1 3 : 5 1
 | 

ბიზნესი

თიბისი ბანკმა შავი ზღვის ვაჭრობისა და განვითარების ბანკისგან 120 მლნ ლარის ოდენობის ფინანსური რესურსი მოიზიდა

თიბისი ბანკმა და შავი ზღვის ვაჭრობისა და განვითარების ბანკმა (BSTDB ) ხელი მოაწერეს 120 მლნ ლარის ოდენობის სასესხო ხელშეკრულებას. მოზიდული ფინანსური რესურსი მთლიანად მოხმარდება თიბისი ბანკის მიერ მცირე და საშუალო ბიზნესის დაფინანსებას.

ადგილობრივი ვალუტის რესურსი - 120 მლნ ლარი შავი ზღვის ვაჭრობისა და განვითარების ბანკმა ლარში დენომინირებული ობლიგაციების საჯარო განთავსების შედეგად მოიზიდა. საჯარო ობლიგაციის განთავსების მენეჯერი თიბისი კაპიტალი, თიბისი ბანკის შვილობილი საბროკერო კომპანია იყო. აღსანიშნავია, რომ ობლიგაციები განთავსებულია საქართველოს საფონდო ბირჟაზე, რაც კორპორაციული ობლიგაციების ყველაზე მასშტაბური საჯარო განთავსებაა საქართველოში, მათ შორის 2018 წლის განმავლობაში.

BSTDB-მა 2015 წლის შემდეგ მცირე და საშუალო ბიზნესის დასაფინანსებლად თიბისი ბანკისთვის ფინანსური რესურსი ადგილობრივ ვალუტაში უვკე მეორედ გასცა, რომლის ჯამურმა მოცულობამ 70 მლნ აშშ დოლარის ექვივალენტი შეადგინა ლარში.

„აღნიშნული ტრანზაქცია კიდევ ერთხელ ადასტურებს ორ ინსტიტუციას შორის ნაყოფიერ თანამშრომლობას და ვიმედოვნებთ, რომ ეს თანამშრომლობა კიდევ დიდხანს გაგრძელდება. 2003 წელს დაწყებული პარტნიორობის ფარგლებში, თიბისი ჯგუფზე ჯამურად 162 მლნ აშშ დოლარი გაიცა. დაფინანსების ადგილობრივ ვალუტაში მიღება ძალიან მნიშვნელოვანია მთლიანად ფინანსური სექტორისათვის, რადგან ეს რესურსი კლიენტებისთვის სესხების ადგილობრივ ვალუტაში გაცემის შესაძლებლობას გვაძლევს და კიდევ უფრო გააძლიერებს თიბისის პოზიციებს მცირე და საშუალო ბიზნესების დაფინანსების მიმართულებით. ამასთანავე, ობლიგაციების გამოშვება ხელს შეუწყობს კაპიტალის ადგილობრივი ბაზრის განვითარებას“, - აღნიშნა თიბისი ბანკის გენერალურმა დირექტორმა, ვახტანგ ბუცხრიკიძემ.

„მოხარული ვართ, რომ ვაგრძელებთ წარმატებულ თანამშრომლობას ჩვენს გრძელვადიან პარტნიორთან, თიბისი ბანკთან. აღნიშნული ფინანსური რესურსი მცირე და საშუალო ბიზნესების დაფინანსებას კიდევ უფრო ხელმისაწვდომს გახდის“, - განაცხადა შავი ზღვის ვაჭრობისა და განვითარების ბანკის პრეზიდენტმა, იჰსან უგურ დელიკანლმა.

შავი ზღვის ვაჭრობისა და განვითარების ბანკი საერთაშორისო ფინანსური ინსტიტუტია, რომელიც აზერბაიჯანის, ალბანეთის, ბულგარეთის, თურქეთის, მოლდავეთის, რუმინეთის, რუსეთის, საბერძნეთის, საქართველოს, სომხეთისა და უკრაინის თანამშრომლობით დაარსდა. BSTDB-ს მიზანია მის წევრ ქვეყნებში ეკონომიკური განვითარებისა და რეგიონული თანამშრომლობის მხარდაჭერა სესხების, საკრედიტო ხაზების, ინვესტიციებისა და გარანტიების გაცემის საშუალებით. ბანკის საწესდებო კაპიტალია 3.45 მილიარდი ევრო.

კომენტარები

მსგავსი სიახლეები

  • 17:26

    დააზღვიე და დასაჩუქრდი - თიბისი დაზღვევა ავტოდაზღვ...

    16 ივლისიდან თიბისი დაზღვევა ავტომობილის დაზღვევის საზაფხულო აქციას იწყებს. მომხმარებელს შეუძლია ისარგებლოს დაზღვევის საუკეთესო პირობებით თიბისი დაზღვევაში და მიიღოს 50 და 100 ლიტრი საწვავი ვისოლის პ...

  • 21:21

    სფეისი ავტორიტეტული საერთაშორისო ფინანსური გამოცემ...

    ორი თვის წინ ქართულ ყოველდღიურ საბანკო ბაზარზე პირველი სრულად ციფრული ბანკი, სფეისი გამოჩნდა - ბანკი ფილიალებისა და სხვა ფიზიკური სივრცეების გარეშე, რომელიც მხოლოდ მობილურ ტელეფონში არსებობს აპლიკაც...

  • 18:43

    „ბორჯომი“ - აქტიური ზაფხულის გემო...

    ზაფხული გრძელი დღეების, თბილი ღამეების, ახალი აღმოჩენებისა და გულწრფელი ემოციების პერიოდია. ზაფხულში  უფლება გვაქვს უკან მოვიტოვოთ ყველა საზრუნავი, თავით გადავეშვათ აქტიური დასვენების სამყაროში დ...

  • 16:30

    ონლაინ სესხები 1000 ლარამდე - შე...

    დღეს ფინანსური პრობლემის მოსაგვარებლად ძალიან ბევრი მარტივი გზა არსებობს. შეგიძლიათ ონლაინ სესხები 1000 ლარამდე მიიღოთ და ზაფხულის ცხელ დღეებში კომფორტული დასვენება მოიწყოთ. თანხას იღებთ დღეს და აბ...

  • 16:11

    m2-ის მხარდაჭერით ეროვნულ ბიბლიოთეკაში ვაჟა-ფშაველ...

    13 ივლისი, 2018 წელი - საქართველოს ეროვნულ ბიბლიოთეკაში ვაჟა-ფშაველას სამკითხველო და ახალი სარეგისტრაციო სივრცე გაიხსნა. მათი შექმნა კომპანიამ „m2 უძრავი ქონება“ დააფინანსა. სამკითხველოში წარმოდგენილი...

  • 12:29

    თიბისი ბანკი 2018 წლის საუკეთესო ბანკად დასახელდა ...

    ავტორიტეტულმა ფინანსურმა ჟურნალმა, EuroMoney თიბისი ბანკი 2018 წლის საუკეთესო ბანკად დაასახელა საქართველოში. ჯილდო თიბისი ბანკმა ბაზარზე წამყვანი პოზიციისთვის, უმაღლესი სტანდარტებისა და გამორჩეული ფინ...

  • 11:00

    HUAWEI P20 Lite - დახვეწილი დიზაინის ახალი კოლექ...

    მობილური ტელეფონების ტოპ მწარმოებლები აგრძელებენ პირველობისთვის ბრძოლას და მომხმარებელს ახალ უნიკალურ სმარტფონებს სთავაზობენ, რომლებიც სხვადასხვა ფუნქციურ თუ დიზაინურ მაჩვენებლებთან ერთად, კიდევ უფრო ...