0 3 : 0 1
სარეკლამო ადგილი - 21
620 x 80
 | 

მსოფლიო

პროფკავშირები: AVTANDIL-მა კონსულტანტი ჩაცმულობისთვის გაუშვა - დასაქმებული სამსახურში შეუძლოდ გახდა, რის გამოც კლინიკაში გადაიყვანეს, გამოჯანმრთელების შემდეგ კი სამსახურში დარეკა, სადაც უთხრეს, რომ "ნუღარ დაბრუნდებოდა"

საქართველოს პროფესიული კავშირების გაერთიანების ცნობით, მაღაზია AVTANDIL-მა კონსულტანტი სამსახურიდან ჩაცმულობის გამო გაათავისუფლა. კომპანიაში უარყოფენ, რომ ის უშუალოდ ჩაცმულობის გამო გაუშვეს, თუმცა ადასტურებენ, რომ სასამართლოში ეს ფრაზა თქვეს.

პროფკავშირების ინფორმაციით, კომპანიას სასამართლოში უჩივლეს - თბილისის საქალაქო სასამართლომ კონსულტანტის სამსახურიდან გათავისუფლება უკანონოდ ცნო. მათივე ცნობით, მოპასუხეს დაეკისრა კომპენსაციისა და იძულებითი განაცდურის გადახდა სასამართლოს კანონიერ ძალაში შესული გადაწყვეტილების აღსრულების დღემდე.

"შპს ავთანდილ ცქვიტინიძეში კონსულტანტის პოზიციაზე დასაქმებული მიიჩნევდა, რომ სამსახურიდან მხოლოდ იმიტომ გამოუშვეს, რომ ჯანმრთელობის მდგომარეობის გამო, სამუშაოზე გარკვეული პერიოდის განმავლობაში ვერ დადიოდა. როგორც აღმოჩნდა, საქმე სულ სხვაგვარად იყო. სასამართლო პროცესზე დამსაქმებელმა თავად განმარტა, რომ მისი ჩაცმულობთ იყვნენ უკმაყოფილოები და სწორედ ამ ნიშნით აღარ ისურვეს მისი სამუშაოზე დაბრუნება", - აცხადებენ პროფკავშირებში.

მათი ინფორმაციით, დასაქმებული სამსახურში შეუძლოდ გახდა, რის გამოც კლინიკაში გადაიყვანეს, გამოჯანმრთელების შემდეგ კი სამსახურში დარეკა, სადაც უთხრეს, რომ "ნუღარ დაბრუნდებოდა".

"დასაქმებულმა სამსახურში შეუძლოდ იგრძნო თავი, რის გამოც სასწრაფო გამოიძახეს. აღმოჩნდა, რომ მისი ჯანმრთელობის მდგომარეობა ჰოსპიტალურ მკურნალობას მოითხოვდა. საავადმყოფოდან გამოწერის შემდეგ სამსახურში დარეკა, თუმცა, დამსაქმებელმა ზეპირსიტყვიერად გამოუცხადა, რომ "მისთვის აღნიშნული ქცევა იყო მიუღებელი" და ნუღარ დაბრუნდებოდა, თუმცა, კონკრეტულად რა საფუძვლით ათავისუფლებდა, არ განუმარტავს.

დამსაქმებლის სიტყვებმა, რომ "აღნიშნული ქცევა მიუღებელი" იყო, მით უმეტეს, რომ ვერ ხვდებოდა, რა ქცევაზე იყო საუბარი, კონსულტანტი გააოგნა. სწორედ მაშინ გადაწყვიტა საკუთარი უფლებების დაცვა. ის ხვდებოდა, რომ მისი შრომითი უფლებები არამხოლოდ ახლა, არამედ, მუშაობის პერიოდშიც ირღვეოდა. ამის მიზეზი კი ზეპირსიტყვიერი შეთანხმების საფუძველზე მუშაობა იყო", - ნათქვამია განცხადებაში.

გარდა ამისა, კონსულტანტი ამტკიცებს, რომ დამსაქმებელს მასთან არც წერილობით ჰქონდა გაფორმებული შრომითი ხელშეკრულება და არც ზეგანაკვეთური სამუშაოს შესრულებისთვის მიუღია დამსაქმებლისგან გაზრდილი საათობრივი ანაზღაურება, როგორც ამას კანონი ადგენს.

კომპანიის აღმასრულებელი დირექტორი ზურაბ მგალობლიშვილი პუბლიკასთანკონსულტანტის ჩაცმულობის გამო გათავისუფლებას "აბსურდს" უწოდებს, თუმცა ადასტურებს, რომ ეს ფრაზა სასამართლოზე ნამდვილად თქვეს.

"სექტემბრის ბოლოს ის გააფრთხილეს, რომ ორი თვის განმავლობაში უნდა დაეტოვებინა სამსახური და პირველი დეკემბრიდან თავისუფლდებოდა. ამის შემდეგ ორი თვე არ იარა სამსახურში. გათავისუფლების მიზეზი იყო მისი უდისციპლინობა, ბევრი გაცდენა, იყო კონფლიქტური თანამშრომლებთან მიმართებაში და თვითონ მაღაზიის თანამშრომლებმა მიიღეს გადაწყვეტილება, ეს სათაოს პრეროგატივა არ არის.

ასევე, რაღაცნაირად ღამის ცხოვრებით ცხოვრობს და დილის ცვლა როცა იყო, მოდიოდა და ეძინა სამსახურში, რის გამოც სხვებს უწევდათ მის მაგივრად შრომა ყოველთვის. მაღაზიის მენეჯერმა მიიღო გადაწყვეტილება და შეგვითანხმა ჩვენ", - პუბლიკას ცნობით, ამბობს მგალობლიშვილი.

რაც შეეხება სასამართლოზე ნათქვამ ფრაზას, იგი ასე განმარტავს:

"კი, [ჩაცმულობაზე] ითქვა ეგ ფრაზა, რომ მისი სიშიშვლე არ შეესაბამებოდა ჩვენს კომპანიას, მაგრამ ჩაცმულობა ძირითადი მიზეზი არ ყოფილა. ჩვენი კონსულტანტები აბსოლუტურად თავისუფლები არიან ჩაცმულობაში", - თქვა მან.

კომენტარები

მსგავსი სიახლეები

  • 11:06

    რუსებმა ხერსონი დაბომბეს - დაზიანდა მინიმუმ 15 სა...

    რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს.­ ხერსონის რეგიონული სამხედრ...

  • 14:56

    ,,არ იქნება დენი, საკვები, საწვავი" - ისრაელი ღაზი...

    ისრაელის თავდაცვის მინისტრის, იოავ გალანტის განცხადებით, ღაზის სექტორის სრული ბლოკადის განკარგულება გასცა. „ღაზის სექტორის სრული ბლოკადის განკარგულება გავეცი. არ იქნება ელექტროენერგია, საკვები, ...

  • 13:15

    რამზან კადიროვმა 24 წლის ქალიშვილი ჩეჩნეთის ვიცე-პ...

    ჩეჩნეთის ლიდერის, რამზან კადიროვის 24 წლის ქალიშვილი აიშატ კადიროვა ჩეჩნეთის რესპუბლიკის ვიცე-პრემიერი გახდა. ინიციატივა ჩეჩნეთის პარლამენტის თავმჯდომარეს ეკუთვნის, რომელმაც წინადადება გაფართოებუ...

  • 22:28

    27 წლის ქართველი გოგო გერმანიაში ჯგუფურად გააუპატი...

    გერმანიაში ქართველი ქალის ჯგუფური გაუპატიურების საქმე სასამართლოში გადაიგზავნა - გერმანელმა პროკურორებმა შემზარავი დანაშაულის ახალი გარემოებები დაადგინეს. 27 წლის ქართველი გოგო ჯგუფურად მეუღლის თვალწი...

  • 17:57

    ევროკავშირმა რუსეთის წინააღმდეგ დაწესებული სანქციე...

    ევროკავშირის განცხადებით, რუსეთის ფედერაციის წინააღმდეგ დაწესებული სანქციები კიდევ 6 თვით გახანგრძლივდა. განცხადებაში აღნიშნულია, რომ სანქციების მოქმედების გაგრძელების შესახებ გადაწყვეტილება უკრაინის ...

  • 13:41

    ვოლოდიმირ ზელენსკი - არის სიგნალი, რომ, შესაძლოა, ...

    არის სიგნალი, რომ, შესაძლოა, რუსეთში კიდევ ერთი ამბოხება, რევოლუცია მოხდეს, - ამის შესახებ უკრაინის პრეზიდენტმა, ვოლოდიმირ ზელენსკიმ ABC News-თან ინტერვიუში განაცხადა. მისი თქმით, ბევრი ადამიანია...

  • 12:17

    თეთრი სახლი - არ გვინახავს ნიშანი, ხმამაღალი რიტორ...

    შეერთებულ შტატებს არ მიაჩნია, რომ რუსული ძალების მიერ ზაპოროჟიეს ატომური ელექტროსადგურის აფეთქების საფრთხე „გარდაუვალია“, - ამის შესახებ თეთრი სახლის სტრატეგიული კომუნიკაციების კოორდი...