რუსებმა ხერსონი დაბომბეს - დაზიანდა მინიმუმ 15 სა...
რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს. ხერსონის რეგიონული სამხედრ...
პარლამენტში სულ რომ მარტო შევიდეთ, მარტო შევალთ - ალეკო ელისაშვილი
სულ რომ მარტო შევიდეთ პარლამენტში, შევალთ მარტო, – ამის შესახებ პარტია „მოქალაქეების“ ლიდერმა, ალეკო ელისაშვილმა ტელეკომპანია „პალიტრანიუსის“ ეთერში, გადაცემის წამყვანის კითხვის საპასუხოდ განაცხადა.
კითხვაზე ივანიშვილის პოლიტიკიდან წასვლამ დააახლოვა თუ არა ის პარლამენტში შესვლის საკითხთან, ელისაშვილმა უპასუხა: „თუ მართლა წავიდა, კი“.
„უფრო უნდა გამოფხიზლდეს ოპოზიცია. გაუთავებელი მეხუთე რაუნდის მოლოდინში კი არ უნდა იყოს, არამედ უნდა იყოს იქ, სადაც ხალხმა აგვირჩია, ოღონდ გარკვეული პოლიტიკური ფასის გადახდის შემდეგ. ველოდებით მოლაპარაკების მეხუთე რაუნდს. მეხუთე რაუნდი თუ არ გაიმართება, ჩვენ მოვიფიქრებთ, როგორ ვიმოქმედოთ. თუ „ქართული ოცნება“ გადაიხდის იმ პოლიტიკურ ფასს, რაც ჩვენ ვფიქრობთ, ქვეყნისთვის არის საშვილიშვილო ამბავი -პოლიტპატიმრების გამოშვება, ცესკო-ს ფუნდამენტური ცვლილება და საარჩევნო რეფორმა – თუ ამ პირობების შესრულების შემდეგ ოპოზიცია პარლამენტში არ შევა, „ქართული ოცნება“ ცვლილებებს მიიღებს, დაარქმევს მას ელექტრონული არჩევნების სისტემას, მაგრამ იქნება გამოშიგნული შინაარსის ცვლილებები. ჩვენ არავის აღარ ველოდებით, სულ რომ მარტო შევიდეთ, შევალთ მარტო, რადგან დაგვემხო ქვეყანა თავზე, აღარ არის ახლა გაბუტვის და ზურგით დგომის დრო. გამოვგლიჯოთ რაც გამოსაგლეჯია. რისთვის ვიბრძოდით მიტინგებში, რისთვის ვიბრძოდით ცესკო-სთან“, – განაცხადა ელისაშვილმა.
კომენტარები