,,ვარ ქიმიოთერაპიის პროცესში, დარწმუნებული ვარ ამ ...
პარლამენტის ოპოზიციონერი დეპუტატი, ხათუნა სამნიძე მძიმე სენს ებრძვის. ის ახლა ქიმიოთერაპიის კურსს გადის, რაზეც ტელეკომპანია “ფორმულაზე” თავად ისაუბრა. "ქალ დეპუტატებთან ერთად ამ მძიმე ბრძო...
სესხის გაცემის ახალი რეგულაციების ამოქმედება პირველ იანვრამდე გადავადდა
საქართველოს ეროვნული ბანკის განცხადებით, „ფიზიკურ პირებზე სესხის გაცემის შესახებ“ ახალი რეგულაციები, რომელიც 15 ნოემბრიდან უნდა ამოქმედებულიყო, მთლიანი საფინანსო სექტორისთვის 2019 წლის 1-ელი იანვრიდან ამოქმედდება.
ახალი რეგულაციების მიხედვით, ოპოთეკურ სესხზე მაქსიმალურ ვადად წესდება 15 წელი, უძრავი ქონებით უზრუნველყოფილ სესხზე - 10 წელი, სატრანსპორტო სესხზე -6 წელი, ხოლო სხვა დანარჩენ სამომხმარებლო სესხებზე - 4 წელი.
ამასთან, ეროვნულმა ბანკმა საფინანსო სექტორთან კონსულტაციების შემდეგ სესხის გაცემის ახალი კოეფიციენტები დაადგინა. სებ-ის ახალი ნორმატიული დოკუმენტის მიხედვით, 1 000 ან უფრო ნაკლები ყოველთვიური შემოსავლის შემთხვევაში, ჰეჯირებული მსესხებლებისთვის სესხის მომსახურების მაქსიმალური კოეფიციენტი 35% უნდა იყოს. ეს იმას ნიშნავს, რომ თუ პირის ყოველთვიური შემოსავალია 1000 ლარი, მის მიერ სესხის დაფარვისას ყოველთვიური შენატანი არ უნდა აღემატებოდეს 350 ლარს.
სესხის მომსახურების მაქსიმალური კოეფიციენტი 1 000-დან 2 000 ლარამდე შემოსავალზე 45% უნდა იყოს; 2 000-დან 4 000 ლარამდე შემოსავლის შემთხვევაში - 55%; 4 000 და უფრო მაღალი შემოსავლის შემთხვევაში - 60%.
რაც შეეხება არაჰეჯირებულ მსესხებლებს, ამ შემთხვევაში სესხის მაქსიმალური კოეფიციენტი შედარებით დაბალია. ახალი დოკუმენტის მიხედვით, 1000 ლარის ან უფრო ნაკლები შემოსავლის შემთხვევაში სესხის მაქიმალური კოფიციენტი 25%-ით განისაზღვრა, 1 000-4 000 ლარის შემთხვევაში - 30%-ით, ხოლო 4 000 ლარის ან უფრო მეტის შემთხვევაში 35%-ით.
კომენტარები