28 თებერვალს, AWS კომუნა თიბისის მხარდაჭერით უკვე ...
თიბისის მხარდაჭერით, 28 თებერვალს ტექნოლოგიური ღონისძიება - AWS კომუნის შეკრება გაიმართება. AWS მომხმარებელთა ჯგუფი ქართველი და უცხოელი ინჟინრებისგან, ასევე, დეველოპერებისგან შემდგარი კომუნაა,...
თიბისი IT აკადემია სტუდენტების ახალი ნაკადის მიღებას იწყებს
თიბისი IT აკადემიაში Devops-ის, data engineering-ისა და NET-ის კურსებზე სტუდენტების რეგისტრაცია დაიწყო. თითოეულ კურსზე ჟიური 30-მდე სტუდენტს შეარჩევს, რომლებიც სწავლას ოქტომბერში, აკადემიაში სრულიად უსასყიდლოდ შეძლებენ.
5 თვის განმავლობაში, ინფორმაციული ტექნოლოგიებით დაინტერესებული ახალგაზრდები ახალი პროფესიის შესწავლას ან ამ მიმართულებით ცოდნის გაღრმავებას შეძლებენ.
კურსს სფეროს პროფესიონალი მენტორები გაუძღვებიან. თიბისის IT Development-ის გუნდის ლიდერები ინტენსიური თეორიული და პრაქტიკული სწავლების მეთოდით, სტუდენტებს შესაძლებლობას მისცემენ, რეალურ პროექტებზე იმუშაონ და გაიღრმავონ ცოდნა.
კურსზე მოსახვედრად დაინტერესებულმა პირებმა ტესტირების და გასაუბრების ეტაპები უნდა გაიარონ, რის შემდეგაც მოხდება აპლიკანტების შერჩევა.
თიბისი IT აკადემიის შესახებ დეტალური ინფორმაციის მიღება, ასევე კურსებზე რეგისტრაცია შესაძლებელია ბმულზე: https://bit.ly/3AMMupd .
საგანმანათლებლო პლატფორმა, ინფორმაციული ტექნოლოგიების აკადემია თიბისიმ 2019 წელს კორპორაციული სოციალური პასუხისმგებლობის ფარგლებში დააფუძნა. აკადემიის მიზანი ახალი თაობის განათლების ხელშეწყობა და მათთვის ისეთი ცოდნის გაზიარებაა, რაც პროფესიონალებად ჩამოყალიბებისა და მაღალანაზღაურებად პოზიციებზე დასაქმების შესაძლებლობას მისცემს.
2019 წლიდან დღემდე თიბისი IT აკადემიაში უკვე 250-მდე ახალგაზრდამ გაიარა სხვადასხვა კურსი. 100-ზე მეტი სტუდენტი თიბისი ჯგუფში დასაქმდა.
კომენტარები