მსოფლიო
გუკა რჩეულიშვილი: ჩემი მეუღლე ორსულადაა და გთხოვთ, გამათავისუფლოთ
2017-02-16 13:33:46
"ცენტრპოინტის" საქმეზე მაია და გურამ რჩეულიშვილები მოსამართლემ პატიმრობაში დატოვა.
მაია შოშიაშვილის განცხადებით, ახალი მნიშვნელოვანი გარემოება საქმეში არ არსებობს და შესაბამისად სასამართლომ მიიჩნია პატიმრობა უნდა დარჩეს ძალაში. რაც შეეხება მაია რჩეულიშვილის ჯანმრთელობის შესახებ დოკუმენტაციას, სასამართლომ შეამოწმა, მდგომარეობა მძიმეა, თუმცა ბრალდებულს სამედიცინო მკურნალობა უტარდება, ქირურგიულ ჩარევაზე კი ბრალდებულმა თავად თქვა უარი.
პროკურორი დავით გუმბერიძე მაია რჩეულიშვილის ახალი ბრალის დადგენილების საქმეში დართვას ითხოვდა.
"ახალი დანაშაული მაია რჩეულიშვილმა მაშინ ჩაიდინა, როდესაც მას აღკვეთის სახით გირაო ჰქონდა შეფარდებული, არსებობს მიმალვის საფრთხე და ამიტომ პატიმრობა უნდა დარჩეს ძალაში", - განაცხადა დავით გუმბერიძემ.
რჩეულიშვილების ადვოკატები პატიმრობის 50.000 ლარიანი გირაოთი ჩანაცვლებას ითხოვდნენ. უფლებადამცველმა განაცხადა, რომ მაია რჩეულიშვილის ჯანმრთელობის მდგომარეობა მძიმეა და შესაბამისი დოკუმენტაცია წარმოადგინა.
"ციხეში ყოფნა პრობლემა არ არის, ლელას მშობიარობის დროს რამე რომ მოუვიდეს თქვენ დაგადანაშაულებთ", - ბრალდებულმა გურამ რჩეულიშვილმა ამ რეპლიკით მოსამართლეს და პროკურორებს მას შემდეგ მიმართა, რაც რჩეულიშვილების პატიმრობა მოსამართლემ ძალაში დატოვა.
გურამ რჩეულიშვილმა მოსამართლეს აღკვეთის სახით პატიმრობის ჩანაცვლება 150.000 ლარიანი გირაოთი სთხოვა.
"გთხოვთ, მალე მამა გავხდები, ჩემი მეუღლე არის ორსულად და ამ შემთხვევაში მე ვჭირდები მას და ჩემს შვილს", - განაცხადა გურამ რჩეულიშვილმა.
კომენტარები