1 2 : 3 8
 | 

მსოფლიო

უფულობის გამო პაციენტი ფსიქიატრიულში არ დაიტოვეს, რის შემდეგაც მან 14 წლის ბავშვი მოკლა - რა ხდება სერგენკოს რეფორმირებულ ჯანდაცვაში?

საზარელი მკვლელობა მოხდა რუსთავის მერვე მიკრორაიონში. 29 წლის ბიძამ, ვალერ ირემაძემ 14 წლის ძმიშვილი მოკლა. 

ოჯახის წევრების და მეზობლების განცხადებით, მას გუშინ ფსიქიკური აშლილობა ჰქონდა, რის გამოც მეუღლე და შვილი სახლიდან წავიდნენ. გაერიდნენ.

მეზობლებმა და მეგობრებმა, 29 წლის მამაკაცი რუსთავის საავადმყოფოში წაიყვანეს, სადაც ექიმებმა ურჩიეს რომ ვინაიდან მამაკაცს ფსიქიკური პრობლემები ჰქონდა, თბილისის ფსიქიატრიულ საავადმყოფოში გადაეყვანათ. 

"მივიყვანეთ თბილისში, ნარკოლოგიურის გვერდით მდებარე ფსიქიატრიულ საავადმყოფოში. 

ვუთხარით რომ მას ჰქონდა ჰალუცინაციები, იყო აგრესიული და შეეძლო ზიანი მიეყენებინა სხვისთვის.

ექიმებმა ჩვენი მეგობარი შეამოწმეს, გასინჯეს, დარწმუნდნენ რომ მას ნამდვილად ჰქონდა ფსიქიკური  ხასიათის პრობლემები, თუმცა წინასწარ 3 ათასი ლარის გადახდა მოგვთხოვეს. 

ჩვენ ფული თან არ გვქონდა. ექიმებს ვუთხარით, დაიტოვეთ პაციენტი და ფულს შევაგროვებთ და ჩამოგიტანთთქო, თუმცა, უარი მივიღეთ. 

დღეს კი ასეთი ამბავი მოხდა. მან 14 წლის ძმიშვილი მოკლა, რომელიც პაპასთან სტუმრად იმყოფებოდა და ეს ამბავი არ მოხდებოდა გუშინ რომ ფსიქიატრიულ საავადმყოფოში დარჩენილიყო", - აცხადებენ მოზარდის მკვლელობაში ბრალდებულის მეგობრები და მეზობლები.



პაციენტი კვლავ სახლში დააბრუნეს, სადაც 14 წლის ძმიშვილი დახვდა სტუმრად. ბიძამ, ფსიქიკური აშლილობის ნიადაგზე მოზარდი ჯერ დანით დაჩეხა, შემდეგ კი სისხლიანი ხელები ფანჯრიდან გადმოყო და მეზობლებს ჩადენილი მკვლელობის შესახებ მოუყვა. 

გამოიძახეს პოლიცია, რომელმაც კარის შემტვრევა სცადა, თუმცა 29 წლის მამაკაცი ფანჯრიდან ეზოში გადახტა და გაქცევა დააპირა, რა დროსაც დააკავეს.  

მოხდებოდა თუ არა, ეს საზარელი დანაშული ფსიქიკური აშლილობის მქონე ადამიანი რომ ფსიქიატრიულ საავადმყოფოში დაეტოვებინათ? 



ფსიქიატრიული საავადმყოფოს წარმომადგენლები კანონებსა და ბიუროკრატიას იშველიებენ და თავს იმართლებენ. 

თუმცა, ფაქტი ისაა რომ ჯანდაცვის მინისტრ სერგენკოს ე.წ რეფორმებმა, სისტემაში შექმნილმა ქაოსმა და დაუდევრობამ 14 წლის მოზარდის სიცოცხლე შეიწირა. 

29 წლის ფსიქიკური პრობლემების მქონე მამაკაცის მეგობრებისა და ნათესავებისათვის რომ ექიმებს გუშინ 3 ათასი ლარის წინასწარ გადახდა არ მოეთხოვათ ან სახელმწიფო უფრო აქტიურად ჩარეულიყო, დღეს 14 წლის ბიჭი ცოცხალი იქნებოდა.

კომენტარები

მსგავსი სიახლეები