ბიზნესი

უნივერსიტეტის ქუჩაზე „ტოიოტა ცენტრი თეგეტას“ განახლებული, კონცეპტუალური შოურუმი გაიხსნა

. „ტოიოტა ცენტრი თეგეტა“ პირველი სადილეროა კავკასიის რეგიონში, სადაც მომსახურების ახალი კონცეფცია დაინერგა

. გაიზარდა სამუშაო პლატფორმების რაოდენობა სერვისში, რაც ერთდროულად მეტი ავტომობილის მომსახურების საშუალებას იძლევა 

უნივერსიტეტის ქუჩის #6-ში „ტოიოტა ცენტრი თეგეტას“ განახლებული შოურუმი ოფიციალურად გაიხსნა. ცვლილებები ახალი კონცეფციის დანერგვას ითვალისწინებს, რაც სრულად მომხმარებლის კომფორტსა და მოთხოვნებზე მორგებულ მომსახურებას გულისხმობს. განახლდა ინტერიერიც, რომელიც ტოიოტას საერთაშორისო გაიდლაინით მოეწყო. 

თანამედროვე სტანდარტების საავტომობილო ცენტრის ტერიტორია 800 მ2-ია და, საექსპოზიციო სივრცესთან ერთად, სერვისცენტრსაც მოიცავს. კომპანია „გრავიტა“ სარეკონსტრუქციო სამუშაოებს რამდენიმე თვის განმავლობაში აწარმოებდა.

გახსნის ცერემონიაზე ტოიოტა კავკასიის პრეზიდენტმა კოჯი მაცუნომ „ტოიოტა ცენტრი თეგეტას“ Frontline For Tomorrow პროგრამის წარმატებით დანერგვისთვის სერტიფიკატი გადასცა. „ტოიოტა ცენტრი თეგეტამ“ იაპონური ბრენდის დილერისა და ავტორიზებული სერვისცენტრის ოფიციალური სტატუსი 2014 წელს მიიღო და მიმდინარე წელს დაარსების ათი წლის იუბილეს აღნიშნავს.

მარიამ მელიაშვილი, „ტოიოტა ცენტრი თეგეტას“ გენერალური დირექტორი: „მოხარულები ვართ, რომ სტუმრებს ჩვენს მოდერნიზებულ შოურუმში ვმასპინძლობთ. ინოვაციების დანერგვა „ტოიოტა ცენტრი თეგეტაში“ უწყვეტი პროცესია. ვცდილობთ, ყველა ის სიახლე, რაც ავტოინდუსტრიაში ჩნდება, ჩვენს სამუშაო პრაქტიკაში მაქსიმალურად მოკლე დროში გადმოვიტანოთ. შედეგად, ტოიოტას პირველი წარმომადგენლები ვართ რეგიონის მასშტაბით, სადაც ახალი კონცეფციის შოურუმი გაიხსნა. განვაახლეთ ინტერიერი და დავამატეთ სამუშაო პლატფორმები სერვისში. მრავალფეროვანია სამოდელო რიგი, ფართოა პროდუქციის არჩევანიც - ეს ყველაფერი კი იმას ნიშნავს, რომ ავტომობილთან დაკავშირებული ყველა საჭიროება თუ სერვისი ერთ სივრცეშია თავმოყრილი. 

გვსურს, რომ ჩვენს ცენტრში ვიზიტი და მომსახურების მიღება, ერთი მხრივ, მარტივი და კომფორტული და, ამასთანავე, სასიამოვნო იყოს. იაპონური კულტურის ნაწილია „ომოტენაში“, რაც განსაკუთრებულ მასპინძლობას გულისხმობს. გვინდა, ჩვენსცენტრში ეს მიდგომა რეალობად ვაქციოთ“.

განახლებული შოურუმის გახსნის ღონისძიება თიბისი ლიზინგისა და თიბისი დაზღვევის,  ასევე სადაზღვევო კომპანია ალდაგის პრემიუმ ბრენდი პრიმოს მხარდაჭერით გაიმართა. ოფიციალურ ცერემონიას, ბრენდის წარმომადგენლებთან ერთად, კომპანიის ბიზნესპარტნიორები, იაპონიის ელჩი საქართველოში, იშიძუკა ჰიდეკი და ბრენდის მომხმარებლები ესწრებოდნენ. ახალ სტანდარტებზე მორგებულ ცენტრში, ჯამში, 500-ამდე სტუმარი იყო მიწვეული. სტუმრებისათვის კომპოზიციები მუსიკოსებმა ბექა გოჩიაშვილმა და თემურ დიასამიძემ შეასრულეს.

საექსპოზიციო სივრცეში დამსწრე საზოგადოებას ერთ-ერთი ყველაზე მოთხოვნადი Toyota C-HR-ის ახალი მოდელი წარუდგინეს. მეორე თაობის C-HR განახლებულია როგორც ვიზუალური ასევე ფუნქციონალური პარამეტრებით. ახალი მოდელი წარმოდგენილია მხოლოდ ჰიბრიდული ძრავით. სტანდარტულ 1.8 და 2.0 ძრავზე მომუშავე ორი წამყვანი თვლის მქონე მოდელებს, დაემატა 2.0 ძრავზე მომუშავე ოთხივე წამყვანი თვლის მქონე ავტომობილი. სიმძლავრეც შესაბამისად 140 და 198 ცხენის ძალაა. განახლებული მოდელი მაქსიმალურად ეკო-მეგობრულია, სავარძლები 100%-ით ვეგანური ტყავისგანაა დამზადებული.

„ტოიოტა ცენტრი თეგეტას“ განახლებული კონცეფცია სრულად მომხმარებელზე ფოკუსირებას გულისხმობს, რაც არა ერთჯერად კონსულტაციას, არამედ პერსონალურ მრჩეველსა და ავტომობილის მფლობელს შორის გრძელვადიან თანამშრომლობას ნიშნავს.  

იაპონური ბრენდის სტანდარტებზეა მორგებული შოურუმის ინტერიერი. დიზაინი მინიმალისტური და დახვეწილია. თეთრი ფერისა და ხის ფაქტურის კომბინაცია, განათების ორიგინალურ სისტემასთან ერთად, სივრცეს უფრო კომფორტულს ხდის. 

შენობა საექსპოზიციო სივრცესა და საოფისე ნაწილს აერთიანებს. დარბაზში იაპონური ბრენდის ავტომობილებია წარმოდგენილი. იქვეა განთავსებული ციფრული მონიტორებიც, რომელთა დახმარებითაც მომხმარებელი მარტივად შეძლებს,სხვადასხვა პროდუქტსა თუ აქსესუარების ფართო არჩევანს გაეცნოს. 

სიახლეა სერვისშიც, სადაც სამუშაო პლატფორმების რაოდენობა გაიზარდა. ტოიოტას ბრენდზე სპეციალიზებული მექანიკოსები მომხმარებელს ყველა საჭირო ტექნიკურ დახმარებას უწევენ. მათ შორის არის ელექტრობა, სავალი ნაწილებისა და ძრავის მიმართულება. მაღალკვალიფიციური, სერტიფიცირებული მექანიკოსები მომხმარებელს უახლესი, თანამედროვე ტექნიკითა და ხელსაწყოებით ემსახურებიან. ამასთან ერთად,უახლოეს მომავალში სწრაფი მომსახურებისათვისშესაბამისი სივრცის გამოყოფაც იგეგმება. 

შოურუმის გარე ტერიტორიაზე კი მოწყობილია ავტოსადგომი, რომელიც 50-მდე მანქანას იტევს. ეზოში განთავსდა ელექტროდამტენებიც,სარგებლობა კი ნებისმიერი ბრენდის ავტომობილის მფლობელს შეუძლია. 

განახლებული შოურუმის გახსნამდე განხორციელდა ორგანიზაციული ტრანსფორმაციაც. ახალი სისტემის საშუალებით შესაძლებელია ფრონტის თითოეული თანამშრომლის ცენტრალიზებული მართვა, საკვანძო პოზიციებს შორის კომუნიკაცია, ჩამოყალიბდა ახალი გუნდური მიდგომა, რაც, საბოლოოდ, მომსახურების პროცესს უფრო სწრაფსა და მოქნილს გახდის. 

ახალ კონცეფციასა და შოურუმზე მუშაობა „ტოიოტა ცენტრი თეგეტამ“ გასულ წელს დაიწყო. დღეს კი ცენტრი მომხმარებელს ინდივიდუალურ საჭიროებებზე მორგებულ მომსახურებას განახლებულ სივრცეში სთავაზობს. 

--

„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „ტოიოტა ცენტრი თეგეტა" საქართველოს ბაზარზე 2014 წლიდან ოპერირებს. კომპანია მონობრენდულია და მისი მომსახურება სრულიად ტოიოტას ავტომობილებზეა ფოკუსირებული. ამ ეტაპზე კომპანია მომხმარებელს სთავაზობს ტოიოტას უახლესი მოდელების ავტომობილებს, მაღალი ხარისხის ორიგინალ ავტოსათადარიგო ნაწილებს, აქსესუარებსა და მომსახურებას. სერვისი აღჭურვილია თანამედროვე ავტორიზებული პროგრამებითა და კვალიფიციური პერსონალით.