რუსებმა ხერსონი დაბომბეს - დაზიანდა მინიმუმ 15 სა...
რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს. ხერსონის რეგიონული სამხედრ...
ახალგაზრდა ბორჯღალოსნები ახალი გამარჯვებებისთვის ემზადებიან
რუმინეთის ქალაქ ბუქარესტში, ევროპის 2012 წლის შესარჩევ ეტაპზე, ქართველი მორაგბეები ჩემპიონები გახდნენ. საქართველოს 17– წლამდელთა ნაკრებმა ჩემპიონატზე რუმინეთი 27:6, ბელგია 27:9, ხოლო ფინალურ მატჩში, პორტუგალიის ნაკრები 24:3 დაამარცხა. მიღწეული წარმატებების შემდეგ, ფალავნებმა ელიტარულ გუნდებთან თამაშის უფლება მოიპოვეს. ევროპის ჩემპიონატზე საქართველო 19–წლამდელთა ნაკრების მორაგბეებმაც ასახელეს და ევროპირველობა დამაჯერებლად მოიგეს. 17–წლამდელთა ნაკრების წევრები, პატარა ბორჯღალოსნები ევროპირველობის b ჯგუფში ინგლისის, უელსისა და იტალიის ნაკრებებს დაუპირისპირდებიან. რაც შეეხება 19–წლამდელთა ნაკრების მორაგბეებს, მათ მომავალ წელს გასამართ 20–წლამდელთა მსოფლიოს „ალაფის“ საგზური დაისაკუთრეს. ევროპის ჩემპიონატზე, მეოთხედფინალში, შვეიცარიას 50:0, რუმინეთის ნაკრებს კი 24:8 მოუგეს. საქართველოს ნაკრებმა ფინალში რუსი სპორტსმენები 20:12 დაამარცხეს. დღეს მთელი დღის განმავლობაში ქართველი მორაგბეები მილოცვებს იღებდნენ, ახალგაზრდა ბორჯღალოსნები გულშემატკივრებს პირდებიან, რომ გულებს კიდევ ბევრჯერ გაუხარებენ.
კომენტარები