0 9 : 5 5
სარეკლამო ადგილი - 21
620 x 80
 | 

ბიზნესი

სამაგიდო თამაში Godsland - მოიგებს ის, ვინც შეიმუშავებს საუკეთესო სტრატეგიას

სიახლისკენ სწრაფვა, ენთუზიაზმი და თეორიის პრაქტიკაში განხორციელების ინტერესი არის ის, რამაც GGM გუნდის წევრებს - მიხეილ ჭოლოკავას, გურამ გელხაურს და გივი დოლიძეს - სამაგიდო თამაშების შექმნა და მათი საერთაშორისო ბაზარზე გატანა გადააწყვეტინა. სწორედ ამ ფაქტორებმა მიიქცია თიბისი ბიზნესის მხარდაჭერის პროგრამა სტარტაპერის ყურადღებაც, როდესაც ის კომპანია GGM Board Games-ის და მის მიერ შექმნილი პროდუქტის - Godsland-ის მხარდამჭერი და გულშემატკივარი გახდა.

Godsland  GGM Board Games ჯგუფის მთავარი სამაგიდო თამაშია, რომლითაც ქართველი და უცხოელი მომხმარებელი უკვე დაინტერესდა. სხვა სამაგიდო თამაშებისგან ის მთავარი იდეით - სტრატეგიული ხასიათით განსხვავდება. თუკი სხვა თამაშებში მოგება იღბალზე, ანუ კამათელზეა დამოკიდებული, Godsland-ის მოთამაშეები გამარჯვებისკენ სტრატეგიას, ფიქრს, ზუსტ გათვლებსა და გადაწყვეტილებებს მიჰყავს. მოიგებს ის, ვინც შეუმუშავებს საუკეთესო სტრატეგიას!

ეს კონცეფცია თამაშის შემქმნელებმა ბაზრის წინასწარი კვლევისა და მომხმარებლის გამოკითხვების საფუძველზე შეიმუშავეს. ბაზრის შესწავლის შემდეგ გადაწყდა, ასევე, თამაშის თემატიკაც - მითოლოგია.  ბერძნული, ეგვიპტური, ჩინური და სკანდინავიური მითოლოგიის პერსონაჟების გვერდით მომხმარებელი  ქართველ ამირანსაც ამოიცნობს. სწორედ მის მიერ სხვა ღმერთებისთვის მოპარული ცეცხლის დაბრუნებას ცდილობს თამაშის 4 მონაწილე, ანუ 4 სხვადასხვა მითოლოგიური გმირი.

7 თვინი ინტენსიური მუშაობის, სირთულეების გადალახვის, დატესტვის, დახვეწის შემდეგ, Godsland მზადაა გამოსაშვებად. თუმცა, როგორც ყველა დახვეწილ და დეტალებზე ორიენტირებულ პროექტს,  ამ თამაშის წარმოებასაც საკმაოდ დიდი ფინანსები სჭირდება. ამიტომ  გუნდის წევრებმა თამაში საერთაშორისო პლატფორმა Kickstarter-ზე განათავსეს (https://www.kickstarter.com/projects/ggmboardgames/godsland), რაც მას წარმოებისთვის საჭირო თანხის მოპოვებაში უნდა დაეხმაროს.

რა არის kickstarter-ი?

„ეს არის საერთაშორისო პლატფორმა https://www.kickstarter.com/, რომელზეც შეგიძლია განათავსო შენი პროდუქტის კარგად დამუშავებული, შეფუთული და დატესტილი იდეა, რომელსაც მომხმარებელი, მისი მოწონების შემთხვევაში, წინასწარ ყიდულობს.  ანუ ამ პლატფორმაზე ადამიანები ყიდულობენ ჯერ არ შექმნილ პროდუქტს, რომელსაც შენ მათ დეტალურად აცნობ. ასე აგროვებ ამ პროდუქტის წარმოებისთვის საჭირო თანხას, რომლის მიღების შემდეგაც იწყებ ამ იდეის პროდუქტად რეალიზებას და იმ მომხმარებლებისთვის გაგზავნას, რომლებმაც ეს პროდუქტი წინასწარ იყიდეს. ეს ძალიან კარგი შესაძლებლობაა დამწყები ბიზნესმენებისთვის და განსაკუთრებით, სტარტაპებისთვის“, -  ამბობს კომპანია GGM Board Games-ის ერთ-ერთი დამფუძნებელი, მიხეილ ჭოლოკავა.

Godsland-ი კიკსტარტერზე ოქტომბრის დასაწყისში განთავსდა და მას უკვე გამოუჩნდა მომხმარებელი, რომელმაც თამაში მოიწონა და იყიდა. მიხეილ ჭოლოკავას აზრით, მთავარი, რითაც Godsland-მა მომხმარებლის ყურადღება მიიქცია, მისი დაპყრობითი ხასიათი, სტრატეგიაზე გათვლა და მინიატურული ფიგურების სიმრავლეა. თამაშის ზოგად კონცეფციასთან ერთად, სწორედ ამ ფიგურების ხასიათი და დიზაინი განაპირობებს საბოლოოდ თამაშის წარმატებას, თუმცა სწორედ ფიგურების სიმრავლე და დახვეწილობაა ის სირთულეც, რის გამოც ასეთი ტიპის თამაშებიც პროდუქცია საკმაოდ ძვირი ჯდება.

კიკსტარტერზე Godsland-ის წარმოებისთვის განსაზღვრული თანხა 58 000$-ია, რაც ვადის ამოწურვამდე - ოქტომბრის ბოლომდე უნდა შეგროვდეს. შესაბამისად, ეს ეტაპი Godsland-ისთვის და მისი შემქმნელებისთვის გადამწყვეტია. გუნდი იმედს არ კარგავს, რომ მათი ხანგრძლივი შრომა და ენთუზიაზმი დაფასდება და მომხმარებელი თამაშის ფიგურებს რეალურად იხილავს. თუმცა, როგორც მიხეილ ჭოლოკავა ამბობს - „იმ შემთხვევაშიც კი, თუ პროექტი ამ ეტაპზე ვერ დაფინანსდება, ეს არ იქნება ტრაგედია, რადგან მთავარი მაინც სწორი დასკვნების გაკეთება და საკუთარ შეცდომებზე სწავლაა, რაც შემდგომი წარმატებების საფუძველი უნდა გახდეს."

კომენტარები

მსგავსი სიახლეები

  • 14:50

    „აჭარაბეთის’’ საპატიო ელჩი ლაშა შავდათუაშვილი აბუ...

    „აჭარაბეთის“ საპატიო ელჩი ლაშა შავდათუაშვილი დამოუკიდებელი საქართველოს ისტორიაში პირველი ძიუდოისტი გახდა, რომელიც ოლიმპიადის, ევროპისა და მსოფლიოს ჩემპიონია.   არაბეთის გაერთიანებულ ...

  • 16:05

    საქართველოს ეროვნული საკალათბურთო ნაკრები 26 ნოემბ...

    საქართველოს ეროვნული საკალათბურთო ნაკრები 2023 წლის მსოფლიო ჩემპიონატის საკვალიფიკაციო ეტაპზე მონაწილეობს.  ჩვენი ქვეყნის მეტოქეები  G ჯგუფში უკრაინა, ჩრდილოეთ მაკედონია და&nb...

  • 14:44

    თიბისელები ინოვაციური იდეებით - გაიცანით სტარტაპ დ...

    დღეს ციფრული სერვისების, აპლიკაციებისა და ტექნოლოგიების გარეშე ცხოვრება თითქმის წარმოუდგენელია. თანამედროვე ადამიანები ცხოვრებისეული რუტინის გამარტივებაზე მუდმივად ფიქრობენ, თუმცა ნებისმიერ კარგ იდეა...

  • 14:17

    საქართველოს ბანკი საქართველოს კალათბურთის ეროვნული...

    საქართველოს ბანკი საქართველოს კალათბურთის ეროვნული ფედერაციის მთავარი პარტნიორი გახდა. მხარეებს შორის 4 წლიან ხელშეკრულებას ხელი დღეს მოეწერა. საქართველოს ბანკი თანამშრომლობის ფარგლებში, 2025 წლის ჩათ...

  • 10:53

    Black Friday-ის შეთავაზებები „თეგეტა მოტორსში“ ...

    26-30 ნოემბერს თეგეტა მოტორსი Black Friday კვირეულის ფარგლებში ავტომომხმარებელს სერვისსა და პროდუქტებზე 30%-მდე ფასდაკლებას სთავაზობს. ეს საუკეთესო დროა რომ ავტომობილი გამართო და ზამთრისათვის მოამზად...

  • 18:37

    Toyota bZ4X-ის მსოფლიო პრემიერა...

      ტოიოტა მომხმარებელს ახალი სერიის პირველ მოდელს - ნულს მიღმა (bZ) აკუმულატორიან ელექტრო ავტომობილს (BEV) - bZ4X-ს წარუდგენს.   bZ4X არის პირველი მოდელი, რომელიც ტოიოტამ სრულად ელექტრო ავტომ...

  • 18:09

    რაგბი, როგორც ცხოვრების წესი - 14 წლის ბიჭის ოვალუ...

      ზუგდიდში და-ძმასთან დედასთან, მამასთან და ბაბუასთან ერთად ცხოვრობს. უყვარს სპორტი და  გატაცებით ისმენდა ხოლმე ისტორიებს რაგბის კლუბ "სოხუმის“ შესახებ, რომელსაც ნათესავი ხშირად უყვებო...