1 6 : 4 9
სარეკლამო ადგილი - 21
620 x 80
 | 

მსოფლიო

თბილისში ინფიცირების დადასტურებული შემთხვევებიდან 60%, რეგიონებში კი 30% „ომიკრონია“ - ამირან გამყრელიძე

„ომიკრონის“ დღევანდელი ცირკულაციის პროცენტი ყველა დადებით შემთხვევაში არის, დაახლოებით, 45%-ის ფარგლებში - 30% არის რეგიონებში და 60% არის თბილისში, რაც მთავარია, ის არის საკმაოდ სწრაფად მზარდი,- ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ საკოორდინაციო საბჭოს სხდომის დასრულების შემდეგ განაცხადა.

მისივე ინფორმაციით, „ლუგარში“ „ომიკრონის“ ლაბორატორიულად დადასტურებული 951 შემთხვევაა, საიდანაც 621 შემთხვევა უკვე შესწავლილია. შესწავლილი შემთხვევების მიხედვით, „ომიკრონის“ გავრცელების საშუალო ასაკი არის 32-33 წელი.

„ეპიდსიტუაცია მეექვსე ტალღის აღმავალ ნიშნულზეა ანუ თანდათან ძლიერდება ახალი შტამის ცირკულაცია ქვეყანაში. გუშინ ვიანგარიშეთ საეჭვო შემთხვევებიდან, რამდენი დასტურდება „ომიკრონზე“ და იმის მიხედვით ჩამოვყალიბდით, რომ დღევანდელი ცირკულაციის პროცენტი ყველა დადებით შემთხვევაში „ომიკრონის“ არის, დაახლოებით, 45%-ის ფარგლებში - 30% არის რეგიონებში და 60% არის თბილისში, რაც მთავარია, ის არის მზარდი და საკმაოდ სწრაფად მზარდი, ამიტომ უნდა ველოდოთ, რომ შემთხვევების რაოდენობა გაიზრდება. ამასთან ერთად, რასაც ჩვენი პირველადი ანალიზი გვიჩვენებს, „ომიკრონის“ 951 შემთხვევაა ჩვენთან ლაბორატორიულად „ლუგარში“ დადასტურებული და აქედან დეტალურად შესწავლილია 621 ადამიანი, ვისაც ტელეფონით დაუკავშირდნენ ან შეხვდნენ, შესაბამისად ღრმა ეპიდკვლევა ჩაატარეს და ვიცით ამ 621 ადამიანის შესახებ მონაცემები. საშუალო ასაკი მათი არის 32-33 ანუ ძირითადად ახალგაზრდები არიან, აქედან 71 გახლდათ 18 წელზე ნაკლების, აქედან 5 წლამდე ასაკის იყო -13 და მათ შორის 6 თვემდე 3 ბავშვი. შემთხვევათა 83% არის საქართველოს მოქალაქე დანარჩენები არიან უცხოელები, მაგრამ საქართველოს მოქალაქეებს შორისაც არის საკმაოდ ბევრი შემოტანილი შემთხვევა, განსაკუთრებით არაბეთის გაერთიანებული ემირატებიდან. 11 შემთხვევაში გახდა საჭირო ჰოსპიტალიზაცია და აქედან უპირატესად თანმხლები დაავადებებით, მათგან 7 უკვე გაეწერა და 4 რჩება ჯერჯერობით ჰოსპიტლებში, არც ერთს არ დასჭირვებია ინტენსიური თერაპია და რეანიმაცია. ძირითადად, ეს შემთხვევები მიდის „დელტასთან“ შედარებით მსუბუქად, მაგრამ, რა თქმა უნდა, ამან არ უნდა გაგვათამამოს,“- განაცხადა გამყრელიძემ.

როგორც გამყრელიძემ აღნიშნა, „ჰელსმეტრიქსის“ პროგნოზით, თებერვლის პირველ დეკადაში საქართველოში იქნება პიკი, როდესაც ახალი შემთხვევების მაჩვენებელი შესაძლოა 15000-მდე ავიდეს.

„ჰელსმეტრიქსის“ მონაცემებით, რომელსაც ჩვენ ვეყრდნობით, ჩვენ შეიძლება პიკში შევიდეთ თებერვლის პირველ დეკადაში და შეიძლება იყოს დღიურად 60 ათასამდე შემთხვევა, რომლიდანაც ლაბორატორიულად გამოვლინდება, დაახლოებით, 20-30%, ანუ შეიძლება გვქონდეს დღიურად 10000-12000, 15 000-მდე შემთხვევის დატვირთვა.

რატომ არის ეს შემთხვევების რაოდენობა, სამი ძირითადი მიზეზია - ერთი, „ომიკრონის“ აქტიური ცირკულაცია ქვეყანაში, მეორე- საახალწლო დღეებში ძალიან გვიყვარს ყველას ერთად ყოფნა და მესამე - ის დიდი მობილობა, რაც განსაკუთრებით ზამთრის კურორტებთან არის დაკავშირებული და ზოგადად მობილობა საახალწლო დღეებში. ამან ხელი შეუწყო იმას, რომ დღეს გვაქვს 5400 შემთხვევა,“- განაცხადა გამყრელიძემ.

კომენტარები

მსგავსი სიახლეები

  • 11:06

    რუსებმა ხერსონი დაბომბეს - დაზიანდა მინიმუმ 15 სა...

    რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს.­ ხერსონის რეგიონული სამხედრ...

  • 14:56

    ,,არ იქნება დენი, საკვები, საწვავი" - ისრაელი ღაზი...

    ისრაელის თავდაცვის მინისტრის, იოავ გალანტის განცხადებით, ღაზის სექტორის სრული ბლოკადის განკარგულება გასცა. „ღაზის სექტორის სრული ბლოკადის განკარგულება გავეცი. არ იქნება ელექტროენერგია, საკვები, ...

  • 13:15

    რამზან კადიროვმა 24 წლის ქალიშვილი ჩეჩნეთის ვიცე-პ...

    ჩეჩნეთის ლიდერის, რამზან კადიროვის 24 წლის ქალიშვილი აიშატ კადიროვა ჩეჩნეთის რესპუბლიკის ვიცე-პრემიერი გახდა. ინიციატივა ჩეჩნეთის პარლამენტის თავმჯდომარეს ეკუთვნის, რომელმაც წინადადება გაფართოებუ...

  • 22:28

    27 წლის ქართველი გოგო გერმანიაში ჯგუფურად გააუპატი...

    გერმანიაში ქართველი ქალის ჯგუფური გაუპატიურების საქმე სასამართლოში გადაიგზავნა - გერმანელმა პროკურორებმა შემზარავი დანაშაულის ახალი გარემოებები დაადგინეს. 27 წლის ქართველი გოგო ჯგუფურად მეუღლის თვალწი...

  • 17:57

    ევროკავშირმა რუსეთის წინააღმდეგ დაწესებული სანქციე...

    ევროკავშირის განცხადებით, რუსეთის ფედერაციის წინააღმდეგ დაწესებული სანქციები კიდევ 6 თვით გახანგრძლივდა. განცხადებაში აღნიშნულია, რომ სანქციების მოქმედების გაგრძელების შესახებ გადაწყვეტილება უკრაინის ...

  • 13:41

    ვოლოდიმირ ზელენსკი - არის სიგნალი, რომ, შესაძლოა, ...

    არის სიგნალი, რომ, შესაძლოა, რუსეთში კიდევ ერთი ამბოხება, რევოლუცია მოხდეს, - ამის შესახებ უკრაინის პრეზიდენტმა, ვოლოდიმირ ზელენსკიმ ABC News-თან ინტერვიუში განაცხადა. მისი თქმით, ბევრი ადამიანია...

  • 12:17

    თეთრი სახლი - არ გვინახავს ნიშანი, ხმამაღალი რიტორ...

    შეერთებულ შტატებს არ მიაჩნია, რომ რუსული ძალების მიერ ზაპოროჟიეს ატომური ელექტროსადგურის აფეთქების საფრთხე „გარდაუვალია“, - ამის შესახებ თეთრი სახლის სტრატეგიული კომუნიკაციების კოორდი...