2 3 : 5 4
 | 

ბიზნესი

CIMG-ის დამფუძნებელი, გიორგი კაპანაძე: მალე, ონლაინ მედია საქართველოში თავის გადამწყვეტ სიტყვას იტყვის

  კავკასიის ინტერნეტ მედია ჯფუფი (CIMG) უკვე მრავალი წელია არსებობს და საქართველოში ერთერთ ყველაზე მაღალრეიტინგულ ინტერნეტ მედია რესურსებს აერთიანებს. 

მათ შორისაა საზოგადოებრივ პოლიტიკური პორტალი presa.ge, ინტერნეტ ტელევიზია itv.ge, ინტერნეტ ჟურნალი droni.ge, sportline.ge, fashionline.ge, people.ge, radio.ge, internet.ge და მრავალი სხვა. 

მედია ჰოლდინგ კავკასიის ინტერნეტ მედია ჯგუფის მფლობელი და დამფუძნებელია გიორგი კაპანაძე. მან ჩვენს ჰოლდინგში შემავალ ერთ–ერთი საიტთან,   "presa.ge"- თან  კომპანიის გეგმებზე ესაუბრა. 


- გიორგი, შეიძლება ითქვას რომ თქვენ ერთერთი პირველი იყავით, რომელმაც ინტერნეტ მედია საშუალებები ჯერ კიდევ მაშინ დააფუძნეთ, როდესაც ინტერნეტი არც თუ ისე პოპულარული იყო საქართველოში. 

- დიახ, „კავკასუს ონლაინის“ პარალელურად, ჩვენც მოგვიწია იმ პროცესებში მონაწილეობის მიღება, რასაც ინტერნეტ მედიის პოპულარიზაცია ჰქვია. ჩვენი კომპანიის ძირითადი მისიაც სწორედ ესაა - ხელი შევუწყოთ ინტერნეტ მედიის განვითარებას. 

მათ შორის, ამიტომაც ვქმნით ინტერნეტ მედია-რესურსებს სხვადასხვა მიმართულებით, იქნება ეს პოლიტიკა, ეკონომიკა, სპორტი, მოდა, გართობა და ა.შ. 

კავკასიის ინტერნეტ მედია ჯგუფის პორტალები უკვე მართლაც დიდი ხანია წარმატებით ინარჩუნებენ პოპულარობას, რეიტინგსა და გავლენას მედია-პროცესებზე, რაც უპირველეს ყოვლისა, მაგარი, გამოცდილი და პროფესიონალი გუნდის დამსახურებაა.

- არსებობს ჩვენს ქვეყანაში სათანადო პირობები ინტერნეტ მედიის განვითარებისათვის ან რამდენად კარგად ესმით ინტერნეტ მედიის მნიშვნელობა ბიზნეს-კომპანიებს? 

- როდესაც ძალიან ცნობილი პიროვნებები დიდ საქმეებს იწყებდნენ, შესაძლოა, სულაც არ არსებობდა წარმატებისათვის ნოყიერი ნიადაგი. ამიტომ, ასეთი პირობები და გარემო, თავად უნდა შევქმნათ. 

ასე იყო, მაგალითად, მამუკა ხაზარაძის შემთხვევაში, როდესაც ბნელ, კრიმინალურ და კორუმპირებულ საქართველოში 500 დოლარით დაიწყო საბანკო ბიზნესი და დღეს ფაქტობრივად, ბიზნეს-იმპერია ააშენა. 

ასევე მოხდა პაატა კურტანიძის შემთხვევაშიც. შესაძლოა, მის ირგვლივ ბევრს არც სჯეროდა, მაგრამ რაც მთავარია, მას სჯეროდა საკუთარი წარმატების და მიაღწია კიდევაც. სააფთიაქო ბიზნესში ავერსსა და პე-ეს-პეს მაშკევიჩის მილიარდებმაც კი ვერ გაუწია კონკურენცია. 

ასეა ცეზარ ჩოჩელის შემთხვევაშიც. მან სულ რამდენიმე ადამიანის დასაქმებით დაიწყო, დღეს კი ათასებს ასაქმებს და მნიშვნელოვანი წვლილი შეაქვს ქვეყნის ბიუჯეტის შევსებასა და მცხეთა-მთიანეთის რეგიონის განვითარებაში. 

იყო დრო, როდესაც ადამიანები, რომლებიც ნიუ იორკის ქუჩებში ათევდნენ ღამეს, დონალდ ტრამპზე მთელი 2 მილიარდით მდიდრები იყვნენ, რადგან მას, სწორედ ამდენი ვალი ჰქონდა. 

თუმცა, მან, შეუპოვრობით, რწმენითა და ცოდნით შეძლო როგორც აღებული ვალდებულებების მთლიანად შესრულება, ისე მსოფლიო ბიზნეს თუ პოლიტიკურ ისტორიაში შესვლაც.


მოკლედ, წარმატების მაგალითები ბევრია როგორც საქართველოში, ისე სხვა ქვეყნებში და ჩვენ სწორედ მათი გამოცდილებით უნდა ვისწავლოთ.

რაც შეეხება იმას, ესმით თუ არა, მსხვილ ბიზნეს-კომპანიებში ინტერნეტ მედიის მნიშვნელობა, ცხადია, მეტ-ნაკლებად ესმით. თუმცა, ჩემი აზრით, გაცილებით დიდი როლი უნდა მიანიჭონ ონლაინ მედიას.

რატომ? იმიტომ რომ ყველაზე მეტი მომხმარებელი სწორედ ონლაინ მედიას ჰყავს. ის  სწრაფად განვითარებადი, თანამედროვე და ყველასათვის ხელმისაწვდომია მათ შორის საქართველოშიც, რაც IღI-ის ბოლო კვლევამაც დაადასტურა. 

- კავკასიის ინტერნეტ მედია ჯგუფი ქართულ ინტერნეტ მედია სივრცეში ერთერთი მთავარი კომპანიაა. რა იგეგმება 2018-ში?
- იგეგმება ბევრი საინტერესო სიახლე. კომპანიის კიდევ უფრო მეტად განვითარება, ახალი მედია პროექტების განხორციელება, სარეკლამო სერვისების დახვეწა... 

ასევე ვგეგმავთ მცირე და საშუალო ბიზნესის ხელშეწყობას. ინტერნეტ ტელევიზია itv.ge-ის უფრო გააქტიურებასა და ბევრ სხვა საინტერესო სიახლეს. 

- სარეკლამო სერვისები ახსენეთ, როგორია მათი წილი ინტერნეტში? 


- მზარდი, მაგრამ ჯერ კიდევ არასაკმარისი. „ინტერნეტ ქეისში“ კარგი ისაა რომ მას ახლა გაცილებით დიდ მნიშვნელობას ანიჭებენ ბიზნესსა თუ მთავრობაში, ვიდრე რამდენიმე წლის წინ. 

დარწმუნებული ვარ რომ სარეკლამო ბაზრის წილი ინტერნეტ სივრცეში კიდევ უფრო გაიზრდება, რადგან ბიზნესი, უბრალოდ, იძულებული გახდება ფეხი აუწყოს დროსა და ტექნოლოგიებს, მიუხედავად იმისა, ბოლომდე ესმით თუ არა, ონლაინ მედიის მნიშვნელობა.

2017 წელს, პირველად ისტორიაში, მსოფლიო სარეკლამო ბაზრის დიდი ნაწილი სწორედ ინტერნეტმა, ონლაინ მედია აითვისა.  

შესაბამისად, მალე, ონლაინ მედია საქართველოში თავის გადამწყვეტ სიტყვას იტყვის... 

მალე, ვიღაც აუცილებლად გადადგამს დიდ ნაბიჯს ქართულ ონლაინ მედია ბიზნესში და გვსურს რომ ჩვენ ამის თანამონაწილეები ვიყოთ. 

მსგავსი სიახლეები

  • 16:48

    კომპანია GWS ბაროკოს სტილში გრანდიოზულ ღონისძიება...

    23 ივნისს, 18:00 საათზე ცნობილი ღვინისა და ალკოჰოლური სასმელების მწარმოებელი კომპანია GWS თელავში, აჩინებულში მდებარე ერთ-ერთ უძველესი ღვინის ქარხნის ეზოში ბაროკოს სტილში გრანდიოზულ ღონისძიებას სახელწ...

  • 16:44

    თიბისი ბანკმა შავი ზღვის ვაჭრობისა და განვითარები...

    თიბისი ბანკმა და შავი ზღვის ვაჭრობისა და განვითარების ბანკმა (BSTDB ) ხელი მოაწერეს 120 მლნ ლარის ოდენობის სასესხო ხელშეკრულებას. მოზიდული ფინანსური რესურსი მთლიანად მოხმარდება თიბისი ბანკის მიერ მც...

  • 11:53

    საქართველოს ბანკის ფინანსური მხარდაჭერით „მეღვინეო...

    22 ივნისი, 2018- საქართველოს ბანკის, საქართველოს წამყვანი ბანკის ფინანსური მხარდაჭერით „მეღვინეობა ვაზიანი“ მსხვილ საინვესტიციო აგრო პროექტს განახორციელებს.  კომპანიამ საქართველოს ბანკის მეშვეობი...

  • 11:46

    10 სარგებელი ლუდის მოყვარულთათვის...

    წარმოგიდგენთ 10 მიზეზს თუ რატომ არის ლუდი ზომიერად მოხმარების შემთხვევაში სასარგებლო თქვენი ჯანმრთელობისთვის. გთხოვთ გაითვალისწინოთ, რომ  ეს სტატია არ არის სმისკენ მოწოდება, განსაკუთრებით იმ შემთ...

  • 12:05

    „აქსისპალასი საირმეზე“ 15% ფასდაკლებით მხოლოდ 31 ი...

    კომპანია აქსისი მომხმარებელს ერთიანი გადახდის შემთხვევაში უნიკალურ ფასდაკლებას სთავაზობს. ბინები „აქსისპალასი საირმეზე“ 15% ფასდაკლებით მხოლოდ 31 ივლისამდე გაიყიდება.საირმის ქუჩა N51-ში მდებარე „აქსიპ...

  • 10:52

    ნატახტარის ლიმონათი - გემო ნებისმიერი მომენტისთვის...

    „ჩვენ გვჯერა, რომ დასვენებისთვის, გართობისთვის და სილაღისთვის არ არის საჭირო განსაკუთრებული მიზეზი. ამ განწყობით შეიქმნა „ნატახტარის ლიმონათის“ ახალი რგოლი, ჩვენი ლიმონათი ხომ ნებისმიერ მომენტს უხდება...

  • 18:27

    კალაძემ „აქსისს“ წითელი ბაღის რეაბილიტაციაში მონაწ...

    დეველოპერული კომპანია აქსისი ყაზბეგის გამზირზე მდებარე ვასო გოძიაშვილის სახელობის პარკის (წითელი ბაღი) სარეაბილიტაციო სამუშაოებში თავის წვლილს შეიტანს. ამის თაობაზე დედაქალაქის მთავრობის სხდომაზე კახა...