1 3 : 1 0
 | 

საზოგადოება

ნოდარ მელაძე - მაქვს მიღებული წლიური ბონუსი ნიკა გვარამიასგან, ეს არის დირექტორის გადასაწყვეტი..

ნოდარ მელაძე "რუსთავი 2-ის" გენერალური დირექტორის გადაწყვეტილებას ეხმაურება. სალიას გადაწყვეტილებით, ის სამსახურიდან გაათავისუფლეს.

მელაძის თქმით, გათავისუფლების შესახებ პაატა სალიამ მას ბრიფინგის დაწყებამდე რამდენიმე წუთით ადრე აცნობა. 

„დღეს პაატა სალიამ დამიძახა და მითხრა, ბრიფინგამდე რამდენიმე წუთით ადრე, რომ მე ვარ გათავისუფლებული სამსახურიდან და ეს არის ქიბარ ხალვაშის გადაწყვეტილება. ეს არ იყო, რა თქმა უნდა, დღეს მიღებული გადაწყვეტილება, უბრალოდ ისინი ეძებდნენ საბაბს და ძალიან ინტენსიურად, რომ მიეღოთ ჩემი სამსახურიდან გათავისუფლების გადაწყვეტილება, თუმცა, ძალიან გაუჭირდათ ამ საბაბის მოძებნა," - განაცხადა მელაძემ.

მელაძის განცხადებით, ქიბარ ხალვაშის სახელზე ტელევიზიის გადაფორმებიდან ორ კვირაში მას ივანიშვილთან დაახლოებული პირის ნდობით აღჭურვილი წარმომადგენელი შეხვდა და თანამშრომლობა შეთავაზა, რაზეც მან უარი უთხრა.

"ორი კვირის წინ ქიბარ ხალვაშის სახელზე ტელევიზიის გადაფორმებიდან ზუსტად ორ კვირაში, ჩემთან ჰქონდათ შეხვედრა და ამის შესახებ "კურიერის" ნიუსრუმში ჟურნალისტების აბსოლუტურმა უმრავლესობამ იცის, ჩემთან ჰქონდათ შეხვედრა ბიძინა ივანიშვილთან დაახლოებული პირის ნდობით აღჭურვილ წარმომადგენელს, რომელიც იყო პირდაპირ კავშირზე, მისი პოზიცია იყო, რომ არ უნდათ "რუსთავი 2-ისგან" "იმედის" გაკეთება და კრიტიკის რაღაც დოზა "კურიერში" დარჩება. მე თანამდებობაზე არ შემეხებოდნენ და გააგრძელებდი მუშაობას "რუსთავი 2-ის" საინფორმაციო სამსახურის ხელმძღვანელად, უბრალოდ, უნდა მიმეცა მათთვის საკომუნიკაციო არხი, იქნებოდა ადამიანი, ეს არ იქნებოდა არც ლაშა ნაცვლიშვილი და არც კოკა ყანდიაშვილი, რომელიც დღეს მართავს სახელისუფლებო მედიას, იქნებოდა კონკრეტული ადამიანი, რომელსაც ექნებოდა ჩემთან კომუნიკაცია გარკვეულ საკითხებთან დაკავშირებით და კონკრეტული თემატიკა ამ ადამიანთან კონსულტაციის და ამ ადამიანის გადაწყვეტილებების მიხედვით უნდა დამეგეგმა. "რუსთავი 2-ის" საინფორმაციო სამსახურის ხელმძღვანელი გეგმავს აბსოლუტურად ყველა გამოშვებას და შესაბამისად, მას მიუწვდება ხელი ყველა გამოშვებაზე და ყველა რეპორტაჟზე. აქედან გამომდინარე, მათთვის ძალიან მარტივი გამოსავალი ექნებოდათ მათ, თუ მე დავთანხმებოდი ამ წინადადებას, დაარქმევდნენ ოფიციალურად, რომ მე ვარ ისევ საინფორმაციო სამსახურის ხელმძღვანელი, მაშასადამე არ შეიცვლებოდა სარედაქციო პოლიტიკა, თუმცა, ჩამოიწეოდა „ტემპერატურა და კრიტიკულობის ხარისხი“. მათ ასევე მითხრეს, რომ ბიძინა ივანიშვილის ინტერესში შედიოდა გარკვეული ჩინოვნიკების მიერ თანხების დატაცებასთან და შესაძლო კორუფციულ გარიგებებთან დაკავშირებით რეპორტაჟების მომზადება, იმიტომ, რომ ის თავად ებრძვის ქურდებს ბიუჯეტის, თუმცა, იყო რაღაც თემები, რომელსაც ჩვენ არ უნდა გავკარებოდით. მე ამ წინადადებაზე მათ ვუთხარი, რა თქმა უნდა, არა“, - განაცხადა ნოდარ მელაძემ.

ნოდარ მელაძის თქმით, ის "რუსთავი 2-ში" თავდაუზოგავად მუშაობდა, რაზეც არსებული რეიტინგები მეტყველებს.

„ერთი თვე და ორი დღე მოვახერხეთ, პირადად მე მოვახერხე, რომ შემენარჩუნებინა კურიერი ისევ ისეთი, როგორიც იყო. ორი წელი და რამდენიმე თვე ვიმუშავე რუსთავი 2-ის საინფორმაციო სამსახურის ხელმძღვანელად და არასრული 6 წელი რუსთავი 2-ში და ეს არის ჩემთვის ყველაზე საამაყო პერიოდი ჩემს სატელევიზიო კარიერაში. მაშინ, როდესაც ვხელმძღვანელობდი კურიერს, ბოლო ორი წლის და რამდენიმე თვის განმავლობაში მთელი ჩემი ენერგია, დრო, ჩავდე იმაში, რომ კურიერი ყოფილიყო ისეთი, როგორიც არის, ნომერ პირველი საინფორმაციო გამოშვება საქართველოში. სწორედ ჩემი ხელმძღვანელობის პერიოდში იყო კურიერის ისტორიის პიკური რეიტინგები, რაც ადასტურებს, რომ ჩვენ ვქნიდით პროდუქტს, რომელიც საზოგადოების მოწონებას და ნდობას იმსახურებდა“, - განაცხადა ნოდარ მელაძემ.

კომენტარები

მსგავსი სიახლეები

  • 12:09

    გამოკითხული მოსახლეობის 49% მიიჩნევს, რომ ქვეყანა ...

    ბოლო 10 წლის განმავლობაში პირველად, გამოკითხული მოსახლეობის უმრავლესობა მიიჩნევს, რომ საქართველო არასწორი მიმართულებით ვითარდება.  "ეროვნულ-დემოკრატიული ინსტიტუტის " (NDI) საზოგადოებრივი აზრის გა...

  • 11:08

    6 ოქრო, 1 ვერცხლი და 2 ბრინჯაო - ძიუდოისტთა ახალგა...

    საქართველოს ძიუდოისტთა ახალგაზრდული ნაკრები ფინეთის ქალაქ ვანტააში გამართული ევროპის ჩემპიონატიდან ისტორიული შედეგით დაბრუნდა.ახალგაზრდა ძიუდოისტებმა ინდივიდუალურ შეჯიბრში 9 მედლის მოპოვება შეძლეს - 6...

  • 11:00

    SOLO-ს და Erti Gallery-ს თანამშრომლობით კოკა რამი...

    ERTI Gallery-ს და SOLO-ს თანამშრომლობა გრძელდება. 15 სექტემბერს კოკა რამიშვილის პერსონალური გამოფენა „სინათლის მანქანები“ გაიხსნა. გამოფენაზე, რომელიც 23 ოქტომბრამდე გაგრძელდება, წარმოდგენილია არტის...

  • 22:54

    17 სექტემბერის ასტროლოგიური პროგნოზი...

    ვერძი - რუტინული საქმეები დილითვე მოაგვარეთ, რომ თავისუფალი დრო მხიარულად გაატაროთ. უფროსთან განიხილეთ ახალი იდეები.კურო - დილა ვარჯიშით დაიწყეთ, ენერგიით დაიმუხტეთ. უამრავი დეტალი და ნიუანსი მიი...

  • 22:48

    ცნობილი ხდება ბუნებრივი აირით დაღუპული დედა-შვილის...

    ზესტაფონში, ბუნებრივი აირით დაღუპული ქალი, მირანდა სხილაძეა. ახალგაზრდა ქალი ბინაში ერთი თვის წინ გადავიდა. მას ორი შვილი ჰყავდა. 4 წლის ლილე და 2 წლის დამიანე. გარდაცვლილი ქალი ზე...

  • 22:43

    ახალგაზრდა ქალი ორ მცირეწლოვან შვილთან ერთად სავარ...

    ზესტაფონში ახალგაზრდა ქალი ორ მცირეწლოვან შვილთან ერთად სავარაუდოდ, ბუნებრივი აირის ნამწვით გარდაიცვალა.მომხდარზე გამოძიება სსკ-ის 240-ე​ პრიმა მუხლით მიმდინარეობს, რაც ელექტრო ან თბოენერგიის, გაზის, ...

  • 17:39

    "მშვიდობით, ბოღმიანებო, იხოხეთ თქვენს გზაზე, მე ჩე...

    ჟურნალისტი თამარ ბაღაშვილი სოციალურ ქსელში წერს:“სინამდვილეში კრიზისი ზოგჯერ სასარგებლოც კია, იმიტომ, რომ ყველას და ყველაფერს თავის სახელს არქმევს, იმიტომ, რომ ყველა თავის ნამდვილ სახეს აჩვენებს) რა კ...