ემიგრანტების რაოდენობა 95.6%-ით გაიზარდა...
🔴 2023 წელს წინა წელთან შედარებით ემიგრანტების რაოდენობა 95.6%-ით გაიზარდა. საქართველოს სტატისტიკის ეროვნული სამსახურის ინფორმაციით, 2023 წელს, ემიგრანტების რიცხოვნობამ 245 064 კაცი შეადგინა, ხოლო იმი...
“არ ვიცი რა ხდება სხვაგან, მაგრამ სვეტიცხოვლის ტაძარი, მის საძმოსთან ერთად პირწმინდად იცავს ღირსებას და ერთგულად ემსახურება ქრისტეს…ვისაც პრეტენზია აქვს, სხვას ჭკუა ასწავლოს …” – პეტრე კოლხი
მამა პეტრე კოლხი სოციალურ ქსელში პოსტს აქვეყნებს:
"კრიტიკამ ისე არ უნდა დაგაბრმავოს, რომ ობიექტური განსჯის უნარი დაკარგო. შეიძლება ბევრი რამ არ მოგწონდეს, მაგრამ ყველაფერში ცუდის დანახვა, მხოლოდ ბოროტებას ემსახურება.
ამდენ ნეგატიურ ამბებთან ერთად დადებითის არშემჩნევა, უბრალოდ, არჩევანია, ძალიან ცუდი არჩევანი. სვეტიცხოვლის საპატრიარქოს ტაძრის წინამძღვარი სტუმრობდა ათენის უნივერსიტეტს, მაშინ, როცა აქ, ჩვენ ქვეყანაში უწმინდესს ზურგში ლახვარს ვუმიზნებდით… მანამდე არც მამა სერაფიმე დაინდეს და ათასი დემაგოგიით გაჯერებული სტატიები გამოაქვეყნეს… თითქოს სვეტიცხოვლის ტაძარში მირონი იყიდება… ვისაც გონება უჭრის, ვინც ჩახედულია საეკლესიო პრაქტიკაში, ადვილად მიხვდება, რომ მირონს ასე თავისუფლად ვერ იყიდი… სურნელოვანი ზეთები კი, არა მხოლოდ აქ, ყველა ქვეყანაში დიდი მოთხოვნით სარგებლობს.
ისედაც ბევრმა იცის, სახარებისეული ე.წ. ნარდი (სურნელოვანი ზეთის სახეობა) უფლის საცხებლად გამოიყენებოდა. დღემდე იერუსალიმში, გარდამოხსნაზე ხშირად წავაწყდებით მომლოცველების მიერ… წმ. გიორგის საფლავიც ასეთი სურნელებით არის გაჯერებული… თითიდან გამოწოვილი, იაფფასიანი ავანტიურით სხვას შეურაცხყოფას ვერ მივაყენებთ, მაგრამ საკუთარ თავს სასაცილოდ ვიგდებთ, საფრთხესაც ვუქმნით და ჩვენი ბრძოლა ჭეშმარიტებისათვის ქარის წისქვილების დევნას ემსგავსება… არ ვიცი რა ხდება სხვაგან, მაგრამ სვეტიცხოვლის ტაძარი, მის საძმოსთან ერთად პირწმინდად იცავს ღირსებას და ერთგულად ემსახურება ქრისტეს კვართს, რაც მისი უწმინდესობის ლოცვა-კურთხევასთან ერთად, მამა სერაფიმეს უდიდესი დამსახურებაა.
ვისაც პრეტენზია აქვს, სხვას ჭკუა ასწავლოს და წმინდა წერილსაც ჩაებღაუჭოს, კარგად ემახსოვრება- "ქვა, რომელიც მშენებლებმა დაიწუნეს, ქვაკუთხედად იქცა, ვინც ამ ქვაზე დაეცემა, დაიმსხვრევა, ვისაც ეს ქვა დაეცემა, გასრესს!..” ისე, საუკეთესო გამოსავალი იქნება, მანკიერებასთან ბრძოლა ყველამ საკუთარი თავიდან დაიწყოს და ადამიანები შეიყვაროს, რადგან რჯულის აღსრულება სიყვარულია!.."
კომენტარები