1 4 : 5 9
 | 

ბიზნესი

თიბისი ბანკმა საერთაშორისო პარტნიორებისგან 106.5 მლნ აშშ დოლარი მოიზიდა

თიბისი ბანკმა ხელი მოაწერა 106.5 მლნ აშშ დოლარის ოდენობის სინდიცირებული სესხის ხელშეკრულებებს ნიდერლანდების განვითარების საფინანსო კომპანიასთან ("FMO").  

ეს არის თიბისი ბანკის გრძელვადიანი პარტნიორის, ნიდერლანდების განვითარების საფინანსო კომპანიის ("FMO") მიერ ორგანიზებული სინდიცირებული სესხის მეორე ხელშეკრულება. სასესხო პროდუქტიOPEC-ის საერთაშორისო განვითარების ფონდთან (OFID) ერთად სინდიცირებით შეიქმნა. ტრანზაქციის სხვა მონაწილეები ასეევ არიან: Symbiotics, რომელიც მიკრო, მცირე და საშუალო ზომის საწარმოების ობლიგაციების პლატფორმის საშუალებით (MSME Bond Platform) ოპერირებს; Atlantic Forfaitierungs AG; London Forfaiting Company Limited და სხვა  ინსტიტუციონალური ინვესტორები, ჯამურად 56,5 მლნ აშშ დოლარის პორტფელით. 

ნიდერლანდების განვითარების საფინანსო კომპანიის (FMO) რესურსი თიბისი ბანკს საშუალებას აძლევს, მეტად ჩაერთოს საქართველოში მიკრო, მცირე და საშუალო ზომის საწარმოების (MSME) დაფინანსებაში,ოპეკის საერთაშორისო განვითარების ფონდის (OFID) წილი კი ხელს შეუწყობს საერთაშორისო სავაჭრო დაფინანსების პროექტების განხორციელებას. 

“გვეამაყება, რომ ასეთი წარმატებული ურთიერთობა გვაქვს ბანკის გრძელვადიან პარტნიორთან, ნიდერლანდების განვითარების საფინანსო კომპანიასთან ("FMO"), ასევე ოპეკის საერთაშორისო განვითარების ფონდთან (OFID) და სინდიკატის სხვა მონაწილეებთან. დაფინანსების მოცულობა ცალსახად მიუთითებს ჩვენი პირველი სინდიცირებული სესხის წარმატებაზე  და  პარტნიორობაზე. ეს დიდი მოცულობის სესხი თიბისი ბანკს დაეხმარება მიკრო, მცირე და საშუალო საწარმოების ბაზარზე მისი წამყვანი პოზიციის კიდევ უფრო გაძლიერებაში“, - აღნიშნა თიბისი ბანკის გენერალურმა დირექტორმა ვახტანგ ბუცხრიკიძემ. 

ნიდერლანდების განვითარების საფინანსო კომპანიის (FMO) საინვესტიციო დირექტორმა ლინდა ბრუქჰოიზენმა აღნიშნა: „FMO ამაყია, რომ გასცა ეს ინოვაციური სინდიცირებული საკრედიტო ხაზი თიბისი ბანკისთვის, რომლის საშუალებითაც ახალი ინვესტორები შემოვიდნენ საქართველოში.. სესხი თიბისი ბანკს საშუალებას მისცემს განაგრძოს ზრდა და ხელი შეუწყოს სამუშაო ადგილების შექმნას ქვეყანაში“. 

ოპეკის საერთაშორისო განვითარების ფონდის (OFID) გენერალურმა დირექტორმა სულეიმან ჯეი ალ-ჰერბიშმა განაცხადა: “ქვეყნის ფინანსური სექტორი ეკონომიკური სტაბილურობის და ზრდის გარანტია; მას გადამწყვეტი მნიშვნელობა აქვს სიღარიბის დაძლევისა და განვითრებისთვის. ოპეკის საერთაშორისო განვითარების ფონდმა (OFID) იკისრა საერთაშორისო ვაჭრობის ხელშეწყობის ვალდებულება. ფინანსური რესურსების განაწილება ისეთი ფინანსური შუამავლის მეშვეობით, როგორიცაა თიბისი ბანკი, ზრდის ჩვენი საქმიანობის არეალს და გავლენას მდგრადი განვითარების ხელშეწყობის თვალსაზრისით. სასესხო ხელშეკრულება შეესაბამება ჩვენ მიერ აღებულ ვალდებულებას განვითარებად ქვეყნებთან მიმართებაში მსოფლიო მასშტაბით.” 

ნიდერლანდების განვითარების საფინანსო კომპანიის (FMO) მიზანია, განვითარებადი ეკონომიკის ქვეყნებში მდგრადი კერძო სექტორის ხელშეწყობა. მისი საინვესტიციო პორტფელი შეადგენს 9 მილიარდ ევროს, რაც მას განვითარებად ქვეყნებში კერძო სექტორის ხელშეწყობაზე ორიენტურებულ ერთ-ერთ უმსხვილეს  ევროპულ ბანკად აქცევს. 

OFID არის ნავთობის ექსპორტიორი ქვეყნების ორგანიზაციის (OPEC) მიერ 1976 წელს დაარსებული განვითარების საფინანსო ინსტიტუტი, რომლის მიზანია ასევე განვითარებადი ქვეყნების დახმარება.

კომენტარები

მსგავსი სიახლეები

  • 16:48

    კომპანია GWS ბაროკოს სტილში გრანდიოზულ ღონისძიება...

    23 ივნისს, 18:00 საათზე ცნობილი ღვინისა და ალკოჰოლური სასმელების მწარმოებელი კომპანია GWS თელავში, აჩინებულში მდებარე ერთ-ერთ უძველესი ღვინის ქარხნის ეზოში ბაროკოს სტილში გრანდიოზულ ღონისძიებას სახელწ...

  • 16:44

    თიბისი ბანკმა შავი ზღვის ვაჭრობისა და განვითარები...

    თიბისი ბანკმა და შავი ზღვის ვაჭრობისა და განვითარების ბანკმა (BSTDB ) ხელი მოაწერეს 120 მლნ ლარის ოდენობის სასესხო ხელშეკრულებას. მოზიდული ფინანსური რესურსი მთლიანად მოხმარდება თიბისი ბანკის მიერ მც...

  • 11:53

    საქართველოს ბანკის ფინანსური მხარდაჭერით „მეღვინეო...

    22 ივნისი, 2018- საქართველოს ბანკის, საქართველოს წამყვანი ბანკის ფინანსური მხარდაჭერით „მეღვინეობა ვაზიანი“ მსხვილ საინვესტიციო აგრო პროექტს განახორციელებს.  კომპანიამ საქართველოს ბანკის მეშვეობი...

  • 11:46

    10 სარგებელი ლუდის მოყვარულთათვის...

    წარმოგიდგენთ 10 მიზეზს თუ რატომ არის ლუდი ზომიერად მოხმარების შემთხვევაში სასარგებლო თქვენი ჯანმრთელობისთვის. გთხოვთ გაითვალისწინოთ, რომ  ეს სტატია არ არის სმისკენ მოწოდება, განსაკუთრებით იმ შემთ...

  • 12:05

    „აქსისპალასი საირმეზე“ 15% ფასდაკლებით მხოლოდ 31 ი...

    კომპანია აქსისი მომხმარებელს ერთიანი გადახდის შემთხვევაში უნიკალურ ფასდაკლებას სთავაზობს. ბინები „აქსისპალასი საირმეზე“ 15% ფასდაკლებით მხოლოდ 31 ივლისამდე გაიყიდება.საირმის ქუჩა N51-ში მდებარე „აქსიპ...

  • 10:52

    ნატახტარის ლიმონათი - გემო ნებისმიერი მომენტისთვის...

    „ჩვენ გვჯერა, რომ დასვენებისთვის, გართობისთვის და სილაღისთვის არ არის საჭირო განსაკუთრებული მიზეზი. ამ განწყობით შეიქმნა „ნატახტარის ლიმონათის“ ახალი რგოლი, ჩვენი ლიმონათი ხომ ნებისმიერ მომენტს უხდება...

  • 18:27

    კალაძემ „აქსისს“ წითელი ბაღის რეაბილიტაციაში მონაწ...

    დეველოპერული კომპანია აქსისი ყაზბეგის გამზირზე მდებარე ვასო გოძიაშვილის სახელობის პარკის (წითელი ბაღი) სარეაბილიტაციო სამუშაოებში თავის წვლილს შეიტანს. ამის თაობაზე დედაქალაქის მთავრობის სხდომაზე კახა...