1 5 : 4 1
 | 

სოც. მედია

მე, ნიკა გვარამიას, ნამდვილად არ მსურს იმ სექტანტების და კარიერისტების ხელისუფლებაში მოსვლა, ვისაც რ2 მხოლოდ ბიძინა ივანიშვილის წინააღმდეგ სურთ

"რუსთავი 2"-ის გენერალური დირექტორი ნიკა გვარამია სოციალურ ქსელში ვრცელ სტატუსს აქვეყნებს, რომელსაც უცვლელად გთავაზობთ: 

რაც შეეხება მიხეილ სააკაშვილს:

ის არის ამ ქვეყნის ყველაზე დიდი და ყველა დროის ყველაზე წარმატებული პოლიტიკოსი (ზვიად გამსახურდია მაინც უფრო ეროვნული მოღვაწე იყო, როგორც ილია, და ქვეყნისთვისთვის თავისუფლების მომტანი).

ამავდროულად, დღესაც, ის არის ყველაზე თანამედროვე პოლიტიკოსი და პოლიტიკური იდეების მთავარი (თუ ერთადერთი არა) გენერატორი.

შეუძლებელია, ის არ დაბრუნდეს საქართველოში და სრულფასოვნად არ ჩაერთოს ქვეყნის პოლიტიკურ ცხოვრებაში.

ის არ არის ბელადი, რაც არ უნდა ეცადნონ მისგან ამის ძერწვას გინდა ივანიშვილი, გინდა ჩემი მეგობარი ქვეყნის პატრიოტებიც კი, რომელბსაც ის სწორედ ამ ბელადობის გამო არ მოწონთ.

ის არ არის ბელადი, მაგრამ მისგან ბელადს აკეთებს ორი ძალა: მისი მტერი ბიძინა ივანიშვილი და მისი მოყვარე მიშისტ-სექტანტები, რომლებიც მას, როგორც ჰიპერთანამედროვე დასავლელ ლიდერს კი არ მიყვებიან, არამედ, როგორც სექტის ხელმძღვანელს ან, მისი ხელისუფლებაში მოსვლის შემთხვევაში, დასაქმების და თანამდებობის დაკავების მოსურნეები.

ხოდა, მეგობრებო, მე, ნიკა გვარამიას, ნამდვილად არ მსურს იმ სექტანტების და კარიერისტების ხელისუფლებაში მოსვლა, ვისაც რ2 მხოლოდ ბიძინა ივანიშვილის წინააღმდეგ სურთ, ხოლო საკუთარი თავისთვის რეალტივიზე ოცნებობენ. ვისაც კრიტიკა ივანიშვილის დასამარცხებლად აღაფრთოვანებს, ხოლო საკუთარი თავისთვის რ2 ტელე ნაძეჟდად წარმოუდგენიათ, რომელიც მხოლოდ დითირამბებს უმღერებს და ზუგდიდის მოსახლეობის გამოკითხვაშიც კი, მათზე ნეგატიური მოსაზრების მოსმენაზე, ისტერიკა ემართებათ.

მე, ნიკა გვარამია, არ ვგულშემატკივრობ ამგვარ ხალხს, მე არ ვარ მათი თანამოაზრე და არც მათი სიტუაციური მოკავშირეობა მსურს. მე არ მჯერა, რომ მათ დემოკრატიის, დამოუკიდებელი სასამართლოს, სამართლიანი არჩევნების და თავისუფლი მედიის მოტანა უნდათ ან შეუძლიათ. მე კი სწორედ ამგვარი ქვეყნისთვის ვიბრძვი. ღრმად მწამს, მიხეილ სააკაშვილიც.

მე, ნიკა გვარამია, არასდროს შევუწყობ ხელს მათ ხელისუფლებაში მოსვლას. რეალტივიელი სექტანტების და მლიქვნელი ყველაფერზე თავისმქნეველი კარიერისტების ადგილი თანამედროვე საქართველოს ხელისუფლებაში არ არის. ეს რეგრესული ხალხი ვერ მოიტანს პროგრესს. მათთან არასდროს არ მივა არც ერთი ახალი და საინტერესო პროფესიონალი. ეს კარიერისტები და ბრმადმორწმუნეები ვერასდროს ვერ გაამარჯვებინებენ იგივე მიხეილ სააკაშვილს და მუდმივად ამყოფებენ მას საკუთარი ბრმა მსახურების მძევლობაში.

ეს ჩემი მყარი პოზიციაა. მე მჯერა ქვეყნის უკეთესი მომავალის, მე ვიბრძოლებ ქვეყნის უკეთესი მომავლისთვის, მე ყველაფერს ვიზამ, რომ თანამედროვე საქართველოს შემქმნელმა სააკაშვილმა დამსახურებული ადგილი დაიკავოს საქართველოს პოლიტიკურ ცხოვრებაში საქართველოს ტერიტორიაზე.

მე ვიბრძოლებ ფენომენალური პოლიტიკოსი სააკაშვილისთვის და არა ბელადი მიშასთვის. იმიტომ რომ, მათ შორის, მისთვის ბრძოლაზე გადის თანამედროვე, დასავლური, დემოკრატიული და წარმატებული საქართველოსთვის ბრძოლის ხაზი.

კომენტარები

მსგავსი სიახლეები

  • 14:04

    ნოდარ მელაძე- პრესამსახურებს დაავალეს არ უპასუხონ ...

    "მთავარი არხის" საინფორმაციო სამსახურის ხელმძღვანელის, ნოდარ მელაძის  განცხადებით ხელისუფლების წარმომადგენლებმა პრესამსახურებს დაავალეს, არ უპასუხონ ტელეფონზე "მთავარი არხის" ...

  • 23:45

    ელისო ჩაფიძის ტყუპები - ,,პირველად წარმოგიდგენთ და...

    ყოფილი დეპუტატი, ელისო ჩაფიძე შვილების ფოტოებს აქვეყნებს. ის დედა 45 წლის ასაკში გახდა. ელისო ჩაფიძე და დათო მიქაბერიძე ტყუპი გოგონების მშობლები რამდენიმე თვის წინ გახდნენ. "ყველას გილოცავთ მთავა...

  • 23:30

    თქვენ ახლა იმ საჭმელს ხედავთ, რომელსაც სიმწრით ვყრ...

    ფეისბუქ გვერდი  #არა მონობას ერთ-ერთი რესტორნის მომსახურე პერსონალის განცხადებას აქვეყნებს, რომელსაც უცვლელად გთავაზობთ:თქვენ ახლა იმ საჭმელს ხედავთ ნაგავში გადაყრილს რომელსაც სიმწრით ვყრი ნ...

  • 15:43

    ნიკა გრიგოლიას გოგონა შეეძინა...

    ნიკა გრიგოლიას და მარიამ ფაღავას გოგონა შეეძინათ. ამის შესახებ ფოტოს და ინფორმაციას "მთავარი არხი" აქვეყნებს."მთავარი არხის პირველი შვილი - ნიკა გრიგოლიას გოგონა შეეძინა 🎉Nika Grigolia ...

  • 17:43

    „ისწავლეთ ბევრი ენა და მოხიეთ უკეთეს ქვეყნებში“ - ...

    ფოტოხელოვანი მარი ნაკანი-მამასახლისი "ფეისბუქზე" ემოციურ პოსტს აქვეყნებს. „მაპატიეთ, მიუხედავად იმისა, რომ საქართველო ძალიან მიყვარს. მიუხედავად იმისა რომ უკვე 16 წელია ერთგულად ვემსახურები ჩემს ...

  • 22:57

    ,,ეს პრეზიდენტი რომ გავაკავოთ და ყველანაირი აქტიურ...

    ჟურნალისტი ინგა გრიგოლია სალომე ზურაბიშვილის გადაწყვეტილებას ეხმაურება:"ეს პრეზიდენტი რომ გავაკავოთ და ყველანაირი აქტიურობა ავუკრძალოთ, არ შეიძლება?  პოლიციელის მკვლელის შეწყალება არ იკმარა და გო...

  • 14:44

    არჩილ თალაკვაძე -დღეს მე და ქეთიმ შვილები სკოლაში ...

    დღეს სკოლის პირველი დღეა. სოციალურ ქსელშიც ყველაზე მეტი პოსტი ამ თემაზე შეგხვდებათ. გამონაკლისი არც პარლამენტის თავმჯდომარე ყოფილა.  არჩილ თალაკვაძემ თავის მეუღლესთან ერთად შვილები სკოლაში მიიყვა...