0 5 : 3 5
 | 

მსოფლიო

თეონა აქუბარდია: საქართველო-აზერბაიჯანის ურთიერთობის გაფუჭება რუსეთის ინტერესებშია

დავით გარეჯის სამონასტრო კომპლექსის ირგვლივ საზოგადოების ნაწილს ჯერ კიდევ აქვს კითხვები. საზღვრის დელიმიტაციის კომისია უკვე მუშაობს და მას საგარეო საქმეთა მინისტრის მოადგილე, ლაშა დარსალია ხელმძღვანელობს.

საპატრიარქო საზოგადოებას მოუწოდებს,  შეინარჩუნონ სიმშვიდე და დაელოდონ აზერბაიჯანის მხარესთან მოლაპარაკების შედეგებს. სასულიერო პირები ამბობენ, რომ აზერბაიჯანს საქართველოს კულტურული მემკვიდრეობის დაზიანების სურვილი არ აქვს და მათი ოკუპანტად აღქმა საზოგადოების მხრიდან არასწორია.

ანალოგიური პოზიცია აქვთ ექსპერტებსაც. ექსპერტი ეროვნული უსაფრთხოების საკითხებში, თეონა აქუბარდია ამბობს, რომ დავით გარეჯის საკითხი საზოგადოებამ საკმაოდ ემოციურად აღიქვა, თუმცა ფიქრობს, რომ საქართველო-აზერბაიჯანის ურთიერთობების გაფუჭება მხოლოდ რუსეთის ინტერესებში შედის.

 „არ უნდა დაგვავიწყდეს ის პრეისტორია ამ საკითხთან დაკავშირებით, რაც საბჭოური მემკვიდრეობის შემდგომ ვერცერთმა ხელისუფლებამ ვერ გადაჭრა. სადემარკაციო სამუშაოები, დამოუკიდებლობის აღდგენის შემდგომ, კვლავაც მიმდინარეობს და გარკვეული ხნით კომისიის მუშაობა შეჩერებულიც იყო, რაც მისი წევრების ხელახალ დაკომპლექტების პრობლემას უკავშირდებოდა. თუმცა, მიუხედავად ამისა, განცხადებები იმის შესახებ, რომ აზერბაიჯანი ოკუპანტია, ერთი მხრივ, არასწორია და, მეორე მხრივ, აზიანებს ჩვენს სტრატეგიულ პარტნიორობას. ქვეყანას, დამოუკიდებლობის აღდგენის შემდეგ, ერთადერთი ოკუპანტი ჰყავს რუსეთის სახით, ეს აღიარებულია არამხოლოდ ჩვენი კანონმდებლობით, არამედ - პარტნიორი დასავლეთის ქვეყნების მიერაც. საქართველო-აზერბაიჯანის ურთიერთობის გაფუჭება რუსეთის ინტერესებშია, რადგან საქართველოს აქვს თანამშრომლობა აზერბაიჯანთან სამმხრივ ფორმატში თურქეთის ჩართულობით, როგორც ენერგეტიკის, ისე - სამხედრო კუთხით. ამასთან, აზერბაიჯანი საქართველოს ამარაგებს გაზის 80%-ით, რაც უზრუნველყოფს საქართველოს ენერგოდამოუკიდებლობას რუსეთისგან,“ - აცხადებს თეონა აქუბარდია.

მისივე მტკიცებით, სუს-ის ანგარიშში წერია, რომ უცხო ქვეყნის სპეცსამსახურები ცდილობენ ურთიერთობების გამწვავებას საქართველოსა და რეგიონის სხვა ქვეყნებს შორის. თეონა აქუბარდიას თქმით, მისასალმებელია, რომ საგარეო საქმეთა მინისტრის მოადგილე ლაშა დარსალია იმყოფებოდა ბაქოში ამ საკითხთან დაკავშირებულ მოლაპარაკებაზე. ექსპერტი იმედს გამოთქვამს, რომ მთავრობა ამ გამოწვევას გაუმკლავდება.

კომენტარები

მსგავსი სიახლეები

  • 11:58

    კრასნოიარსკის ოლქში საბრძოლო მასალის საწყობში ხანძ...

    მთელი ღამის განმავლობაში ისმოდა აფეთქებების ხმა რუსეთში. კრასნოიარსკის ოლქში საბრძოლო მასალის საწყობში ხანძარი გაჩნდა. რეგიონში საგანგებო მდგომარეობაა გამოცხადებული. არსებული ინფორმაციით, საბრძოლო მას...

  • 15:07

    გრიგორი კარასინი თანამდებობას ტოვებს...

    გრიგორი კარასინი თანამდებობას ტოვებს. გავრცელებული ინფორმაციის მიხედვით, კარასინის წასვლის მიზეზი მისი ასაკია, ვონაიდან 'საჯარო სამსახურის შესახებ" კანონის თანახმად, სამუშაოს  გაგრძელების შესაძლე...

  • 14:07

    იაპონიაში, კიოტოს ანიმაციურ სტუდიაში ხანძრის შედეგ...

    იაპონიაში, კიოტოს ანიმაციურ სტუდიაში ხანძრის შედეგად გარდაცვლილთა რიცხვი 33 ადამიანამდე გარდაიცვალა.  ცეცხლი სტუდიაში იმ დროს გაჩნდა, როდესაც შენობაში 70-ზე მეტი ადამიანი იმყოფებოდა.პოლ...

  • 14:36

    ავიაკატასტროფას შვედეთში 9 ადამიანი ემსხვერპლა...

    ავიაკატასტროფას შვედეთში 9 ადამიანი ემსხვერპლა. შემთხვევა ქვეყნის ჩრდილოეთ რეგიონში, ქალაქ უმეოსთან მოხდა. ბორტზე მყოფები პარაშუტით უნდა გადამხტარიყვნენ, თუმცა მცირე ზომის თვითმფრინავმა კატა...

  • 13:35

    რუსულმა ავტომწარმოებელმა კომპანია "GAZ" - ის თანამ...

    ამერიკის დამოუკიდებლობის დღეს,  რუსულმა ავტომწარმოებელმა კომპანია "GAZ" - ის თანამშრომლებმა მოსკოვში, აშშ-ის ელჩის რეზიდენციის წინ, საპროტესტო აქცია გამართეს - ამის შესახებ ინფორმაციას რუსული საი...

  • 19:31

    ევროპარლამენტის ახალ პრეზიდენტად დავიდ სასოლი აირჩ...

    ევროპარლამენტს ახალი პრეზიდენტი ჰყავს. ხმათა უმრავლესობით კანონმდებლებმა ამ თანამდებობაზე იტალიელი დეპუტატი, ყოფილი ჟურნალისტი დავიდ სასოლი აირჩიეს. პარალელურად, ევროკავშირის წევრი...

  • 12:14

    ეწვიეთ საქართველოს, გააღიზიანეთ პუტინი - CNN-ზე ამ...

    CNN-ზე ამერიკელი ჟურნალისტი ბლოგის აქვეყნებს, სადაც ის მოგზაურებს საქართველოში ვიზიტისკენ მოუწოდებს. ვილ ქეზქარტი ფრილანსერი ჟურნალისტია, რომელიც საქართველოში ცხოვრობს. ის მიმართავს ნებისმიე...