რუსებმა ხერსონი დაბომბეს - დაზიანდა მინიმუმ 15 სა...
რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს. ხერსონის რეგიონული სამხედრ...
“შეყვარებულის დედა გინეკოლოგთან ჩემს ამბებს კითხულობს. საშინლად ვნერვიულობ და არ ვიცი როგორ მოვიქცე”
გულახდილი საუბრები ჟურნალ “სარკის” ერთ-ერთი რუბრიკაა. გთავაზობთ 18 წლის გოგონას წერილს, რომელიც რჩევას ითხოვს:
“მინდა , შეყვარებულის დედას თქვენი ჟურნალიდან მივმართო, რომ 18 წლის ასაკში გათხოვებას არ ვაპირებ და ტყუილად ნუ ნერვიულობს.
წელიწადზე მეტია, რაც ერთი ბიჭი მიყვარს. დაქორწინებას ჯერ არ ვაპირებთ. სწავლაზე ვართ ორიენტირებულები. ის კარგად სწავლობს, უნდა უცხოეთშიც ისწავლოს.
შეყვარებულს ჩემი მშობლებიც იცნობენ, მაგრამ არ ღელავენ, რომ გათხოვებას გადავწყვეთ, რადგან იციან ჩემი სწავლისადმი დამოკიდებულება.
ახლა გეტყვით, ჩემს პრობლემაზე.
გარდატეხის ასაკში ჯანმრთელობის ძალიან მცირე პრობლემა შემემქმნა და დედამ გინეკოლოგთნ მიმიყვანა. ექიმმა გვითხრა, მართალია, საგანგაშო არაფერია, მაგრამ ორგანიზმს ცოტა მივეშველოთ, ბავშვს დისკომფორტი რატომ უნდა ჰქონდესო. ასეც მოვიქეცით და დროდადრო წანლევს ვიღებდი და ექოსკოპიურ გამოკვლევევსაც ვიკეთებდი.
არ ვიცი, როგორ, მაგრამ შეყვარებულის დედამ გაიგო, რომ გინეკოლოგთან ვმკურნალობ ხოლმე. ჩემს გინეკოლოგთან მივიდა და გამოკითხვა დაუწყო, რა მჭირდა , რა პრობლემა მქონდა, უშვილობა ხომ არ მემუქრებოდა და ა.შ. ჩემი ექიმი გადარეულა, როგორ მიბედავთ, პაციენტზე კითხვებს როგორ მისვამთო. თურმე ისე გამწარდა, კარი გამოაღო და უთხრა, ქალბატონო, ქედან მიბრძანდითო.
ხომ ასე შეარცხვინა ექიმმა, მაგრამ იმ ქალმა მაინც ვერ მოისვენა. მერე ჩემს გინეკოლოგთან თავისი ნაცნობი ექთანი მიუგზავნია, იქნებ გამირკვიო, ჩემი შვილის შეყვარებულს რა სჭირსო. ჩემი ექიმი მიუხვდა ექთანს ტყუილებს , მისგან ამბის დაცინცვალს რომ ცდილობდა და ისიც გაგდო ოთახიდან. ამის შემდეგ დედაჩემს დაურეკა და მოუყვა, რომ ასეთი ამბები ხდება.
დედაჩემი გაშეშებული იდგა. მითხრა, თუ შეგიძლია ამ ბიჭს ჩამოშორდე, ძალიან გამახარებ, მაგრამ ძალით არაფრის გაკეთებას გთხოვ, არ გაიძულებო.
მეც ვფიქრობ, რომ დედა მართალია და არ ღირს ასეთ ოჯახში შევსლა. ძალიან გამამაწარებს და ჩემს საქმეებშო ყოველთვის ცხვირს ჩაყოფს. შეყვარებულს ვუთხარი რაც მოხდა, მან კი დედის გამართლება დაიწყო, ხომ იცი დედისერთა ვარ, ჩემს შვილზე ოცნებობენ და ალბათ ამიტო ღელავსო.
საშინლად ვნერვიულობ და არ ვიცი როგორ მოვიქცე. ძალიან მიყვარს, მაგრამ ასეთი რაღაცების მოთმენა ალბათ არ შეიძლება”
კომენტარები