რუსებმა ხერსონი დაბომბეს - დაზიანდა მინიმუმ 15 სა...
რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს. ხერსონის რეგიონული სამხედრ...
კომპანია ნატახტარი „სტაროპრამენის“ ლიცენზირებული მწარმოებელი გახდა
ლუდსახარმა ნატახტარმა გლობალური ჩეხური ბრენდი „სტაროპრამენის“ პრეზენტაცია გამართა. სპეციალურად, მოპატიჟებული სტუმრებისთვის ჩატარდა ლუდსახარშის ტური.
ინფორმაციული ტურის შემდეგ დამსწრე საზოგადოებას სიტყვით კომპანია ნატახტარის გენერალურმა დირექტორმა, ჯუნეით არათიმ, ჩეხეთის რესპუბლიკის ელჩმა, ტომას პერნიცკიმ, კომპანია „მოლსონ & კორსის“, აღმოსავლეთ ევროპის, ექსპორტისა და ლიცენზირებული ბრენდების დირექტორმა, ნინო ბენეტამ, კომპანია ნატახტარის კორპორატიულ საქმეთა დირექტორმა, ნიკოლოზ ხუნძაკიშვილმა მიმართეს.
„მოხარული ვარ, რომ საქართველოში ვიმყოფები. პრეზენტაცია, რომელიც ლუდსახარშ „ნატახტარში“ გაიმართა, მართლაც გამორჩეულია. „სტაროპრამენი“ 150 წლის წინ შეიქმნა და რაც დრო გადის უფრო და უფრო იხვეწება. დარწმუნბეული ვარ, რომ კომპანა „ნატახტარის“ მიერ წარმოებული ეს ლუდი, ზუსტად ისეთივე იქნება, როგორიც ეს ჩეხეთშია“, - აღნიშნა ნინო ბენეტამ.
პრაღის განწყობის შესაქმნელად ღონისძიების ოფიციალური ნაწილის შემდეგ გაიმართა ჩეხური სამზარეულოსა და ლუდი „სტაროპრამენის“ დეგუსტაცია.
„ლუდი „სტაროპრამენი“ ჩეხური წარმოშობის გლობალური ბრენდია. ჩვენთვის ძალიან მნიშვნელოვანი იყო აღნიშნული ლუდის წარმოების ლიცენზიის მოპოვება, ფაქტობრივად, მოხდა „ნატახტარის“ აღირება, როგორც კომპანიის, იმ თვალსაზრისით, რომ ჩვენ უმაღლესი ხარისხის ლუდს ვაწარმოებთ. ლიცენზირების მოპოვების პროცესი ერთი წლის განმავლობაში მიმდინარეობდა. ჩვენ ვიზრუნეთ და განვახორციელეთ ინვესტიციები, როგორც ინფრასტრუქტურის, ასევე ხარისხის კონტროლის მექანიზმის გამტკიცებასა და გაზრდაში. შედეგად, ჩვენ გავხდით მსოფლიოში ერთ-ერთ საუკეთესო ლუდის მწარმოებლები საქართველოში,“ - განმარტა ნიკოლოზ ხუნძაკიშვილმა.
„ლუდი „სტაროპრამენი“ საკმაოდ, პოპულარული ბრენდია ქართველი ლუდისმოყვარულებისთვის. მათ იციან ამ ბრენდის ფასი. ძალიან მნიშვნელოვანია, რომ კომპანია „ნატახტარმა“ ასეთი დონის ბრენდის წარმოება ადგილზე დაიწყო. ვფიქრობ, ლუდის მოყვარულებისთვის კარგი შესაძლებლობაა საქართველოში წარმოებული „სტაროპრამენი“ მიირთვან,“ - კომპანია „ნატახტარის“ წარმატებას ხაზი გაუსვა ბიზნესომბუდსმენმა.
შეგახსენებთ, რომ კომპანია ნატახტარი მომხმარებელს სთავაზობს ლუდის 10 ბრენდს, მათ ჩამონათვალს შეემატება ჩეხური ბრენდი „სტაროპრამენიც“. ის ჩეხეთში ერთ-ერთი ყველაზე პოპულარული ბრენდია და იწარმოება 1869 წლიდან. „სტაროპრამენის“ ექსპორტი ხორციელდება 37-მდე ქვეყანაში, ძირითადად ევროპასა და ჩრდილოეთ ამერიკაში.
კომენტარები