,,ვარ ქიმიოთერაპიის პროცესში, დარწმუნებული ვარ ამ ...
პარლამენტის ოპოზიციონერი დეპუტატი, ხათუნა სამნიძე მძიმე სენს ებრძვის. ის ახლა ქიმიოთერაპიის კურსს გადის, რაზეც ტელეკომპანია “ფორმულაზე” თავად ისაუბრა. "ქალ დეპუტატებთან ერთად ამ მძიმე ბრძო...
შორენა თეთრუაშვილს სავარაუდოდ კორონავირუსი დაუდასტურდა
პატრიარქის მდივან-რეფერენტს, შორენა თეთრუაშვილს სავარაუდოდ კორონავირუსი დაუდასტურდა. გავრცელებული ინფორმაციით, პატრიარქის მდივან-რეფერენტი ილია მეორეს დაბადების დღეზეც იმყოფებოდა. თუმცა ფაქტს არ ადასტურებს ილია მეორის პირადი ექიმი ცისანა შარტავა.
შარტავა ამბობს, რომ პატრიარქის მდივან-რეფერენტი ინფიცირებულთან კონტაქტის გამო იზოლაციაში იმყოფება და მას ლაბორატორიული კვლევა არ ჩაუტარებია.
„ქალბატონ შორენას მეუფე ანტონთან ჰქონდა შეხება 3 რიცხვში. 4-ში დაუდასტურდა მეუფეს, რომელიც ახლა კლინიკაშია მოთავსებული. ეს რომ გავიგეთ, შორენა გადავიდა თვითიზოლაციაში თავისივე სურვილით და ექიმების რჩევით. ამჟამად იმყოფება თვითიზოლაციაში. ტესტირება ცოტა არ უყვარს, მაგრამ დავაძალებთ და ტესტირებაც გაკეთდება. ამის შემდეგ გვეცოდინება. ჯერჯერობით მას კორონავირუსი არ აქვს დადასტურებული, ვინაიდან თვითიზოლაციაში გადავიდა, ალბათ არასწორად გავრცელდა“, – განაცხადა ცისანა შარტავამ.
პატრიარქის პირადი ექიმის თქმით, შორენა თეთრუაშვილთან ერთად, იზოლაციაში იმყოფება მისივე თანამშრომელი, რომლის პასუხი „კოვიდ-19“-ზე ჯერჯერობით უარყოფითია. ცისანა შარტავას განმარტებით, ინფიცირებულ მღვდელთმთავარს პატრიარქთან შეხება არ ჰქონია.
„როგორც ვახერხებთ, ძალიან გამკაცრებული გვაქვს საპატრიარქოში ზომები. შორენაც სწორედ ამიტომ გადავიდა იზოლაციაში და დატოვა საპატრიარქოს რეზიდენცია“, – აღნიშნა ცისანა შარტავამ.
კომენტარები