ემიგრანტების რაოდენობა 95.6%-ით გაიზარდა...
🔴 2023 წელს წინა წელთან შედარებით ემიგრანტების რაოდენობა 95.6%-ით გაიზარდა. საქართველოს სტატისტიკის ეროვნული სამსახურის ინფორმაციით, 2023 წელს, ემიგრანტების რიცხოვნობამ 245 064 კაცი შეადგინა, ხოლო იმი...
საღებავის აღმოჩენის გამო, მარნეულის სასურსათო ქარხანა აჩერებს წითელი ტყემლის რეალიზაციას
“სტატეგიული კვლევებისა და განვითარების ცენტრის“ კვლევის შედეგების გამოქვეყნების შემდეგ, მარნეულის სასურსათო ქარხანა აცხადებს, რომ ყველა დამხმარე მასალას და ასევე, მზა პროდუქტს გააგზავნის საერთაშორისო, ევროპულ ლაბორატორიებში და შედეგებს აცნობებს მომხმარებელს. პასუხების მიღებამდე კი აჩერებს შესაბამისი პროდუქტის რეალიზაციას.
"სტრატეგიული კვლევებისა და განვითარების ცენტრის მიერ დღეს გამოქვეყნდა საკვები პროდუქტების ჩამონათვალი, სადაც მათ მიერ ჩატარებული კვლევის მიხედვით , აღმოჩენილია საკვები პროდუქტებისთვის დაუშვებელი ნივთიერება. ამ ჩამონათვალში მოხვდა ჩვენი ქარხნის მიერ წარმოებული ერთ-ერთი პროდუქტი.
სრული პასუხისმგებლობით გვინდა განვაცხადოთ, რომ ჩვენი ყველა პროდუქტი იწარმოება მხოლოდ ადგილობრივი ნედლეულისგან გარდა დამხმარე მასალებისა, რომელთა წარმოებაც საქართველოში არ ხდება (მარილი, შაქარი, სპეციალური დაფქვილი სახით სანელებლები და ასე შემდეგ) თუმცა, დამხმარე მასალების წილი 1% ზე ნაკლებია. ყველა მომწოდებელი არის საქართველოდან და ყველა მომწოდებელს წარმოდგენილი აქვს ხარისხის შესაბამისობის სერთიფიკატი.
ჩვენ ყველა დამხმარე მასალას და ასევე, მზა პროდუქტს გავაგზავნით საერთაშორისო, ევროპულ ლაბორატორიებში, რისი დიდი გამოცდილებაც უკვე გვაქვს,
დაველოდებით მათ პასუხს და შედეგებს ვაცნობებთ მომხმარებელს.
პასუხებამდე ვაჩერებთ კონკრეტული პროდუქტის რეალიზაციას.
ჩვენი კომპანია მიესალმება ქართულ ბაზარზე საკვებ ინდუსტრიაში ხარისხის, პროდუქციისა და ნედლეულის წარმომავლობის გამჭვირვალე პროცესებს და იმედს ვიტოვებთ, რომ ამგვარი კვლევები იქნება სისტემატური და არ ექნება პიარული ხასიათის," - ნათქვამია კომპანიის განცხადებაში.
კომენტარები