2025 წლის ეროვნული გამოცდების პროგრამებიდან ამოიღე...
2025 წლის ერთიანი ეროვნული გამოცდების პროგრამაში ცვლილებები შევიდა. "ცენზურის მანქანა ჩაირთო... ერთიანი ეროვნული გამოცდების ქართული ენისა და ლიტერატურის პროგრამა დაგვიცხრილეს და დაგვისეტყვეს ი...
პატიმრის გარდაცვალების სავარაუდო მიზეზად ექიმის შეცდომა სახელდება
ქსნის #19 დაწესებულებაში 1983 წელს დაბადებული პატიმრის გარდაცვალების ფაქტთან დაკავშირებით, სასჯელაღსრულების სამინისტრო განცხადებას ავრცელებს, სადაც მსჯავრდებულის გარდაცვალების სავარაუდო მიზეზად ექიმის შეცდომა სახელდება. „პაციენტს 2013 წლის 27 დეკემბრიდან ანტიტუბერკულოზური მკურნალობა უტარდებოდა. შესაძლო შედეგების შესახებ ექიმების მიერ არაერთგზის ინფორმირების მიუხედავად, პაციენტს წერილობითი უარი ჰქონდა გაცხადებული აივ/შიდსი-ს საწინააღმდეგო ანტირეტროვირუსულ მკურნალობაზე. წინასწარი მონაცემებით, პაციენტს 31 დეკემბერს აღენიშნებოდა ტკივილი მუცლის არეში, ჭიპის გარშემო. ქირურგმა, კონსულტაციის შედეგად, გამორიცხა ქირურგიული შემთხვევა და სიმპტომურად დაუნიშნა მედიკამენტური მკურნალობა. შემდგომი 2 დღის განმავლობაში, ექიმების ინფორმაციით, კლინიკური სურათი არ შეცვლილა, თუმცა პაციენტი რაიმე სპეციალიზებული ჩარევის გარეშე გარდაიცვალა, მიუხედავად იმისა, რომ ჩარევის საჭიროება აშკარად იკვეთებოდა. სასწრაფო სამედიცინო სამსახური, ან კატასტროფის მედიცინის ბრიგადა გამოძახებული არ ყოფილა. სავარაუდოდ, სახეზეა ექიმის შეცდომა. შემთხვევის შესწავლის მიზნით, ერთობლივი მუშაობა დაწყებულია სასჯელაღსრულების სამინისტროს გენერალური ინსპექციის და სამედიცინო დეპარტამენტის რეგულირების სამმართველოს მიერ. დაწყებულია გამოძიებაც. გარდაცვალების ზუსტი მიზეზის დასადგენად დანიშნულია სასამართლო-სამედიცინო ექსპერტიზაც.“- აღნიშნულია განცხადებაში
კომენტარები