ემიგრანტების რაოდენობა 95.6%-ით გაიზარდა...
🔴 2023 წელს წინა წელთან შედარებით ემიგრანტების რაოდენობა 95.6%-ით გაიზარდა. საქართველოს სტატისტიკის ეროვნული სამსახურის ინფორმაციით, 2023 წელს, ემიგრანტების რიცხოვნობამ 245 064 კაცი შეადგინა, ხოლო იმი...
NDI- გამოკითხულთა 43% აცხადებს, რომ ბოლო 10 წელიწადში საქართველოში კრიმინალური მდგომარეობა გაუარესდა
„ეროვნულ-დემოკრატიული ინსტიტუტის“ (NDI) მიერ გამოკითხულთა უმრავლესობა მიიჩნევს, რომ ბოლო 10 წელიწადში საქართველოში კრიმინალური მდგომარეობა გაუარესდა.
კითხვაზე, თქვენი აზრით, ბოლო 10 წელიწადში როგორ შეიცვალა საქართველოში კრიმინალური მდგომარეობა? - გამოკითხულთა 43% აცხადებს, რომ გაუარესდა, 32% აცხადებს, რომ მდგომარეობა იგივე დარჩა, 18% აცხადებს, რომ გაუმჯობესდა, ხოლო 7% ამბობს, რომ არ იცის.
რაც შეეხება მდგომარეობას ყველაზე ხშირი დანაშაულების შესახებ, NDI-ის მიერ გამოკითხულთა 25% აცხადებს, რომ საქართველოში ყველაზე ხშირი დანაშაული ნარკოტიკებთან არის დაკავშირებული. კითხვაზე, თქვენი აზრით, რომელი დანაშაულია ყველაზე ხშირი საქართველოში? - გამოკითხულთა 21% ქურდობა-ყაჩაღობა-ძარცვას ასახელებს, 20% - ავტოსაგზაო შემთხვევებს/ავარიებს, 14% - მკვლელობას, 5% - ოჯახში ძალადობას, 4% - არასრულწლოვანთა დანაშაულს, ხოლო 1-1% - ფიზიკურ შეურაცხყოფას, სექსუალურ შევიწროვებას და უკანონო მიგრაციას.
კვლევის საველე სამუშაოები ჩატარდა 6-20 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 2205 პირისპირ ინტერვიუს წარმომადგელობითი შერჩევის საფუძველზე. კვლევაში საშუალო ცდომილების ზღვარი 2,1%-ია.
კომენტარები