0 3 : 2 1
სარეკლამო ადგილი - 21
620 x 80
 | 

ბიზნესი

„ტოიოტა ცენტრი ბათუმსა“ და ბათუმის ბოტანიკურ ბაღს შორის ურთიერთთანამშრომლობის მემორანდუმი გაფორმდა

„ტოიოტა ცენტრი ბათუმსა“ და ბათუმის ბოტანიკურ ბაღს შორის ურთიერთთანამშრომლობის მემორანდუმი გაფორმდა, რომელსაც კომპანიის დირექტორებმა, გოდერძი სურმანიძემ და ირაკლი არჩაიამ, მოაწერეს ხელი. ეკოლოგიის, კულტურის, განათლებისა და სპორტის განვითარების ხელშეწყობა - ეს ის ძირითადი მიზნებია, რომლებსაც გაფორმებული მემორანდუმი ითვალისწინებს.

გოდერძი სურმანიძე, „ტოიოტა ცენტრი ბათუმის“ დირექტორი: „ბათუმის ბოტანიკურ ბაღთან პარტნიორობა პასუხობს ტოიოტას გლობალური ხედვის იმ მნიშვნელოვან ნაწილს, რომელიც ეკოლოგიასა და გარემოზე ზრუნვას ეხება. ტოიოტა არის ავტოინდუსტრიის მოწინავე ბრენდი, რომელმაც მსოფლიოს პირველმა გააცნო ჰიბრიდული ტექნოლოგია და შესთავაზა ეკომეგობრული საყოველთაო ტრანსპორტი. აქედან გამომდინარე, ჩვენ დღესაც ვცდილობთ და ვიზიარებთ ტოიოტას ხედვას, რომ მიაღწიოს „ნულს მიღმა“ სტრატეგიას. აღნიშნული პოლიტიკა გულისხმობს ისეთი ტრანსპორტის განვითარებას, რომელიც ხელს შეუწყობს ემისიებისა და გამონაბოლქვის შემცირებას. ვფიქრობთ, ბოტანიკური ბაღი ის ადგილია, რომელიც პირდაპირ არის დაკავშირებული გარემოსთან და ეკოლოგიასთან, აქვს მდიდარი ისტორია და მრავალფეროვანი ეკოლოგიური მემკვიდრეობა. სწორედ ამიტომ ჩვენთვის საამაყოა, ვიყოთ ბოტანიკური ბაღის პარტნიორი და ერთობლივად განვახორციელოთ მნიშვნელოვანი კულტურული, საგანმანათლებლო და ეკოლოგიური პროექტები“.

შიდა ფოტო 1

ხელმოწერის ცერემონიაზე „ტოიოტა ცენტრი ბათუმის“ წარმომადგენლები ბოტანიკურ ბაღს სიმბოლურად ეკომეგობრული Toyota Rav 4 Plug-In მოდელით ესტუმრნენ. ამით ხაზი გაუსვეს ბრენდის გლობალურ სტრატეგიას, რომელიც ეკოლოგიაზე ზრუნვას გულისხმობს. Toyota Rav 4 Plug-In არის დამუხტვადი ჰიბრიდი, რაც იმას ნიშნავს, რომ შეუძლია როგორც ელექტრული, ისე ჰიბრიდული რესურსის გამოყენება. მსოფლიოში ეკოლოგიური კუთხით არსებული გამოწვევების ფონზე, ეს ერთ-ერთი ყველაზე პრაქტიკული სატრანსპორტო საშუალებაა.

შიდა ფოტო 2

„ტოიოტა ცენტრი ბათუმისა“ და ბოტანიკური ბაღის პარტნიორობა სარგებლის მომტანი იქნება არა მხოლოდ ხელმომწერი მხარეებისთვის, არამედ საზოგადოებისთვისაც. გარემოს დაცვის მიმართულებით რამდენიმე პროექტზე მუშაობა უკვე დაწყებულია, მათ შორის არის იაპონური ბაღების მოვლა-განვითარება და სხვა მნიშვნელოვანი ინფრასტრუქტურული პროექტები.

ირაკლი არჩაია, „ბათუმის ბოტანიკური ბაღის“დირექტორი: „ბათუმის ბოტანიკური ბაღისათვის კერძო სექტორის მხრიდან გამოხატული მხარდაჭერა და ჩართულობა ძალიან მნიშვნელოვანია. ამ მიმართულებით „ტოიოტა ცენტრი ბათუმთან“ საფუძველი ჩაეყარა თანამშრომლობას, რომელიც გულისხმობს ეკოლოგიის, განათლების, კულტურისა და სპორტის განხრით დაგეგმილი აქტივობების მხარდაჭერას. აქვე უნდა აღინიშნოს, რომ ძალიან ღირებულია ტოიოტას, როგორც იაპონური ბრენდის, წვლილი იაპონური ბაღების სამომავლო განვითარებასა და რეკონსტრუქციაში“.

„ტოიოტა ცენტრი ბათუმი“ აქტიურადაა ჩართული რეგიონის ყველა იმ მნიშვნელოვან პროექტში, რომლებიც უკავშირდება ბრენდის ღირებულებებს. ბოტანიკურ ბაღთან კულტურულ-საგანმანათლებლო და ეკოლოგიური მიმართულებით პარტნიორობა სწორედ ბრენდის გლობალურ მიზნებს პასუხობს და ადასტურებს, რომ ტოიოტა აგრძელებს განვითარებას და გლობალური პოლიტიკის მთავარი მიმართულების - „ნულს მიღმა“ სტრატეგიის ერთგულებას.

__

„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „ტოიოტა ცენტრი ბათუმი“ ბაზარზე 2020 წლიდან ოპერირებს და ტოიოტას ერთადერთი ავტორიზებული ცენტრია დასავლეთ საქართველოში. კომპანია მონობრენდულია და შექმნილია იაპონური ბრენდის სტანდარტების კონცეფციის შესაბამისად. მისი მომსახურება სრულად „ტოიოტას“ მარკის ავტომობილებზეა ფოკუსირებული. სერვისცენტრი აღჭურვილია უახლესი, ლიცენზირებული აპარატურითა და ავტორიზებული პროგრამებით, რომელიც მომხმარებლებს სთავაზობს ტოიოტას ავტომობილების უახლეს სამოდელო რიგს, ორიგინალ სათადარიგო ნაწილებს, აქსესუარებსა და სრულ ავტოსერვისს.

 

 

კომენტარები

მსგავსი სიახლეები

  • 14:38

    თიბისი მწარე პოდკასტის მხარდამჭერი გახდა...

    შემეცნებითი პოდკასტების სერია - მწარე პოდკასტი / Bitter Podcast, რომელსაც ისტორიკოსი ნიკა ხოფერია უძღვება, 4 წელზე მეტია ისტორიის მოყვარულებს შორის დიდი პოპულარობით სარგებლობს და მრავალრიცხოვანი აუდი...

  • 12:23

    თიბისის მობაილბანკში სიახლეა - გაიგე, რომელია შენს...

    ინვესტირებისას, ხშრიად ყველაზე რთული, პირველი ნაბიჯის გადადგმაა, როდესაც არ იცი საიდან დაიწყო. სწორედ ამიტომ, თიბისის მობაილბანკის საინვესტიციო პლატფორმას ინოვაციური პროდუქტი - სმარტ პორტფელები დაემა...

  • 12:20

    კოტე სულაბერიძე - ჩემი კავკასიონი...

    თიბისი კონცეპტის მულტიფუნქციური სივრცის გალერეა, 22  მარტიდან წარმოგიდგენთ კოტე სულაბერიძის პერსონალურ გამოფენას „ჩემი კავკასიონი”.  გამოფენა მხატვრის 1990-იანი წლებიდან დღემდე ...

  • 11:20

    AWS GameDay - თიბისი IT აკადემიისა და AWS-ს ერთობლ...

    თიბისიმ Amazon Web Services-სთან ერთად, საქართველოში ყველაზე მასშტაბური AWS GameDay გამართა, რომელიც არის კომპანიის ფარგლებში ჩატარებული პირველი შიდა GameDay და მასში თიბისი ჯგუფის DevOps ინჟინრები დ...

  • 11:15

    „თეგეტა მოტორსის“ მობილური ჯგუფი სატვირთოების, ავტ...

    „თეგეტა მოტორსი“ მომსახურების ხელმისაწვდომობას ზრდის და სატვირთო ავტომობილების, ავტობუსებისა და კომერციული ავტოტრანსპორტის მფლობელებს მობილური ჯგუფის სერვისს სთავაზობს. კომპანიის გან...

  • 11:58

    თიბისი Global Trade Review-ს ჯილდოს ფინალისტია ნომ...

    თიბისი ვაჭრობის დაფინანსების ინდუსტრიაში წამყვანი საერთაშორისო მედია კომპანიის - Global Trade Review-ის ვაჭრობის ლიდერების ჯილდოს ფინალისტია. ეს პირველი შემთხვევაა, როდესაც ქართული ბანკი აღნიშნულ ჯილ...

  • 11:44

    „დაფნა“ — მინიმალისტური კაფე თბილისისა და ბათუმში,...

    „დაფნა“ ეს არის მინიმალისტურ კონცეფციაზე დაფუძნებული კაფე, სადაც არატრადიციულ გარემოში ქართული სამზარეულოა მოქცეული. მისი ისტორია 2017 წლიდან იწყება და დღემდე ქალაქში, გამორჩეულ თავშეყრის...