0 7 : 0 2
 | 

ბიზნესი

ღია წერილი თბილისის მერს, კახა კალაძეს

ბატონო კახა, შევეცდები ნათლად აღვწერო ის ყველაფერი, რაც განხორციელდა უახლოეს წარსულში „სი-ტი პარკთან“ მიმართებაში. ასევე სურვილი მაქვს ეს გასაგები იყოს წერილის ყველა მკითხველისთვისაც.

თქვენი გადაწყვეტილების შესაბამისად, თბილისისთვის პირველი კვირაა „სი-ტი პარკის“ გარეშე. პარკირების მართვა ქალაქის სატრანსპორტო კომპანიას დაეკისრა, რომელიც ოპერირებას გააგრძელებს იმავე წესებით, როლითაც აქამდე ხელმძღვანელობდა „სი-ტი პარკ“-ი.

მინდა პირადად მოგილოცოთ, რადგან ეს არის თქვენი პირველი დიდი გამარჯვება ქალაქის მერის თანამდებობის დაკავების შემდეგ. თქვენი წინასაარჩევნო კამპანია, სხვა კანდიდატებისგან განსხვავებით, ნამდვილად, გამორჩეული იყო, თქვენ არ აცხადებდით, რომ გამარჯვების შემთხვევაში „სი-ტი პარკს“ დაუფიქრებლად გააძევებდით ქვეყნიდან, უფრო მეტიც, ამბობდით, საჭიროა საკითხის ღრმად, სამართლებრივად შესწავლა და გადაწყვეტილების შესაბამისად მიღება.

დღევანდელი გადმოსახედიდან ჩანს, რომ ესეც წინასაარჩევნო ფანდი ყოფილა. კომპანია „სი-ტი პარკთან“ მიმართებით ყველა მიმდინარე საკითხი აცდენილი იყო სამართლებრივ საფუძველს და არცერთი ჩვენი შემოთავაზება არ განხილულა თქვენი და თქვენი ჯგუფის მიერ. თქვენი პოლიტიკური გუნდის წევრები მუდმივად ბრალს სდებდნენ „სი-ტი პარკს“ მოქალაქეების უფლებების დარღვევაში, საბოლოოდ კი, კონტრაქტი სრულიად სხვა მიზეზების გამო გაუწყვიტეთ: პარკირების არასრული დახაზვა და ნიშნების უზუსტობა/არქონა, ესეც ცრუ დასაბუთებით.

ბატონო კახა, ჩვენ ვიმედოვნებით, რომ წინამორბედი მერის, დავით ნარმანიას სამწუხარო პრაქტიკას არ გაიზიარებდით და თქვენ მაინც დაიწყებდით კომპანიასთან ღია კომუნიკაციას და თანამშრომლობას.
მესმის, ჩვენი კომპანია არავის უყვარს, და ხშირად გვბრალდებოდა ისეთი საკითხები, რაც ჩვენი მოვალეობა არასოდეს ყოფილა; შესაბამისად, ნამდვილად მომგებიანია „სი-ტი პარკის“ თბილისიდან „გაგდებით“ მიღებული გმირის წოდება, თუმცა, თქვენ თანამედროვე პოლიტიკოსი ხართ, რომელიც უნდა აფასებდეს მართვის თანამედროვე სტანდარტებს, მათ შორის, პარკინგის მართვის სტანდარტსაც. აღნიშნული შეთავაზება „სი-ტი პარკმა“ 2007 წელს წარადგინა. მას შემდგომ ეს შეთავაზება რამდენჯერმე შეიცვალა სხვადასხვა პოლიტიკური გადაწყვეტილებების საფუძველზე, რომლებსაც იღებდნენ თბილისის მთავრობის წარმომადგენლები.

მიუხედავად თბილისის მთავრობის მიერ მიღებული გადაწყვეტილებისა, რომლის მიხედვითაც ჩვენთან გაუქმდა კონტრაქტი, ხოლო თქვენ დაარღვიეთ როგორც სახელშეკრულებო ვალდებულება, ისე მოქმედი კანონმდებლობა, ჩვენ მაინც ვიტოვებთ სამართლიანი სასამართლოს იმედს. ეს ჩვენს კომპანიას მისცემს საშუალებას დაამტკიცოს სიმართლე ადგილობრივ დონეზე. თუ საქართველო სასამართლო სისტემაში ამის შესაძლებლობა არ მოგვეცა, საქმეს გავიტანთ საერთაშორისო არბიტრაჟზე, სადაც „სი-ტი პარკი“ დაამტკიცებს , რომ კონტრაქტის შეწყვეტა იყო პოლიტიკური გადაწყვეტილება, რადგან კომპანია საკუთარ მოვალეობებს კეთილსინდისიერად ასრულებდა.

და ბოლოს, მინდა გისურვოთ წარმატება ისეთ მნიშვნელოვან საკითხზე მუშაობაში, რაც თბილისის პარკინგია. იმედი მაქვს, რომ „სი-ტი პარკ”-ისგან განსხვავებით, მომავალი პარკინგის ოპერატორი სრულ მხარდაჭერას მიიღებს თბილისის მთავრობისგან. თავად ის ფაქტი, რომ თქვენ მონაწილეობა მიიღეთ თბილისის სატრანსპორტო კომპანიის პარკინგის გუნდის წარდგენაში, რომელიც ოპერირებს იმავე წესებით და ნაწილობრივ იმავე თანამშრომლებით, რითიც „სი-ტი პარკ“-ი, საუკეთესოდ ასახავს კონტრაქტის გაწყვეტას, როგორც პოლიტიკურ გადაწყვეტილებას. ამჟამინდელი მთავრობისთვის რეალური პრობლემა მხოლოდ და მხოლოდ სახელი - „სი-ტი პარკ”-ია.

პატივისცემით,
„სიტი პარკის“ გენერალური მენეჯერი, ბინიამინ ლაჰავ

კომენტარები

მსგავსი სიახლეები

  • 21:21

    სფეისი ავტორიტეტული საერთაშორისო ფინანსური გამოცემ...

    ორი თვის წინ ქართულ ყოველდღიურ საბანკო ბაზარზე პირველი სრულად ციფრული ბანკი, სფეისი გამოჩნდა - ბანკი ფილიალებისა და სხვა ფიზიკური სივრცეების გარეშე, რომელიც მხოლოდ მობილურ ტელეფონში არსებობს აპლიკაც...

  • 18:43

    „ბორჯომი“ - აქტიური ზაფხულის გემო...

    ზაფხული გრძელი დღეების, თბილი ღამეების, ახალი აღმოჩენებისა და გულწრფელი ემოციების პერიოდია. ზაფხულში  უფლება გვაქვს უკან მოვიტოვოთ ყველა საზრუნავი, თავით გადავეშვათ აქტიური დასვენების სამყაროში დ...

  • 16:30

    ონლაინ სესხები 1000 ლარამდე - შე...

    დღეს ფინანსური პრობლემის მოსაგვარებლად ძალიან ბევრი მარტივი გზა არსებობს. შეგიძლიათ ონლაინ სესხები 1000 ლარამდე მიიღოთ და ზაფხულის ცხელ დღეებში კომფორტული დასვენება მოიწყოთ. თანხას იღებთ დღეს და აბ...

  • 16:11

    m2-ის მხარდაჭერით ეროვნულ ბიბლიოთეკაში ვაჟა-ფშაველ...

    13 ივლისი, 2018 წელი - საქართველოს ეროვნულ ბიბლიოთეკაში ვაჟა-ფშაველას სამკითხველო და ახალი სარეგისტრაციო სივრცე გაიხსნა. მათი შექმნა კომპანიამ „m2 უძრავი ქონება“ დააფინანსა. სამკითხველოში წარმოდგენილი...

  • 12:29

    თიბისი ბანკი 2018 წლის საუკეთესო ბანკად დასახელდა ...

    ავტორიტეტულმა ფინანსურმა ჟურნალმა, EuroMoney თიბისი ბანკი 2018 წლის საუკეთესო ბანკად დაასახელა საქართველოში. ჯილდო თიბისი ბანკმა ბაზარზე წამყვანი პოზიციისთვის, უმაღლესი სტანდარტებისა და გამორჩეული ფინ...

  • 11:00

    HUAWEI P20 Lite - დახვეწილი დიზაინის ახალი კოლექ...

    მობილური ტელეფონების ტოპ მწარმოებლები აგრძელებენ პირველობისთვის ბრძოლას და მომხმარებელს ახალ უნიკალურ სმარტფონებს სთავაზობენ, რომლებიც სხვადასხვა ფუნქციურ თუ დიზაინურ მაჩვენებლებთან ერთად, კიდევ უფრო ...

  • 10:54

    მომსახურების ახალი ცენტრი და განსაკუთრებული საგარ...

    HUAWEI-მ სავაჭრო ცენტრ „ქარვასლაში“ მომსახურების ახალი ცენტრი გახსნა, რომელიც მოხმარებლებს  მთელი საქართველოს მასშტაბით, საფოსტო მომსახურებას სთავაზობს. გასათვალისწინებელია, რომ  საფოსტო მომ...