1 0 : 0 9
 | 

საზოგადოება

როგორ დააგროვა ანზორ ქოქოლაძემ გაკოტრებული ბიზნესის წყალობით ქონება?

ანზორ ქოქოლაძე არის ადამიანი, რომლის სახელსაც არაკეთილსინდისიერი ქმედებებით ფული კეთება უკვე დიდი ხანია უკავშირდება.

ქოქოლაძემ „ელიტ ელექტრონიქსის“ პირველი ფილიალი 1996 წელს მშობლიურ ბათუმში, ბაზრობაზე გახსნა და თავიდან მხოლოდ აუდიო და ვიდეო კასეტების გაყიდვით შემოიფარგლებოდა.

ეს ერთი შეხედვით არც თუ ისე მომგებიანი საქმე ძალიან წარმატებული გამოდგა და მალე „ელიტ ელექტრონიქსი“ საქართველოს მასშტაბით ბრენდული ტექნიკის მაღაზიათა ქსელი გახდა, მისი ფინანსური მოგება კი უფრო და უფრო იზრდებოდა.

აღნიშნულ მაღაზიათა ქსელს მოჰყვა მეორე, არა ნაკლებ ცნობილი „ტექნო ბუმის“ ტექნიკის სუპერმარკეტების ქსელი, რომელიც ასევე დიდი ფინანსურ მოგებას იძლეოდა, თუმცა როგორ იკვალავდა ქოქოლაძე ბიზნესის გზას, ეს საზოგადოებისთვის ბურუსით არის მოცული.

ცნობილია ის ფაქტი, რომ ბიზნესმენი ადრე სასამართლომ სახელმწიფოს მიმართ დავალიანებისთვის დამნაშავედ სცნო.

ეს ბრალდება დღემდე ძალაში რჩება. სახელმწიფოს, ცვლილებების შემდეგაც არ გადაუხედავს ამ ბრალდებისათვის. 

"მან გარკვეული კომბინაციით ბანკებისგან  აიღო მილიონობით ლარი.

 

სქემა შემდეგში მდგომარეობდა - საკუთარ კომპანიას აკოტრებდა შეგნებულად, კრედიტორებს აცურებდა და სხვა კომპანიას ქმნიდა.

სწორედ ამ მიზნით გააკოტრა „ელიტ ელექტრონიქსი“ და შექმნა „ტექნო ბუმი“, სადაც წინა მაღაზიის პროდუქცია შეიტანა, ყოველივე ეს კი იმ კოდებით დადასტურდა, რომელიც შეტანილ პროდუქციას ახლდა თან.

თუმცა, ახლა ეს უკანასკნელიც გაკოტრების გზას ადგას, რადგან აპრობირებული სქემა მისთვის ფინანსური სარგებლის მომტანი აღმოჩნდა", - გვიყვება მისი ყოფილი პარტნიორი აჭარიდან.

აღსანიშნავია რომ თიბისი ბანკმა თავის დროზე დიდი რაოდენობის სესხი დაუმტკიცა ქოქოლაძეს.

თუმცა, „გაკოტრებული“ მაღაზიათა ქსელი ვეღარ იხდიდა ყოველთვიურად დაკისრებულ თანხას. 

ბანკი გარკვეული პერიოდის განმავლობაში შეღავათს უწევდა, თუმცა, თანხის გადაუხდელობის გამო, იძულებული გახდა გაეყიდა კომპანია იმაზე ბევრად იაფად, ვიდრე ქოქოლაძეს ჰქონდა თანხა წაღებული.

ამავე დროს, აჭარელი ბიზნესმენის თქმით, რომელიც მისი პარტნიორი იყო, გარდა ქვეყნის შიდა სქემებისა, ქოქოლაძეს საერთაშორისო პარტნიორებთანაც გაუფუჭდა სახელი. 

ყოველივე ეს კი ქართულ ბიზნესს ძალიან ცუდ იმიჯს უქმნის, რადგან საერთაშორისო პარტნიორების თვალში ადგილობრივი ბიზნესმენების მიმართ ისედაც გაფუჭებული იმიჯი კიდევ უფრო მეტად ზარალდება.

თავად ბატონი ანზორი ყოველივეში წინა ხელისუფლებას, თიბისი ბანკსა და მის აქციონერებს ადანაშაულებს. 

ის აცხადებს რომ მას "ელიტ ელექტრონიქსი" წაართვეს, თუმცა, ივანიშვილის უკიდურესად პოლიტიზერებული პროკურატურაც კი არ იზიარებს მის ბრალდებას.

კომენტარები

მსგავსი სიახლეები

  • 23:28

    21 სექტემბრის ასტროლოგიური პროგნოზი...

    ვერძი უკიდურესად არახელსაყრელი დღეა, რომელსაც სიცრუე, ილუზიები და აუსრულებელი ოცნებები ახლავს. მოსალოდნელია მოვლენათა არახელსაყრელი განვითარება, უსიამოვნო სიტუაციები და ურთიერთობაში პრობლემები. სავარა...

  • 11:36

    მამუკა ხაზარაძე პარტიული სიის პირველ 25 წევრს უახ...

    “ამომრჩეველმა უნდა იცოდეს, ვინ იქნებიან ის ადამიანები, რომლებსაც საკუთარი და ქვეყნის ბედს ანდობენ”- ამის  შესახებ “ლელოს” თავმჯდომარემ მამუკა ხაზარაძემ განაცხადა. მისი თქმ...

  • 21:12

    ცესკომ 31 ოქტომბრის არჩევნებისთვის საარჩევნო სუბიე...

    ცენტრალურმა საარჩევნო კომისიამ (ცესკო) დღეს გამართულ სხდომაზე 31 ოქტომბრის საქართველოს პარლამენტის, მუნიციპალიტეტის მერების რიგგარეშე და საკრებულოების შუალედური არჩევნებისთვის საარჩევნო სუბიექტების რ...

  • 21:10

    56 - “ლელოს” პარტიული ნომერი მიენიჭა...

    “ლელო” 2020 წლის არჩევნებში  56 ნომრით მიიღებს მონაწილეობას.  კენჭისყრა დღეს ცესკოში ჩატარდა. პროცესში 47 პარტია იღებდა მონაწილეობას. პარტიებს, რომელებიც არჩევნებში პირველად მონა...

  • 10:43

    “ნაციონალური მოძრაობის” აქტივისტს ლაშა ცუცქრიძის ს...

    “ნაციონალური მოძრაობის” აქტივისტს ლაშა ცუცქრიძის საკუთარ სახლთან ორი ნიღბიანი პირი დაესხა თავს. “შტაბში დავასრულეთ მუშაობა, “ნაციონალური მოძრაობის” საბურთალოს შტაბს ვგული...

  • 10:27

    უმძიმესი ავარია: მგზავრებით სავსე "მარშრუტკა" ქარ...

    ხაშური-გორის მონაკვეთზე სამგზავრო მიკროავტობუსი გზის სავალი ნაწილიდან გადავიდა და ამობრუნდა. შემთხვევის შედეგად ერთი ადამიანი დაიღუპა, 10-მდე მგზავრმა კი სხეულის სხვადასხვა სიმძიმის დაზიანება მიი...

  • 18:41

    დღეს „ლელოს“ ვაკის ოფისის ბლოკირება რადიკალი დაჯგუ...

    მათი მთავარი მოთხოვნა “ლელოს“ არჩევნებიდან მოხსნა იყო.  რადიკალი ულტრამემარჯვენე დაჯგუფების აქციას, "ლელოს" ოფისთან შეკრებილი ახალგაზრდები, "ლელოს" მხარდამჭერები და პოლიტიკური ლიდერებ...