|
"ფლანგვის დეტექტორის” ინფორმაციით, უნივერსიტეტის ქუჩის რეაბილიტაციის ხარჯები 1.5 მილიონი ლარით, 18 მილიონამდე გაიზარდა. სამუშაოები კი "ქართული ოცნების" დონორების კომპანიამ - შპს "ჯეუ გრუპმა" - შეასრულა.
მერიამ ტენდერი 2023 წლის 12 აპრილს გამოაცხადა - შესყიდვის სავარაუდო ღირებულება 17,221,286 მილიონი ლარი იყო. ტენდერში მონაწილეობის სურვილი მხოლოდ ერთმა კომპანიამ - შპს ჯეუ გრუპმა გამოთქვა, რომელმაც შეთავაზებული 16 529 440 ლარით აღნიშნულ ტენდერი უნდა შეესრულებინა.
"2023 წლის 11 აგვისტოს ცვლილებით ხელშეკრულების თავდაპირველი ღირებულება 1,490,861 ლარით გაიზარდა და 18,020,301 ლარი გახდა. ცვლილების ერთ-ერთ მთავარ მიზეზად თბილისის ტრანსპორტისა და ურბანული განვითარების სააგენტოს მიერ კომპანიისთვის მიწოდებული ავტოტრანსპორტის გადაადგილების პროექტი დასახელდა. პროექტით განსაზღვრული შესასრულებელი სამუშოები შესაბამისობაში არ მოდიოდა ქუჩის რეაბილიტაციის თავდაპირველ ხარჯთაღრიცხვასთან. ამის შემდეგ, 2023 წლის 28 ნოემბერს, ხელშეკრულებაში კიდევ ერთი ცვლილება შევიდა. სამუშაოების მოცულობა დაზუსტდა და ის საბოლოოდ ჯამში 407 ლარითა და 88 თეთრით შემცირდა. შესაბამისად, ხელშეკრულების საბოლოო ღირებულება 18,019,893 ლარი გახდა", - ამბობს
ორგანიზაცია.
გარდა ამისა, "ფლანგვის დეტექტორი" ამბობს, რომ სახელშეკრულებო პირობებით, სარეაბილიტაციო სამუშაოები 2023 წლის ნოემბრის ბოლოს უნდა დასრულებულიყო, თუმცა ოფიციალურად 4 დეკემბერს დასრულდა.
აღსანიშნავია, რომ თბილისის მერიამ კომპანია ჯამში სამჯერ დააჯარიმა სამუშაოების დროულად შეუსრულებლობის გამო. ჯარიმების საერთო ღირებულებამ 32,500 ლარი შეადგინა.
ორგანიზაციის მონაცემების მიხედვით, ამ კომპანიას სახელმწიფოსგან 389 მილიონი ლარის ტენდერები და 8 მილიონი ლარის გამარტივებული შესყიდვები აქვს მიღებული (ჯამში 397 მილიონი ლარი).
"სამუშაოების უხარისხოდ შესრულების გამო, შპს ჯეუ გრუპი წარსულში თავად თბილისის მერი კახი კალაძის კრიტიკის ობიექტიც გამხდარა.
შპს ჯეუ გრუპი იყო კომპანია, რომელმაც ჭავჭავაძის ქუჩის რეაბილიტაცია 8 თვის დაგვიანებით დაასრულა", - ნათქვამია "ფლანგვის დეტექტორის" განცხადებაში.
20:30
საპროტესტო აქციის მონაწილეებმა მელიქიშვილის გამზირიდან კვლავ ჭავჭავაძის გამზირზე, თსუ-ს ტერიტორიაზე გადაინაცვლეს. “გამოვთქვათ რეაქცია პოლიციის უღირსობაზე! თბილისელების რეაქციამ მოიტანა კონკრეტულ...
"ევროკავშირის საგარეო საქმეთა მინისტრებმა განიხილეს საქართველოს საკითხი. ქვეყანაში გაემგზავრება EEAS/ევროკავშირის კომისიის ოფიციალური პირების "ტექნიკური მისია". ევროკავშირის სპეციალურ წარმ...
18:51
მოლდოვაში ჩატარებულ არჩევნებთან დაკავშირებით, ირაკლი კობახიძის განცხადებების შემდეგ მოლდოვის საგარეო საქმეთა სამინისტროში საქართველოს საქმეთა დროებითი რწუნებული დავით ბოჭორიშვილი საგარეო საქ...
17:22
„მათ მმართველობას საკუთარ ქვეყნებში მოსახლეობამ უარი უთხრა - როთი არის შოლცის პარტიიდან და კოალიცია საერთოდ დაეშალათ. ეტყობა ისეთი უავტორიტეტოა, რომ იქ ქუჩაში საერთოდ არ გაესვლება. ეს როთები იქა...
15:42
„ამ ადამიანების განცხადებებს არანაირი ფასი არ აქვს. ეს არიან უსაქმური ადამიანები, რომლებიც ხან ერთ ქვეყანაში ჩადიან, ხან მეორეში. ჩვენ გვახსოვს, როცა ისინი ოპოზიციის აქციების დროს ჩამოვიდნენ, მა...
17:37
სააპელაციო სასამართლოსთან შეკრებილი აქციის მონაწილეები, მსვლელობით წერეთლის გამზირზე, სადგურის მოედნის მიმართულებით გადაადგილდებიან. ისინი არჩევნების გაყალბებას აპროტესტებენ. აქციის მონაწილეებს წინ პო...
17:37
სააპელაციო სასამართლოსთან შეკრებილი აქციის მონაწილეები, მსვლელობით წერეთლის გამზირზე, სადგურის მოედნის მიმართულებით გადაადგილდებიან. ისინი არჩევნების გაყალბებას აპროტესტებენ. აქციის მონაწილეებს წინ პო...
|
კომენტარები