშაბათის შეხვედრები” ბრუნდება. 2025 წლის პირველი ღონისძიება ბათუმში, 13 მარტს ჩატარდება და ის ორგანიზაციული ზრდის გამოწვევების თემატიკას და...
12:57
„ტოიოტა ცენტრი თეგეტა“ კაიზენის 2024 წლის გლობალური ჯილდოს მფლობელია. კაიზენის ჯილდო ტოიოტას სადილეროებს ყოველწლიურად, სხვადასხვა კრიტერიუმით შეფასების შემდეგ, გადაეცემათ. იაპონური ბრენდი...
19:26
„ვოლვო ქარ კავკასია” Excellence Club-ის ჯილდოს არ თმობს. Volvo Cars EMEA-ს ყოველწლიურ ბიზნესკონფერენციაზე კომპანიამ მორიგი საერთაშორისო აღიარება მოიპოვა. Excellence Club-ის ჯილდოსთვის შედ...
14:41
თიბისი კონცეპტის სამოგზაურო უპირატესობები ახლა უკვე ერთ სივრცეში -მობაილბანკშია ხელმისაწვდომი. კონცეპტ მომხმარებლებს თიბისის მობაილბანკის შეთავაზებების გვერდზე აეროპორტის სერვისები დაგხვდებათ, სადაც ...
13:09
12 მარტიდან 12 აპრილამდე, ყველა მომხმარებელს ექნება საშუალება, თიბისის მობაილბანკიდან უმარტივესად გადაიხადოს ამანათის ტრანსპორტირების თანხა. ამანათის გამოწერისას, მისი ტრანსპორტირების თანხას გადამზი...
|
კომენტარები