კულტურა

გურჯაანმა წელს პირველად ყველისა და კულინარიის ფესტივალს უმასპინძლა

წელს პირველად, ყველისა და კულინარიის ფესტივალი გურჯაანში გაიმართა. ფესტივალის ფარგლებში, ქართული ტრადიციული სამზარეულოს პოპულარიზაციის მიზნით ადგილობრივი მოსახლეობისა და ქალაქის სტუმრებისათვის სხვადასხვა ღონისძიებაც მოეწყო. ერთ-ერთი ყველაზე მნიშვნელოვანი ყველისა და სხვა აგროპროდუქტების გამოფენა იყო. მზარეულებმა ყველისგან კერძებიც კი მოამზადეს.

ღონისძიება გარემოს დაცვისა და სოფლის მეურნეობის მინისტრის მოადგილემ, ხატია წილოსანმა და გურჯაანის მუნიციპალიტეტის მაჟორიტარმა დეპუტატმა, დავით სონღულაშვილმა გახსნეს.

„ქართული აგროსასურსათო პროდუქციის პოპულარიზაცია და ბაზარზე დამკვიდრება სამინისტროს ერთ-ერთი პრიორიტეტია. გურჯაანის ყველისა და კულინარიის ფესტივალი კარგი შესაძლებლობაა, როგორც ფერმერებისთვის წარუდგინონ და გააცნონ ფართო საზოგადოებას საკუთარი პროდუქცია და მიიღონი მეტი შემოსავალი, ისე რეგიონის განვითარებისთვის, რაც ადგილობრივი მოსახლეობის ეკონომიკური მდგომარეობის გაუმჯობესებას უზრუნველყოფს“,- აღნიშნა გარემოს დაცვისა და სოფლის მეურნეობის მინისტრის მოადგილემ, ხატია წილოსანმა.

როგორც გურჯაანის მუნიციპალიტეტის მაჟორიტარმა დეპუტატმა, დავით სონღულაშვილმაგანაცხადა, ფესტივალი რეგიონში კულინარიის, როგორც დარგის პოპულარიზაციასისახავს მიზნად, რაც მნიშვნელოვნად შეუწყობს ხელს რეგიონში ტურიზმის განვითარებასაც.

ფესტივალზე წარმოდგენილი იყო 50-ზე მეტი სახეობის როგორც ტრადიციული, უძველესი რეცეპტებით დამზადებული ქართული ყველის სახეობები, ასევე საქართველოში წარმოებული ევროპული, ბრენდირებული ყველის ანალოგები. ფესტივალის სტუმრებს საშუალება ჰქონდათ დაეგემოვნებინათ და შეეძინათ ქართული ყველი და ყველისგან წარმოებული პროდუქტი, სხვადასხვა სახეობის ქართული ღვინო, ნუგბარი და სხვა ადგილობრივი წარმოების პროდუქცია.

ფესტივალის ფარგლებში, ყველის მწარმოებლებმა, ქართველმა და უცხოელმა შეფმზარეულებმა ჩაატარეს მასტერკლასები, სადაც სტუმრებსყველისა და კერძების მომზადების ტექნოლოგიები გააცნეს. გაიმართა ხინკლის მოხვევის შეჯიბრი, რომელშიც კულინარიული კონკურსის Bocuse d’Or ფინალისტები მონაწილეობდნენ. საფესტივალო სივრცეში წარმოდგენილი იყო ეთნოკულინარიის სივრცე, სადაც სხვადასხვა რეგიონიდან ჩამოსულმაკულინარებმა სტუმრებს მათი რეგიონის დამახასიათებელი და ტრადიციული კერძების მომზადების ტექნოლოგია გააცნეს.

ფესტივალის ფარგლებში, გაიმართა სხვადასხვა გასართობი აქტივობა ბავშვებისთვის, თემატური ფოტოების და ხელნაკეთი ნივთების გამოფენა. სტუმრების საზეიმო განწყობზე ადგილობრივი ფოლკლორული ანსამბლები და მომღერლები ზრუნავდნენ. ღონისძიებას ადგილობრივი თვითმმართველობის წარმომადგენლები, რესტორატორები, კულინარები, სომელიეებიდა ტურისტები ესწრებოდნენ.ფესტივალის დასკვნით ნაწილში კიბოკუზ დოღის (Bocuse d’Or) ფინალისტების კულინარიული შოუც მოეწყო და თოთოეულმა კრეატიულად მოზმადებული ხინკალი შემოგვთავაზა.

მეღვინეობისა და საფესტივალო ქალაქი გურჯაანში ყველისა და კულინარიის ფესტივალი პირველად გაიმართა და სტუმრებს ახტალას პარკში გაუმასპინძლდნენ. ქართული ყველისა და კულინარიის ფესტივალი პროგრამის „ქართული აგროსასურსათო პროდუქციის პოპულარიზაცია“ ფარგლებში, გარემოს დაცვისა და სოფლის მეურნეობის სამინისტროსა და გურჯაანის მუნიციპალიტეტის მერიის ორგანიზებითა და მხარდაჭერით მოეწყო.