„ვოლვო ქარ საქართველოსთან“ პარტნიორობით „ასტრაზენ...
შვედურ-ბრიტანული ფარმაცევტული კომპანია „ასტრაზენეკას“ ქართულმა წარმომადგენლობამ საკუთარი ავტოპარკი ვოლვოს სრულად ელექტრო მოდელებით განაახლა. „ვოლვო ქარ საქართველოსა“ და &bdquo...
|
„თეგეტა აკადემიამ“, შპს „ტრანსფორდთან“ (პეის ჯგუფი) პარტნიორობითა და USAID-ის მხარდაჭერით, მასშტაბური პროექტი წარადგინა. „თეგეტა მოტორსის“ ბათუმის ფილიალში გამართულ ოფიციალურ ღონისძიებაში მონაწილეობა მიიღეს ამერიკის შეერთებული შტატების საგანგებო და სრულუფლებიანმა ელჩმა, რობინ დანიგანმა, USAID-ის წარმომადგენლებმა, აჭარის მთავრობის წევრებმა.
პროექტის ფარგლებში, შპს „ტრანსფორდთან“ და USAID-ის პროგრამასთან „დამსაქმებლები პროფესიული განათლებისთვის“ პარტნიორობით, „თეგეტა აკადემია“ ფოთში ახალ ფილიალს გახსნის, ხოლო ბათუმში უკვე არსებულს გააფართოებს. აღნიშნული პარტნიორობა ითვალისწინებს კავშირების გაძლიერებას პროფესიული უნარების სწავლებასა და მაღალანაზღაურებადი დასაქმების შესაძლებლობებს შორის, რაც შეამცირებს უმუშევრობის დონეს და ხელს შეუწყობს ეკონომიკის მდგრად განვითარებას.
პროექტის ჯამური ღირებულება 1,5 მილიონი დოლარია, სადაც 750 000 აშშ-ს საერთაშორისო განვითარების სააგენტოს ინვესტიციაა.
ოთარ სიხარულიძე, „თეგეტა აკადემიის“ დირექტორი: „თეგეტა აკადემიასა“ და USAID-ს შორის თანამშრომლობის კიდევ ერთი მნიშვნელოვანი ეტაპი იწყება. ბათუმსა და ფოთში საგანმანათლებლო ინფრასტრუქტურის განვითარება აკადემიას საშუალებას მისცემს, რეგიონში არსებულ ბიზნესებზე მორგებული, მოთხოვნადი პროგრამები შეიმუშაოს და ადგილობრივ მოსახლეობას შესთავაზოს, რაც, თავის მხრივ, ხელს შეუწყობს დასავლეთ საქართველოში დასაქმებულთა კვალიფიკაციის გაზრდას.
პროექტის ფარგლებში დაგეგმილია, ჯამში, 19 ახალი სასწავლო პროგრამის შექმნა. სპეცტექნიკის მიმართულებით აღსანიშნავია, რომ პროგრამა შემუშავდება JCB-სთან ერთად და პროგრამის წარმატებულ კურსდამთავრებულებს „თეგეტა აკადემიაში“ JCB-ს მიერ აკრედიტებული მექანიკოსის სტატუსი მიენიჭებათ.
„თეგეტა აკადემიის“ ახალ ფილიალში კი, რომელიც ფოთში გაიხსნება, ფოკუსირებული ვიქნებით საპორტო და სამშენებლო ტექნიკის ოპერატორების მომზადების პროგრამებზე, რომლებიც შპს „ტრანსფორდთან“ (პეის ჯგუფი) პარტნიორობით შეიქმნება. ასევე, შევიძენთ საპორტო ტექნიკის სიმულატორს. კურსდამთავრებულები სახელმწიფოს მიერ აღიარებულ სერტიფიკატს მიიღებენ“.
ახალი პარტნიორობა ხელს შეუწყობს დეფიციტური და მოთხოვნადი პროფესიების მიმართულებით მომზადება-გადამზადების პროგრამების შემუშავებასა და უმაღლესი დონის თეორიულ-პრაქტიკული სწავლების დანერგვას საავტომობილო, სამშენებლო და საპორტო ინდუსტრიების მიმართულებით. კერძოდ, შემუშავდება და განხორციელდება მომზადება-გადამზადების პროგრამები შემდეგი მიმართულებებით: მსუბუქი და სატვირთო ავტომობილების მექანიკოსების მომზადება-გადამზადება; სპეცტექნიკის მექანიკოსების მომზადება-გადამზადება; საპორტო ტექნიკის ოპერატორების მომზადება-გადამზადება.
რობინ დანიგანი, ამერიკის შეერთებული შტატების ელჩი: „ჩვენ ვიწყებთ ახალ პროექტს, რომლის ფარგლებშიც იგეგმება ახალი ფილიალის გახსნა ფოთში, ხოლო ბათუმში უკვე არსებულის გაფართოება. სასწავლო ცენტრი მოამზადებს და გადაამზადებს კადრებს საავტომობილო და სამშენებლო სექტორისთვის. ამერიკის შეერთებული შტატები პროექტისთვის 750 000 დოლარს გამოყოფს. პროექტი მაღალანაზღაურებადი დასაქმების შესაძლებლობას შექმნის. ეს არის კიდევ ერთი მაგალითი, რომ ამერიკის შეერთებული შტატები მხარს უჭერს საქართველოს ეკონომიკურ განვითარებას“.
პროექტის ფარგლებში, ბათუმსა და ფოთში, სულ, 4 ახალი პრაქტიკული სასწავლო სივრცე შეიქმნება; 19 სასწავლო პროგრამა შემუშავდება და, ჯამში, მომდევნო ორი წლის განმავლობაში 300-ზე მეტი ადამიანი გადამზადდება. 2023 წელს, USAID-ის დახმარებით, „თეგეტა აკადემიამ“, თავის პარტნიორებთან - ინფრასტრუქტურის მშენებელთა ასოციაციასა და Tegeta Construction Equipment-თან ერთად, შეიმუშავა და წარმატებით განახორციელა მომზადება-გადამზადების პროგრამები მძიმე ტექნიკის ოპერატორებისათვის.
--
„თეგეტა ჰოლდინგის“ შვილობილი კომპანია „თეგეტა აკადემია“ არის ავტორიზებული კოლეჯი და მულტიფუნქციური ტრენინგცენტრი, რომელიც 2013 წლიდან ახორციელებს საგანმანათლებლო და საკონსულტაციო საქმიანობას ტექნიკური და ბიზნესის მიმართულებებით. „თეგეტა აკადემია“ კომპანიებს ეხმარება, გააუმჯობესონ სერვისები, ხელი შეუწყონ თანამშრომლების პროფესიულ განვითარებას, წვლილი შეიტანონ სამუშაო ძალის განვითარებაში და გაუზიარონ ახალი ცოდნა და საუკეთესო საერთაშორისო პრაქტიკა.
შპს „ტრანსფორდი“ პეის ჯგუფში შემავალი ერთ-ერთი მსხვილი კომპანიაა, რომელიც დაარსდა 2010 წელს შპს Pace International-ის (ნიუ-იორკში დაფუძნებული კომპანია) და შპს Pace Georgia-ს მიერ ტვირთის გადაზიდვის ოპერაციებისათვის ფოთის საზღვაო ნავსადგურში (ფოთის პორტი). შპს „ტრანსფორდი“’ ასევე ოპერირებს ფოთის ახალ საზღვაო ნავსადგურში, რომელიც „პეის ჯგუფისა“ და აშშ-ს საერთაშორისო განვითარების ფინანსური კორპორაციის (DFC) ერთობლივი ძალისხმევით გაიხსნა. პეის ჯგუფში 1000-ზე მეტი ადამიანია დასაქმებული და საშუალო წლიური ტვირთბრუნვა 3.5 მილიონ ტონას აჭარბებს. დამატებითი ინფორმაციისთვის: www.pace.ge
USAID-ის საქმიანობის შესახებ საქართველოში: 1992 წლიდან აშშ-ს საერთაშორისო განვითარების სააგენტო (USAID) და ამერიკელი ხალხი მხარს უჭერს საქართველოს თავისუფალი და განვითარებული დემოკრატიის მშენებლობაში. USAID-ის 35-ზე მეტი მიმდინარე პროგრამა მოიცავს შემდეგ მიმართულებებს: ეკონომიკური ზრდის ხელშეწყობა, დემოკრატიული ინსტიტუტების განვითარება, ენერგოუსაფრთხოების გაძლიერება, ჯანდაცვისა და განათლების სისტემების გაუმჯობესება, მზარდი სოციალური ინტეგრაცია. დამატებითი ინფორმაციისათვის ეწვიეთ: https://www.usaid.gov/georgia
USAID-ის პროგრამა „დამსაქმებლები პროფესიული განათლებისთვის“ მიზნად ისახავს დამსაქმებლებისა და საგანმანათლებლო დაწესებულებების თანამშრომლობის სტიმულირებას, კერძო სექტორთან თანამშრომლობით სატრენინგო პროგრამების შემუშავებას ეკონომიკის ზრდადი სექტორებისთვის, ხარისხის საერთაშორისო სტანდარტების დამკვიდრების ხელშეწყობასა და დასაქმების შესაძლებლობების გაუმჯობესებას სამუშაოს მაძიებლებისთვის. აღნიშნული მიზნების მისაღწევად, პროგრამამ უკვე გააფორმა 60-ზე მეტი პარტნიორობა დამსაქმებლებთან, რომლებიც მოღვაწეობენ ტრანსპორტის, სამშენებლო, ლოჯისტიკის, საინფორმაციო და საკომუნიკაციო ტექნოლოგიების, ჯანდაცვის, სტუმარმასპინძლობის, მომსახურების და სხვა სწრაფად მზარდ სექტორებში. პროგრამით გათვალისწინებული საქმიანობების შედეგად, შემუშავდება 200-ზე მეტი საგანმანათლებლო და გადამზადების პროგრამა, ხოლო 8,000 პირი დაასრულებს მომზადება-გადამზადების პროგრამებს. დამატებითი ინფორმაციისათვის ეწვიეთ: https://www.facebook.com/USAIDSkillsProgram.
შვედურ-ბრიტანული ფარმაცევტული კომპანია „ასტრაზენეკას“ ქართულმა წარმომადგენლობამ საკუთარი ავტოპარკი ვოლვოს სრულად ელექტრო მოდელებით განაახლა. „ვოლვო ქარ საქართველოსა“ და &bdquo...
ტექნოლოგიებში ქალების აღიარების მიზნით, გრეის ჰოპერის 2024 წლის ტექ დაჯილდოებაზე განაცხადების მიღება დაიწყო. დაჯილდოება როგორც ქალებს, ასევე იმ პროგრამებსა და ორგანიზაციებს წარმოაჩენს, რომლებიც საკომ...
თიბისი კონცეპტის მხარდაჭერით, 21-23 ივნისს, ZEG - ამბის თხრობის ფესტივალი გაიმართება. ფესტივალზე, სხვადასხვა ინდუსტრიის წამყვანი პროფესიონალები, თბილისში, სამი დღის განმავლობაში, ერთი მისიის ირგვლივ ...
„პროფესიები მომავალში“ თიბისის ახალი ინიციატივაა, რომლის ფარგლებშიც ფიზიკურ შეხვედრებზე, კონკრეტული სფეროსა და ტექნოლოგიების ექსპერტების მონაწილეობით, ვსაუბრობთ თუ რა გავლენა აქვს ტექნოლოგ...
ზაფხულის მოახლოებასთან ერთად, გზებზე მობილობა მეტად ინტენსიური ხდება. შესაბამისად, იცვლება ავტომობილის მოვლის სპეციფიკა. უსაფრთხოდ და კომფორტულად მგზავრობისთვის მძღოლებმა ყურადღება უნდა...
1 მაისს, AD BLACK SEA-ის ორგანიზებით და თიბისის მხარდაჭერით, დიზაინის საერთაშორისო ფესტივალი გაიმართება. ფესტივალი დიზაინის რამდენიმე მიმართულებას გააერთიანებს: გრაფიკული დიზაინი, UX/UI , ილუსტ...
Თიბისის მობაილბანკს ახალი ფუნქციონალი დაემატა - ახლა უკვე ნაკრების და სახელფასო ბარათის განახლება პირდაპირ აპლიკაციიდან არის შესაძლებელი. Მსგავსი ფუნქციონალები მობაილბანკში ადამიანებს ყოველდღიურობის ...
კომენტარები