გარემოს ეროვნული სააგენტო საქართველოს შავი ზღვის ა...
ბულგარეთის და საქართველოს შავი ზღვის აკვატორიებში წყლის ხარისხი ნორმის ფარგლებშია, - ამის შესახებ ინფორმაციას გარემოს ეროვნული სააგენტო ავრცელებს. „ბულგარეთში, ქ. ბურგასში, გაეროს სურსათისა...
ხვალ რომ საპრეზიდენტო არჩევნები იყოს, 12% „ქართული ოცნების“ კანდიდატს აირჩევდა, 10% "ნაციონალური მოძრაობის" კანდიდატს
NDI-ის კვლევის მიხედვით, გამოკითხულთა უმრავლესობამ არ იცის ვის მისცემდა ხმას საპრეზიდენტო არჩევნებზე. შეკითხვაზე, "ხვალ რომ საპრეზიდენტო არჩევნები ტარდებოდეს ვის მისცემდით ხმას," პროცენტული მაჩვენებელი ასე გადანაწილდა:
გამოკითხულთა უმრავლესობა, 32% აცხადებს, რომ ხვალ რომ საპრეზიდენტო არჩევნები იყოს, არ იცის რომელ კანდიდატს მისცემდა ხმას. გამოკითხულთა 15% აცხადებს, რომ ხმას არც ერთ კანდიდატს მისცემდა.
12% „ქართული ოცნების“ კანდიდატს აირჩევდა, 10% „ერთიანი ნაციონალური მოძრაობის“ კანდიდატს დაუჭერდა მხარს, 6% - გიორგი მარგველაშვილს, 6% - დავით ბაქრაძეს, 4% შალვა ნათელაშვილს, 7%- სხვა კანდიდატებს.
ხოლო, რაც შეეხება კითხვას, ხვალ რომ საპრეზიდენტო არჩევნები იყოს გადაწყვეტილი გაქვთ თუ არა ვის მისცემდით ხმას, გამოკითხულთა 74% ამბობს, რომ გადაწყვეტილი არ აქვს, 20% კი ამბობს, რომ გადაწყვეტილება მიღებული აქვს.
NDI-ის კვლევის საველე სამუშაოები 23 ივნისიდან 8 ივლისის პერიოდში ჩატარდა, 2 409 დასრულებული ინტერვიუს სახით.
კომენტარები