აქციის მონაწილეებზე თავდასხმას, მოჰყვება თანამდებო...
მსოფლიოს ყველაზე დიდ ჰაკერული დაჯგუფება “ანონიმუსი” თბილისში მიმდინარე მოვლენებს ეხმაურება. ისინი იმუქრებიან რომ გაავრცელებენ მთავრობის წევრების პირად მიმოწერებს და სხვა მასალებს რომ...
|
ძალიან მარტივი კაზუსია - საჭირო იყო ვიზიტზე თანხმობა, ეს თანხმობა არ მიუღია, მაინც წავიდა, დაირღვა კონსტიტუცია - ამასთან, სალომე ზურაბიშვილს სამი სხვადასხვა ფორმით პირდაპირ აქვს აღიარებული, რომ ის არაკონსტიტუციურ ვიზიტებს ახორციელებდა და ეს შეგნებული და გაცნობიერებული ჰქონდა,- ამის შესახებ „ქართული ოცნების“ თავმჯდომარე ირაკლი კობახიძემ საქართველოს საკონსტიტუციო სასამართლოში განაცხადა, სადაც პრეზიდენტის საიმპიჩმენტო წარდგინების ერთ-ერთი ავტორის სახით წარდგა.
კობახიძემ დაასახელა რამდენიმე არგუმენტი, რაც მისი აზრით, პრეზიდენტის ვიზიტების არაკონსტიტუციურობას ადასტურებს, მათ შორის ის, რომ პრეზიდენტმა აღნიშნული ვიზიტები პირადი ხარჯებით განახორციელა.
„ეს არის ძალიან მარტივი კაზუსი. მხოლოდ საქართველოს კონსტიტუციის 52-ე მუხლი ადგენს საქართველოს პრეზიდენტის უფლებამოსილებებს საგარეო ურთიერთობების სფეროში. ამ მუხლში წერია, რომ პრეზიდენტს მხოლოდ მთავრობის სახელით შეუძლია წარმომადგენლობითი უფლებამოსილების განხორციელება და ასევე, მოლაპარაკებების წარმოება. პრეზიდენტმა ითხოვა თანხმობა, არ მიუღია, მაინც განახორციელა ვიზიტი - დაირღვა კონსტიტუციაა. რამდენად მარტივია ეს კაზუსი თავისი შინაარსით, ამაზე მსჯელობაც არაა საჭირო. გერმანიაში მაქვს დამთავრებული იურიდიული ფაკულტეტი მაგისტრატურა, დოქტორანტურა და ვიცი, როგორაა შედგენილი პირველი კურსის სახელმძღვანელოები - მოცემულია ასეთი კაზუსები, სადაც ასეთ მარტივ თემებზეა საუბარი. საჭირო იყო თანხმობა, არ მიუღია, მაინც წავიდა, დაირღვა კონსტიტუცია - უმარტივესი კაზუსია სინამდვილეში. მით უფრო მარტივადაა საქმე, რომ პრეზიდენტმა თავადვე აღიარა ვიზიტების არაკონსტიტუციურობა. კერძოდ, მან თავად ითხოვა თანხმობა ვიზიტზე. მას გაცნობიერებული ჰქონდა, რომ შესაბამისი ვიზიტის განხორციელება საჭიროებდა თანხმობას, შეგნებული ჰქონდა და მას შემდეგ, რაც თანხმობა ვერ მიიღო, მაინც განახორციელა ვიზიტი. მას რომ ჰქონოდა იმის რწმენა, რომ შესაბამის ვიზიტს თანხმობა არ სჭირდებოდა, არც მიმართავდა მთავრობას თანხმობის თხოვნით. გაცნობიერებული ჰქონდა, რომ მისი ვიზიტი თანხმობას საჭიროებდა. ასევე, მან მოგვიანებით განაცხადა, რომ მისი ვიზიტები ბიუჯეტიდან არ იყო დაფინანსებული და კერძო თანხებით გაემგზავრა საზღვარგარეთ, რაც მორიგი აღიარებაა. თუ ვიზიტი ლეგიტიმური იყო, რატომ არ დააფინანსა ბიუჯეტიდან? ეს იყო პირდაპირი აღიარება, რომ ვიზიტები იყო არალეგიტიმური და ამიტომ მოუწია მას არა ბიუჯეტის, არამედ საკუთარი ჯიბის ფულის დახარჯვა. წინააღმდეგ შემთხვევაში, მას რომ ბიუჯეტის ფული დაეხარჯა, ეს კონსტიტუციის დარღვევასთან ერთად, სისხლის სამართლის დანაშაულიც იქნებოდა, რადგან ეს კანონმდებლობით, არამიზნობრივი ხარჯია. როდესაც იმპიჩმენტზეა საუბარი, შესაძლოა, კონკრეტული დეპუტატების იმედი გქონდეს, რომ მხარს არ დაუჭერენ შენს გადაყენებას, მაგრამ თუ დანაშაულს ჩადიხარ, პოლიტიკოსების იმედზე ვერ იქნები. ამიტომ, მას გაცნობიერებული ჰქონდა, რომ არალეგიტიმურ ვიზიტში მიდიოდა, ამიტომ არა ბიუჯეტის, არამედ საკუთარი ფული დახარჯა. რაც არის იმის აღიარება, რომ მას გაცნობიერებული ჰქონდა, მისი ვიზიტების არაკონსტიტუციური ბუნება. ასევე, კონკრეტული განცხადებები მინდა გავიხსენო - რამდენიმე დღის წინ ქალბატონმა სალომე ზურაბიშვილმა ლიეტუვის საზოგადოებრივ მაუწყებელს მისცა ინტერვიუ, სადაც გააკეთა განცხადებები: ოფიციალურად არ ვარ უფლებამოსილი, ეს ვიზიტი განეხორციელებინა, მაგრამ ვმოქმედებ რწმენით და მიმაჩნია, რომ ეს უნდა გამეკეთებინა. ამაზე მეტი აღიარება არ ვიცი. სამი სხვადასხვა ფორმით პირდაპირ აქვს აღიარებული, რომ ის არაკონსტიტუციურ ვიზიტებს ახორციელებდა და შეგნებული და გაცნობიერებული ჰქონდა. ეს კაზუსი ერთუცნობიანი განტოლების სირთულისაა. უმარტივესად ამოხსნადი. გარდა ამისა, სახეზე გვაქვს ქალბატონი სალომე ზურაბიშვილის აღიარებაც, რომ შეგნებულად არღვევდა საქართველოს კონსტიტუციას“, - განაცხადა ირაკლი კობახიძემ.
მსოფლიოს ყველაზე დიდ ჰაკერული დაჯგუფება “ანონიმუსი” თბილისში მიმდინარე მოვლენებს ეხმაურება. ისინი იმუქრებიან რომ გაავრცელებენ მთავრობის წევრების პირად მიმოწერებს და სხვა მასალებს რომ...
"ხარებას ზონდერ ჯგუფები მიზანმიმართულად მისწორდებოდნენ რამდენიმე წუთის განმავლობაში. ისინი მეუბნებოდნენ, მეთქვა, რომ მე "დამნაშავე და ცუდი ადამიანი ვარ" და ამ შემთხვევაში არ მცემდნენ, მაგრამ, ცხადია, ...
"30 წელზე მეტია რაც ეს ქვეყანა და მისი საზოგადოება ერთი მიზნის ირგვლივაა გაერთიანებული, ევროპული პერსპექტივა, როგორც ერთადერთი ჩვენი დამოუკიდებლობის, სუვერენობის, იდენტობის, მრავალფეროვნების, ტოლერანტ...
სალომე ზურაბიშვილმა სანდრო გურგენაძისა და ოთო ბაზერაშვილის მიერ შესრულებული „ჩაკრულო“-ს ვიდეო გააზიარა წარწერით: ამ ქვეყანას ვერავინ დააქცევს, ვერავინ გახლეჩს, ვერავინ დაიმონებს...
"როგორც იქნა დამთავრდა დღევანდელი დღე... მართლა მეგონა,რომ რეალობის აღქმის საკითხში ცოტა "უკეთ" ვიყავით... ჯერ თურმე ძალიან შორს ვართ... ჯერ კიდევ ბევრი ბ რ ძ ო ლ ა ა საჭირო... არასოდეს იქნება ჩემი სა...
ევროპულ სახალხო პარტიამ (EPP) ევროპარლამენტში დაარეგისტრირა რეზოლუცია, რომლის მიხედვითაც, თუ საქართველო მიიღებს “უცხო ქვეყნის აგენტების” კანონს, ევროკავშირში გაწევრიანების...
გამოვიდა ბიძინა, დასავლეთი გამოაცხადა ქვეყნის მტრად და ხალხს დაპირდა მეტ რეპრესიებს.“ქართული ოცნება” ისე თვალსა და ხელს შუა გაქრება, როგორც ავტობუსებით ჩამოყვანილი ხალხი გაქრა რუსთაველზე ...
მაისი 2024 | ||||||||||||||||||||||||||||||||||||||||||||
| ||||||||||||||||||||||||||||||||||||||||||||
|
კომენტარები