ემიგრანტების რაოდენობა 95.6%-ით გაიზარდა...
🔴 2023 წელს წინა წელთან შედარებით ემიგრანტების რაოდენობა 95.6%-ით გაიზარდა. საქართველოს სტატისტიკის ეროვნული სამსახურის ინფორმაციით, 2023 წელს, ემიგრანტების რიცხოვნობამ 245 064 კაცი შეადგინა, ხოლო იმი...
ბათუმის მოხუცთა თავშესაფრის 5 ბინადარს კორონავირუსი დაუდასტურდა
აჭარაში, ბათუმში მდებარე მოხუცთა თავშესაფრის ხუთ ბინადარსა და ერთ თანამშრომელს კორონავირუსი დაუდასტურდა.
თავშესაფრის დირექტორის დეკანოზ იოანე ბარამიძის განცხადებით, ამ წუთებში იქ კარანტინია გამოცხადებული და ელოდებიან სხვა თანამშრომლებისა და ბინადრების ანალიზის პასუხებს.
„სამწუხაროდ 6 ადამიანს დაუდასტურდა კორონავირუსი. აქედან 5 არის მობინადრე და ერთი თანამშრომელი. როგორც ექიმებმა მითხრეს ყველა არის უსიმპტომო. მათი მდგომარეობა სტაბილურია. ამ წუთებში კარანტინია გამოცხადებული და ყველას აგვიღეს ანალიზები", - აღნიშნა იოანე ბარამიძემ.
მისი თქმით, თავშესაფარში 120 მობინადრეა. „არ ვიცით ინფიცირების წყარო, რადგან 2 სექტემბრიდან არავინ არ გასულა და შემოსულა თავშესაფარში თანამშრომლების გარდა. რაც შეეხება ინფიცირებლ თანამშრომელს, მას მობინადრეებთან შეხება არ ქონია, რადგან შვებულებაში იყო. მას როგორც ვიცი ქორწილთან ჰქონდა შეხება. თუმცა 2 კვირაა თავშესაფარში არ ყოფილა,"- განაცხადა დეკანოზმა იოანე ბარამიძემ.
კომენტარები