2 3 : 0 1
სარეკლამო ადგილი - 21
620 x 80
 | 

მსოფლიო

ჰოსპიტალური ქსელი ,,ჯეო ჰოსპიტალსი“ საქართველოს ბანკისა და თიბისის მხარდაჭერით უკვე თბილისში ოპერირებს

საქართველოში ერთ-ერთი მძლავრი ჰოსპიტალური ქსელი - "ჯეო ჰოსპიტალსი“ უკვე თბილისშიც ოპერირებს. ახალი მაღალტექნოლოგიური კლინიკა საქართველოს ბანკისა და თიბისის მხარდაჭერით გაიხსნა. ჰოსპიტალური ქსელი "ჯეო ჰოსპიტალსი“ „თბილისის მრავალპროფილური სამედიცინო ცენტრის“ სახელით ფუნქციონირებს. კლინიკა 250 საწოლზეა გათვლილი  და პაციენტებს ამბულატორიული და სტაციონარული მომსახურების ფართო სპექტრს სთავაზობს. მათ შორისაა: პედიატრია, ინსულტის მართვა, კარდიოლოგია (ინტერვენციით), აბდომინალური და თორაკალური ქირურგია, ნეიროქირურგია, ყბა-სახის ქირურგია, ოტორინოლარინგოლოგია, ორთოპედია-ტრავმატოლოგია, გინეკოლოგია და სხვა.

 

კლინიკის ძირითად მიმართულებებს გამოცდილი და მაღალკვალიფიციური პროფესიონალები ხელმძღვანელობენ, რომელთაც წარმატებული სამედიცინო და აკადემიური კარიერა აქვთ. დაწესებულებაში ხელმისაწვდომია დიაგნოსტიკური მომსახურების სრული სპექტრი, მათ შორის, მაგნიტურ-რეზონანსული (MRT) და კომპიუტერული ტომოგრაფია (CT), ენდოსკოპია და სხვა.

 

 „2 წლიანი მუშაობის შედეგად, ახალმა მენეჯმენტმა პაციენტებს მორიგი მნიშვნელოვანი სიახლე შესთავაზა. თბილისის „ჯეო ჰოსპიტალსი“ უზრუნველყოფს სრულ ამბულატორიულ-სადიაგნოსტიკო და სტაციონარულ მომსახურებას; დაწესებულების ერთ-ერთი პრიორიტეტული მიმართულება პედიატრიაა, რომელზე ხელმისაწვდომობაც მოსახლეობისათვის განსაკუთრებით მნიშვნელოვანია. სამედიცინო სერვისების განვითარებასთან ერთად ჩვენი მიზანი მათი ხარისხის მუდმივი გაუმჯობესებაა, რაც მტკიცებულებებზე დაფუძნებული სამედიცინო პრაქტიკის ხელშეწყობით, ინფექციების კონტროლის გამართული სისტემის ფუნქციონირებით, პერსონალის უწყვეტი სწავლებით მიიღწევა“ - აღნიშნა „ჯეო ჰოსპიტალსის“ ქსელის გენერალურმა დირექტორმა, ზურაბ ქიტოშვილმა.

           

„საქართველოს ბანკისთვის სამედიცინო სექტორის ხელშეწყობა ერთ-ერთ მნიშვნელოვან პრიორიტეტს წარმოადგენს. სწორედ ამ მიზანს ემსახურება ბანკისა და „ჯეო პოსპიტალსის“ ერთობლივი პროექტის განხორციელება, რაც აღნიშნული სექტორის კიდევ უფრო მეტად განვითარებასა და გაძლიერებას ემსახურება. ჰოსპიტალური ქსელი 25 დაწესებულებით უკვე 11 წელზე მეტია საქართველოს ხუთ რეგიონშია წარმოდგენილი. თბილისში სამედიცინო ცენტრის ახალი ქსელის გახსნა კი კიდევ ერთი დასტურია იმისა, რომ ბიზნესი სწორი მიმართულებით მიდის და ვითარდება, ქმნის ახალ სამუშაო ადგილებს და მომხმარებელს საუკეთესო მომსახურებას სთავაზობს, რითიც კიდევ უფრო აძლიერებს ჯანდაცვის სფეროს“, - განაცხადა საქართველოს ბანკის ჯანდაცვისა და განათლების სექტორის უფროსმა, მარიამ გოდუაძემ  კორპორაციული საბანკო დეპარტამენტიდან.

 

„ჯეო ჰოსპიტალსთან 2011 წლიდან, მათი დაფუძნების პირველივე დღიდან ვთანამშრმოლობთ. მოხარული ვართ, რომ თიბისის მხარდაჭერით, ქსელის გაფართოების ფარგლებში, კიდევ ერთი მულტიპროფილური სამედიცინო დაწესებულება გაჩნდა, რომელიც მომხარებელს ერთ სივრცეში შესთავაზებს საერთაშორისო სტანდარტებთან შესაბამისი მომსახურების ფართო სპექტრს. თიბისისთვის, ჯანდაცვის სექტორის მხარდაჭერა და განვითარება ისეთივე მნიშვნელოვანია, როგორც მთელი ქვეყნისთვის. თიბისის ბაზრის წილი აღნიშნულ სექტორში - 44%-ს, მიმდინარე პორტფელი კი 380 მილიონ ლარს შეადგენს. კოვიდ პანდემიის შემდეგ, კიდევ უფრო მეტად გამოიკვეთა - რამდენად მნიშვნელოვანია იმ თითოეული ინიციატივისა და პროექტის მხარდაჭერა, რომელიც ყველაზე ღირებულს - ადამიანის ჯანმრთელობას ემსახურება“, - ამბობს ლევან შავკაციშვილი, თიბისის კორპორაციული კლიენტების მომსახურების დეპარტამენტის უფროსი.  

 

ინფორმაციისთვის, შპს „ჯეო ჰოსპიტალსის“ თბილისის მრავალპროფილურ სამედიცინო ცენტრში უზრუნველყოფილია პაციენტის მკურნალობის უწყვეტობა, რასაც გამართული გადაუდებელი დახმარების, თერაპიული/პედიატრიული, რეანიმაციული, ქირურგიული ერთეულები ემსახურება; თანამედროვე ტექნოლოგიებით აღჭურვილი 7 საოპერაციო  თითქმის ყველა პროფილის ქირურგიული, მათ შორის, მცირეინვაზიური ჩარევის შესრულების საშუალებას იძლევა.

 

 „ჯეო ჰოსპიტალსი“ 25 სამედიცინო დაწესებულებითა და 900-ზე მეტი სტაციონარული საწოლით უკვე 11 წელზე მეტია საქართველოს 5 რეგიონში ჯანდაცვითი სერვისების ერთ-ერთი მთავარი მიმწოდებელია; ამავდროულად, ქვეყნის მასშტაბით ის ჯანდაცვის საკადრო რესურსის მნიშვნელოვანი დამსაქმებელიცაა (კომპანიის დაწესებულებებში დასაქმებულია 4000-ზე მეტი თანამშრომელი). 2022 წლიდან „ჯეო ჰოსპიტალს“-ს თბილისის მრავალპროფილური სამედიცინო ცენტრი შეემატა, რომელიც ქსელის მასშტაბით რეფერალის მიმღები კლინიკაა. ამასთან, თბილისის მაღალტექნოლოგიური სამედიცინო ცენტრი ქვეყანაში  სამედიცინო პერსონალის მზადების ერთ-ერთი მძლავრი ინსტიტუციაა, რომელშიც როგორც დიპლომამდელი, ასევე, დიპლომის შემდგომი განათლების პროგრამები ხორციელდება.   

 

კომენტარები

მსგავსი სიახლეები

  • 11:06

    რუსებმა ხერსონი დაბომბეს - დაზიანდა მინიმუმ 15 სა...

    რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს.­ ხერსონის რეგიონული სამხედრ...

  • 14:56

    ,,არ იქნება დენი, საკვები, საწვავი" - ისრაელი ღაზი...

    ისრაელის თავდაცვის მინისტრის, იოავ გალანტის განცხადებით, ღაზის სექტორის სრული ბლოკადის განკარგულება გასცა. „ღაზის სექტორის სრული ბლოკადის განკარგულება გავეცი. არ იქნება ელექტროენერგია, საკვები, ...

  • 13:15

    რამზან კადიროვმა 24 წლის ქალიშვილი ჩეჩნეთის ვიცე-პ...

    ჩეჩნეთის ლიდერის, რამზან კადიროვის 24 წლის ქალიშვილი აიშატ კადიროვა ჩეჩნეთის რესპუბლიკის ვიცე-პრემიერი გახდა. ინიციატივა ჩეჩნეთის პარლამენტის თავმჯდომარეს ეკუთვნის, რომელმაც წინადადება გაფართოებუ...

  • 22:28

    27 წლის ქართველი გოგო გერმანიაში ჯგუფურად გააუპატი...

    გერმანიაში ქართველი ქალის ჯგუფური გაუპატიურების საქმე სასამართლოში გადაიგზავნა - გერმანელმა პროკურორებმა შემზარავი დანაშაულის ახალი გარემოებები დაადგინეს. 27 წლის ქართველი გოგო ჯგუფურად მეუღლის თვალწი...

  • 17:57

    ევროკავშირმა რუსეთის წინააღმდეგ დაწესებული სანქციე...

    ევროკავშირის განცხადებით, რუსეთის ფედერაციის წინააღმდეგ დაწესებული სანქციები კიდევ 6 თვით გახანგრძლივდა. განცხადებაში აღნიშნულია, რომ სანქციების მოქმედების გაგრძელების შესახებ გადაწყვეტილება უკრაინის ...

  • 13:41

    ვოლოდიმირ ზელენსკი - არის სიგნალი, რომ, შესაძლოა, ...

    არის სიგნალი, რომ, შესაძლოა, რუსეთში კიდევ ერთი ამბოხება, რევოლუცია მოხდეს, - ამის შესახებ უკრაინის პრეზიდენტმა, ვოლოდიმირ ზელენსკიმ ABC News-თან ინტერვიუში განაცხადა. მისი თქმით, ბევრი ადამიანია...

  • 12:17

    თეთრი სახლი - არ გვინახავს ნიშანი, ხმამაღალი რიტორ...

    შეერთებულ შტატებს არ მიაჩნია, რომ რუსული ძალების მიერ ზაპოროჟიეს ატომური ელექტროსადგურის აფეთქების საფრთხე „გარდაუვალია“, - ამის შესახებ თეთრი სახლის სტრატეგიული კომუნიკაციების კოორდი...