|
საფრანგეთის ხელისუფლების ოფიციალური პირები ახმოვანებენ ცალმხრივ, მიკერძოებულ და არაობიექტურ განცხადებებს. მიუხედავად იმისა, რომ საფრანგეთი, თავისი მანდატის შესაბამისად, ნეიტრალური მხარის როლს უნდა ასრულებდეს, იგი აშკარად ატარებს პრო-სომხურ პოლიტიკას და აბსოლუტურად უსაფუძვლო ბრალდებებს უყენებს აზერბაიჯანს, - აზერბაიჯანული მედიის ინფორმაციით, ამის შესახებ აზერბაიჯანის რესპუბლიკის პრეზიდენტის თანაშემწემ ჰიკმეთ ჰაჯიევმა განაცხადა.
მისი თქმით, საფრანგეთს მთიან ყარაბაღში კონფლიქტის დასრულების შესახებ რუსეთისა და აზერბაიჯანის პრეზიდენტებისა და სომხეთის პრემიერ-მინისტრის მიერ მიღებულ ერთობლივ განცხადებაში არანაირი წვლილი არ შეუტანია.
„ალბათ, საფრანგეთი ამ საკითხში რუსეთის როლზე ეჭვიანობს. სომხეთის პრემიერ-მინისტრის ხელმოწერა ამ დოკუმენტზე ყველაფერს ამბობს. ახლა საფრანგეთი ცდილობს იმაზე მეტად სომეხი იყოს, ვიდრე თავად სომხები არიან. საფრანგეთს არა აქვს უფლებამოსილება ეუთოს მინსკის ჯგუფის თანათავმჯდომარეების სახელით ისაუბროს,“- განაცხადა ჰიკმეთ ჰაჯიევმა.
შეგახსენებთ, საფრანგეთის საგარეო საქმეთა მინისტრი ჟან-ივ ლე დრიანმა განაცხადა, რომ ის მთიან ყარაბაღში კონფლიქტის დასრულების შესახებ მიღწეულ შეთანხმებას მიესალმება, თუმცა, მისი თქმით, აუცილებელია, კონფლიქტის მხარეებმა მოლაპარაკებები განაახლონ და მთიანი ყარაბაღის მომავალი სტატუსი განსაზღვრონ. ამასთან, ჟან-ივ ლე დრიანმა აღნიშნა, რომ საფრანგეთი აზერბაიჯანისგან ვალდებულების შესრულებას ელოდება. „ცეცხლის შეწყვეტას გადამწყვეტი მნიშვნელობა აქვს. ბოლო რამდენიმე კვირის განმავლობაში მხარეებმა რამდენჯერმე აიღეს ეს ვალდებულება და ჩვენ,მინსკის ჯგუფის თანათავმჯდომარეობის ფარგლებში, ამ პრიორიტეტის ერთგული ვიყავით და ვრჩებით. ამიტომ, ველით, რომ აზერბაიჯანი ზედმიწევნით შეასრულებს თავის თავზე აღებულ ვალდებულებებს და დაუყოვნებლივ შეწყვეტს თავდასხმას. ამ კონტექსტში ჩვენ მოვუწოდებთ თურქეთს, არ გააკეთოს ისეთი რამ, რაც ეწინააღმდეგება ამ მნიშვნელოვან პრიორიტეტს“, - ნათქვამია ჟან-ივ ლე დრიანის განცხადებაში.
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები