0 7 : 4 8
სარეკლამო ადგილი - 21
620 x 80
 | 

მსოფლიო

“მელია ჩამოყალიბდა ანტიმიშა პირად. ამიტომ, წარმოუდგენელი ცინიზმი იქნება, ანტიმიშა პირი მიშას პარტიის თავმჯდომარე გახდეს. ეს არ არის ენმ-ის ინტერესი” - გიორგი კაპანაძე

 

გაერთიანებული ოპოზიციის მაჟორიტარი დეპუტატობის ყოფილი კანდიდატი და მთავარი ოპოზიციური პარტიის თავმჯდომარეობისათვის მებრძოლის, გიორგი მუმლაძის რეგიონული შტაბის უფროსი, გიორგი კაპანაძე აცხადებს რომ “მელია ანტიმიშა პირად ჩამოყალიბდა”. მისი თქმით, “ანტიმიშა პირი მიშას პარტიის თავმჯდომარე” არ უნდა გახდეს.

- გიორგი, რა ხდება დღეს, ნაციონალურ მოძრაობაში?

გიორგი კაპანაძე:  სინამდვილეში, ენმ-ში, დღეს, პარტიის გაძლიერების პროცესი მიმდინარეობს. პარტიამ უნდა დაიბრუნოს ის ნიშა, რომლითაც იგი გამოირჩეოდა სხვებისაგან. ესაა ბრძოლისუნარიანობა, ერთიანობა, გამარჯვებისაკენ სწრაფვა...

- რატომ დასჭირდა პარტიას, თავმჯდომარის არჩევნები?

-  იმიტომ რომ მოქმედმა თავმჯდომარემ პარტია დაასუსტა. მან ბევრი შეცდომა დაუშვა, რამაც მკვეთრად შეამცირა ენმ-ის რეიტინგი.

- რამ გამოიწვია მისი შეცდომები?

- პირველ რიგში, არათანმიმდევრულობამ, ამპარტავნობამ, თანამებრძოლთა აზრის გაუთვალისწინებლობამ და რაც მთავარია, მისმა ანტიმიშა განწყობებმა.

მელია ამბობდა რომ მიშა მისთვის ფაქტორი არ იყო. ის ამბობდა რომ მიშას საკითხი მისთვის პრიორიტეტი არ იყო.

ზოგადად კი, ბოლო დროს, მელია ჩამოყალიბდა ანტიმიშა პირად. ამიტომ, წარმოუდგენელი ცინიზმი იქნება, ანტიმიშა პირი მიშას პარტიის თავმჯდომარე გახდეს. ეს არ არის ენმ-ის ინტერესი.

-  თქვენი აზრით, ვინ გახდება ენმ-ის თავმჯდომარე?

- მე მხარს ვუჭერ გიორგი მუმლაძეს. ჩემი აზრით, პარტიის შიგნით არსებული განწყობების მიხედვით, დღეს რომ არჩევნები იყოს, მოქმედი თავმჯდომარე დიდი სხვაობით წააგებს. ხოლო ენმ-ს ეყოლება ახალი თავმჯდომარე და ეს არ იქნება მელია.

- როგორ ფიქრობთ, ექნება ახალ თავმჯდომარეს მოქმედების გეგმა?

- მიშას გადარჩენის 3 გზა არსებობს:

1.   სასამართლოს მიერ სამართლიანი გადაწყვეტილების მიღება და მისი ჰუმანიტარული მიზნით გაყვანა ევროპის რომელიმე ქვეყანაში.

2.   პრეზიდენტ ზურაბიშვილის მიერ შეწყალების აქტის გამოცემა.

3.   მასშტაბური აქციები და ზეწოლა ხელისუფლებაზე.

სასამართლო პროცესები იწელება, ზურაბიშვილი გადაწყვეტილებას არ ჩქარობს, ხოლო ენმ-ს, ახლა, მოქმედი თავმჯდომარის ფაქტორის გამო, მასშტაბური აქციის გამართვა არ შეუძლია.

შესაბამისად, სასიცოცხლოდ მნიშვნელოვანია სწრაფი და პოზიტიური ცვლილებების განხორციელება პარტიაში, რათა ენმ-ი გახდეს ბრძოლისუნარიანი და ერთიანი...

- და ვის შეუძლია ამის ორგანიზება?

- ახალ თავმჯდომარეს, ახალი ლეგიტიმაციით, რომელმაც ცხადია, არ უნდა გაიმეოროს მელიას შეცდომები და გაერთიანების ხელი უნდა გაუწოდოს ყველას, ვისაც სურს ბრძოლა, მესამე პრეზიდენტის გადარჩენა და ოლიგარქიული რეჟიმის დამარცხება.

- და ბოლოს, თქვენი აზრით, ვინ გაავრცელა აუდიოფაილი, სადაც იქმნება შთაბეჭდილება რომ მელია, მესამე პრეზიდენტს უცენზურო სიტყვებით მოიხსენიებს?

- ვინც გაავრცელა, ის, არც მალავს თავის ვინაობას. მან, რამდენადაც ვიცი, სრულიად ღიად გამოაქვეყნა ეს რაღაც აუდიოფაილი სოციალურ ქსელში.

მკაფიოდ ვამბობ: სრულიად მიუღებელია ჩემთვის, მსგავსი რამ, ისევე როგორც მესამე პრეზიდენტის უცენზურო სიტყვებით მოხსენიება და ძალადობა, მაგალითად, თანამოაზრეებზე და მაგალითად, რუსული ომონის სტილში, ფრაზებით: დაასახიჩრეთ...

 

მსგავსი სიახლეები

  • 11:06

    რუსებმა ხერსონი დაბომბეს - დაზიანდა მინიმუმ 15 სა...

    რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს.­ ხერსონის რეგიონული სამხედრ...

  • 14:56

    ,,არ იქნება დენი, საკვები, საწვავი" - ისრაელი ღაზი...

    ისრაელის თავდაცვის მინისტრის, იოავ გალანტის განცხადებით, ღაზის სექტორის სრული ბლოკადის განკარგულება გასცა. „ღაზის სექტორის სრული ბლოკადის განკარგულება გავეცი. არ იქნება ელექტროენერგია, საკვები, ...

  • 13:15

    რამზან კადიროვმა 24 წლის ქალიშვილი ჩეჩნეთის ვიცე-პ...

    ჩეჩნეთის ლიდერის, რამზან კადიროვის 24 წლის ქალიშვილი აიშატ კადიროვა ჩეჩნეთის რესპუბლიკის ვიცე-პრემიერი გახდა. ინიციატივა ჩეჩნეთის პარლამენტის თავმჯდომარეს ეკუთვნის, რომელმაც წინადადება გაფართოებუ...

  • 22:28

    27 წლის ქართველი გოგო გერმანიაში ჯგუფურად გააუპატი...

    გერმანიაში ქართველი ქალის ჯგუფური გაუპატიურების საქმე სასამართლოში გადაიგზავნა - გერმანელმა პროკურორებმა შემზარავი დანაშაულის ახალი გარემოებები დაადგინეს. 27 წლის ქართველი გოგო ჯგუფურად მეუღლის თვალწი...

  • 17:57

    ევროკავშირმა რუსეთის წინააღმდეგ დაწესებული სანქციე...

    ევროკავშირის განცხადებით, რუსეთის ფედერაციის წინააღმდეგ დაწესებული სანქციები კიდევ 6 თვით გახანგრძლივდა. განცხადებაში აღნიშნულია, რომ სანქციების მოქმედების გაგრძელების შესახებ გადაწყვეტილება უკრაინის ...

  • 13:41

    ვოლოდიმირ ზელენსკი - არის სიგნალი, რომ, შესაძლოა, ...

    არის სიგნალი, რომ, შესაძლოა, რუსეთში კიდევ ერთი ამბოხება, რევოლუცია მოხდეს, - ამის შესახებ უკრაინის პრეზიდენტმა, ვოლოდიმირ ზელენსკიმ ABC News-თან ინტერვიუში განაცხადა. მისი თქმით, ბევრი ადამიანია...

  • 12:17

    თეთრი სახლი - არ გვინახავს ნიშანი, ხმამაღალი რიტორ...

    შეერთებულ შტატებს არ მიაჩნია, რომ რუსული ძალების მიერ ზაპოროჟიეს ატომური ელექტროსადგურის აფეთქების საფრთხე „გარდაუვალია“, - ამის შესახებ თეთრი სახლის სტრატეგიული კომუნიკაციების კოორდი...