1 1 : 2 9
სარეკლამო ადგილი - 21
620 x 80
 | 

ბიზნესი

თბილისის 23-ე საერთაშორისო კინოფესტივალი თიბისი კონცეფტთან პარტნიორობით იმართება

თიბისი კონცეპტის პარტნიორობით და კინოხელოვნების ცენტრ «პრომეთეს“ ორგანიზებით, წელს თბილისის 23-ე საერთაშორისო კინოფესტივალი 4-დან 11 დეკემბრის ჩათვლით გაიმართება. ფესტივალი 4 დეკემბერს, 19:00 სთ-ზე კინოთეატრ ამირანში, პოლონელი რეჟისორის,  აგნეშკა ჰოლანდის ფილმით «მისტერ ჯონსი» (2019 წ.) გაიხსნება.  ფესტივალის საზეიმო დახურვა და  დაჯილდოება კი,  10 დეკემბერს შედგება. დახურვაზე წარმოდგენილი იქნება რეჟისორ დიტო ცინცაძის ფილმი «როქსი» (2022 წ.). ფილმის დახურული კინოჩვენება სპეციალურად თიბისი კონცეპტის მომხმარებლებისთვის გაიმართება.

დაჯილდოების ცერემონიაზე გამოვლინდებიან ქართული ფილმების საკონკურსო პროგრამის გამარჯვებულები და მათ გადაეცემათ ფესტივალის პრიზი - „ოქროს პრომეთე“.  ქართული ფილმების   საკონკურსო პროგრამაში წარმოდგენილია  6 სრულმეტრაჟიანი და 10 მოკლემეტრაჟიანი მხატვრული ფილმი, ასევე, 8 სრულმეტრაჟიანი და 7 მოკლემეტრაჟიანი დოკუმენტური ფილმი.  

 

კინოფესტივალის ფარგლებში, 5 დეკემბერს,  თიბისი კონცეპტის მულტიფუნქციური სივრცე, მარჯანიშვილის 7-ში, უმასპინძლებს ცნობილ რეჟისორ აგნეშკა ჰოლადთან შეხვედრას.

ფესტივალის საკონკურსო ფილმებს კი, საერთაშორისო ჟიური შეაფასებს.  გამარჯვებულები გამოვლინდებიან შემდეგ ნომინაციაში:

 

  • საუკეთესო სრულმეტრაჟიანი მხატვრული ფილმი
  • საუკეთესო სრულმეტრაჟიანი დოკუმენტური ფილმი
  • საუკეთესო მოკლემეტრაჟიანი მხატვრული ფილმი
  • საუკეთესო მოკლემეტრაჟიანი დოკუმენტური ფილმი

 

რაც შეეხება ჟიურის, მხატვრულ და დოკუმენტურ ფილმებს სხვადასხვა შემადგენლობა შეაფასებს.

 

მხატვრული ფილმების ჟიური:

 

ჯული ბერტუჩელი (საფრანგეთი)

ენცო პორჩელი ( იტალია)

სადაფ ფოროღი (ირანი)

 

დოკუმენტური ფილმების ჟიური:

ალის აგნესკირხნერი (გერმანია)

ჰარუტუნ ხაჩატრიანი (სომხეთი)

ოლენა იერშოვა ( უკრაინა)

 

საკონკურსო პროგრამის გარდა, ფესტივალი წარმოადგენს  ევროპული და მსოფლიო კინოს საუკეთესო ნამუშევრებს შემდეგ სექციებში:

 

 

·         ევროპული ფორუმი

·         ოსკარის მაძიებლები

·         ჰორიზონტები

·         დამზადებულია გერმანიაში

·         ქვეყანა ფოკუსში-რუმინეთი

·         უკრაინა: თავისუფლების ფერები

·         რეჟისორი ფოკუსში-აგნეშკა ჰოლანდი

·         ინიციატივა DOCA

·         აპოლო: კინოს მეხსიერება

·         განსაკუთრებული სეანსები

·         ქართული პანორომა

საერთაშორისო კინოფესტივალის ფარგლებში, ევროკავშირის წარმომადგენლობა საქართველოში გასცემს პრიზს “ადამიანის უფლებები კინოში”. აღნიშნული ჯილდო დაწესდა ადამიანის უფლებების საერთაშორისო დღესთან დაკავშირებით, რომელიც ყოველწლიურად 10 დეკემბერს აღინიშნება. ფესტივალის ფარგლებში ადამიანის უფლებების საუკეთესოდ ამსახველ თემატიკაზე ნომინირებულია 10 ფილმი, რომელთაგან ჟიურის მიერ შერჩეული საუკეთესო ფილმი დაჯილდოვდება ევროკავშირის პრიზით.

თბილისის 23-ე საერთაშორისო კინოფესტივალზე განსაკუთრებული ყურადღება დაეთმობა სრულმეტრაჟიანი მხატვრული და სრულმეტრაჟიანი დოკუმენტური ფილმების პროექტების წარდგენას ინდუსტრიულ პლატფორმაზე. თითოეულ კატეგორიაში წინასწარ შეირჩევა მაქსიმუმ 7 პროექტი. შერჩეული პროექტების საჯარო წარდგენა (ფიჩინგი) ჩატარდება 8 და 9 დეკემბერს. პროექტებს შეაფასებს საერთაშორისო ჟიური. გამარჯვებული პროექტები გამოცხადდება 10 დეკემბერს, კინოფესტივალის დახურვის ცერემონიალზე.

თბილისის 23-ე საერთაშორისო კინოფესტივალის მხარდამჭერები არიან: საქართველოს ეროვნული კინოცენტრი , ქალაქ თბილისის მერია,  გოეთეს ინსტიტუტი, საქართველოს ფრანგული ინსტიტუტი, რუმინეთის კულტურის ინსტიტუტი, შვედეთის საელჩო, ისრაელის საელჩო, იტალიის საელჩო, ესპანეთის საელჩო, შვეიცარიის საელჩო, ავსტრიის საელჩო, რუმინეთის საელჩო,  ბრაზილიის საელჩო, ევროკავშირი.

თბილისის საერთაშორისო კინოსფეტივალის სპონსპორია- თიბისი კონცეპტი, სასტუმრო "რუმსი" ,  მასტერქარდი, სასტუმრო «პულმანი», Terminal • ტერმინალი,  VISMINO  და «ბორჯომი».

28 ნოემბრიდან, თიბისი კონცეპტის მომხმარებლებს საშუალება აქვთ შეიძინონ კინოფესტივალის აბონიმენტი და დაესწრონ ყველა იმ კინოჩვენებას რომელიც კინოთეატრ ამირანის დიდ დარბაზში გაიმართება. აბონიმენტის შეძენა მოხდება კონცეპტ ასისტენტის მეშვეობით.

1 დეკემბრიდან, ცალკეული ბილეთები გაიყიდება tkt.ge-ს ვებგვერდსა და კინოთეატრ ამირანის სალაროებში.

 

კომენტარები

მსგავსი სიახლეები

  • 14:41

    „მარტვილის მარანი“ - მეგრული ღვინის ახალი სიცოცხლე...

    დღეისათვის უკვე საკმაოდ ცნობილი, ხარისხით, გემოვნური თვისებებითა თუ დახვეწილი დიზაინით გამორჩეული ბრენდი - „მარტვილის მარანი“ - საქართველოს ბაზარზე 2012 წელს, „ვინო მარტვილეს“...

  • 13:09

    საბურავები 59 ლარიდან - „თეგეტა მოტორსის“ შეთავაზე...

      წლის ნებისმიერ სეზონზე უსაფრთხოდ გადაადგილება თანაბრად მნიშვნელოვანია. ავტომობილის მფლობელებს სპეციალისტები გვირჩევენ, რომ ყველაზე მეტი ყურადღება მისცვეთად ნაწილებ...

  • 12:05

    Forbes Georgia-ს პროექტზე 30 UNDER 30 განაცხადების...

    თიბისისთან პარტნიორობით, Forbes საქართველო წელსაც შეარჩევს ფორბსის 30-წლამდელთა სიას. დაჯილდოების საზეიმო ცერემონია მიმდინარე წლის მაისში გაიმართება. Forbes 30 under 30 2022 პროექტში რეგისტრაცია იანვ...

  • 11:07

    Global Finance-მა თიბისი საქართველოში ვაჭრობის დაფ...

    საერთაშორისო ფინანსურმა ჟურნალმა - Global Finance, თიბისი, საერთაშორისო ვაჭრობის ხელშეწყობისა და დაფინანსების მიმართულებით, კიდევ ერთხელ დაასახელა საუკეთესო მომწოდებლად საქართველოში. თიბისიმ აღიარება...

  • 18:14

    ,,ლიბერთი, მასშტაბური პროექტის ,,ახალგაზრდული მეწა...

    ქვემო ქართლის წარმომადგენელმა ახალგაზრდებმა RDYE პროექტის ერთკვირიანი ბიზნეს გადამზადების პროგრამა დაასრულეს. რუსთავის საერთაშორისო სკაუტურ ცენტრში, ავსტრიის განვითარების თანამშრომლობის (ADC) დაფინანს...

  • 15:29

    სიახლე - ლიბერთის ბანკომატებში Apple Pay-ს და Goo...

    ლიბერთის ბანკომატებში სიახლე დაინერგა - დღეიდან, ბანკომატში ფიზიკური ბარათის მოთავსების გარეშე, Apple Pay-ს ან Google Pay-ს გამოყენებით, ლიბერთის ბარათების მფლობელებს ბანკომატებში ნებისმიერი ოპერაციი...

  • 13:28

    ჰეფიქიდი — სათამაშოები უნარების განვითარებისთვის ...

    ახალი ბიზნესის წამოწყების სტიმულირება, სტარტაპ ეკოსისტემის განვითარება, მცირე და საშუალო ბიზნესების განათლების ხელშეწყობა — ეს თიბისის მისიაა, რომლის შესასრულებლად, უკვე მეექვსე წელია, პროგრამი...