0 6 : 2 7
სარეკლამო ადგილი - 21
620 x 80
 | 

მსოფლიო

სანამ სპორტი გაჩერებული იყო აჭარაბეთმა კვლევა ჩაატარა იმის გასარკვევად თუ “რამდენად შეიცვალა ჩვენი ცხოვრება კარანტინში’’?

გამოკითხვაში მონაწილეობა 500-მდე ადამიანმა მიიღო. მონაწილეთა უმრავლესობა (38%) 18-25 წლის გახლდათ, ხოლო 66% კი მდედრობითი სქესის წარმომადგენელი.

გამოკითხულთა 66% მუშაობს, 11% თვითდასაქმებულია, 10% უმუშევარი, 8% კი უნივერსიტეტში სწავლობს.

კარანტინის დროს შეიჭერი შენით თმა?

კარანტინის დროს სილამაზის სალონების დახურვა მოსახლეობისთვის ერთ-ერთი ყველაზე დიდი პრობლემა აღმოჩნდა. ახალი "საშინაო" ვარცხნილობები კი უამრავმა სპორტსმენმა და სხვა პოპულარულმა ადამიანმა შემოგვთავაზა.

გამოკითხული კაცების 49%-მა კარანტინის დროს თმები თავად შეიჭრა, ქალბატონებში კი ეს რიცხვი მხოლოდ 20%ია. 

დღე-ღამეში რამდენი საათი გძინავს?

ჯანსაღი ძილი თვითიზოლაციაში მყოფი ადამიანების ჯანმრთელობისთვის უმნიშვნელოვანესი ფაქტორია, სამეცნიერო კვლევების მიხედვით კი ოპტიმალური ძილის რეჟიმის დროს ადამიანს დღე-ღამეში 8 საათი უნდა ეძინოს.

გამოკითხულთა უმრავლესობას კარანტინამდე (52%) სწორედ 7-8 საათი ეძინა, კარანტინის დროს კი ძილის ხანგრძლივობა ძალიან გაიზარდა.

10 საათზე მეტი კარანტინამდე მხოლოდ 1%-ს ეძინა, კარანტინის დროს კი ასეთი ადამიანების რაოდენობა 10%-მდე გაიზარდა. 

იმზადებ თუ არა საჭმელს შენით?

კარანტინამდე გამოკითხულთა 66% საჭმელს კვირაში 2-ჯერ ან ნაკლებჯერ იმზადებდა, კარანტინის დროს კი ასეთი ადამიანების რაოდენობა 44%-მდე დაეცა.

ხოლო პირიქით, იმ ადამიანების რაოდენობა, ვინც საჭმელს კვირაში 5-ზე მეტჯერ იმზადებს, 18%-დან 28%-მდე გაიზარდა. 

კარანტინის პერიოდში როგორ შეიცვალა შენი წონა?

ალბათ, როცა კომენდანტის საათი გამოცხადდა და ყველანი მივხვდით, რომ კორონას გამო მომდევნო თვეებში ძალიან ბევრი თავისუფალი დრო გვექნებოდა, უმრავლესობამ დავისახეთ გეგმები თუ როგორ დავიწყებდით ვარჯიშს და როგორ ჩავდგებოდით ზაფხულისთვის ოპტიმალურ ფიზიკურ ფორმაში .

თუმცა, როგორც ჩვენმა კვლევამ აჩვენა, ეს მცდელობები უშედეგო აღმოჩნდა. გამოკითხულთა 47%-მა წონაში მოიმატა, 38%-ს წონა არ შეცვლილა, დაკლებით კი მხოლოდ 15%-მა დაიკლო. 

კარანტინის დროს გადმოწერე ტიკტოკი?

ტიკტოკი 2020 წელს მსოფლიოში ყველაზე ტრენდული აპლიკაცია გახდა, მაგრამ 10 წამიანი ვიდეოების ყურებაში საათების გაყვანის ცდუნებისდა მიუხედავად, აპლიკაცია მხოლოდ 30%-მა გადმოწერა. 

როგორ შეიცვალა თამბაქოს მოხმარება?

თამბაქოს მოხმარების მაჩვენებლები კარანტინის დროს საკმაოდ საინტერესოდ გადანაწილდა. კარანტინამდე სიგარეტს გამოკითხულთა 51% არ ეწეოდა, კარანტინის დროს კი ეს მაჩვენებელი 55%მდე გაიზარდა.

თუმცა, საპირისპიროდ მსუბუქი მწეველების რაოდენობაც გაიზარდა და თუ აქამდე დღეში 20+ ღერს მხოლოდ 10% ეწეოდა, კარანტინმა ეს რიცხვი 15%-მდე გაზარდა. 

რამდენად ხშირად უყურებდი ფილმებს/სერიალებს?

რა თქმა უნდა, თავისუფალი დროის გაჩენამ ადამიანებს ფილმებისა და სერიალების ყურების მეტი შესაძლებლობა დაუტოვა და იმ ხალხის 75%, ვინც აქამდე მედიას იშვიათად ან საერთოდ არ უყურებდა, ახლა ფილმებს და სერიალებს ხშირად უყურებს. 

დღეში რამდენ ფინჯან ყავას სვამ?

საინტერესოა, რომ ყავის დალევის სიხშირეზე კარანტინს პრაქტიკულად არ უმოქმედია და 2-3%-ზე დიდი ცვლილება არც ერთ კატეგორიაში არ გვაქვს. 

დღეში რამდენ ადამიანთან გაქვს პირადი კონტაქტი?

კარანტინის ყველაზე ნეგატიური მხარე ადამიანებთან კონტაქტის გაიშვიათებაა, რაც ჩვენმა კვლევამაც ძალიან მკაფიოდ ასახა.

დღეში 20-ზე მეტ ადამიანთან კარანტინამდე კონტაქტი გამოკითხულთა 48%-ს ჰქონდა, მაგრამ კარანტინის შემდეგ ეს რიცხვი 7%-მდე დაეცა.

საპირისპიროდ, ადამიანების მხოლოდ 15%-ს ჰქონდა დღეში 5-ზე ნაკლებ ადამიანთან კონტაქტი, კარანტინმა კი ეს მაჩვენებელი 69%-მდე გაზარდა. 

დღეში რამდენ მეტრს დადიხარ ფეხით?

ქალაქში გამონაბოლქვის შეჩერებისგან გამოწვეულმა ჰაერის დასუფთავებამ, როგორც ჩანს, მოსახლეობაში სეირნობა ვერ წაახალისა, რადგან გამოკითხულთა აბსოლუტური უმეტესობა კარანტინის დროს დღეში ბევრად ნაკლებ მანძილს გადის ფეხით, ვიდრე კარანტინამდე.

კომენტარები

მსგავსი სიახლეები

  • 11:06

    რუსებმა ხერსონი დაბომბეს - დაზიანდა მინიმუმ 15 სა...

    რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს.­ ხერსონის რეგიონული სამხედრ...

  • 14:56

    ,,არ იქნება დენი, საკვები, საწვავი" - ისრაელი ღაზი...

    ისრაელის თავდაცვის მინისტრის, იოავ გალანტის განცხადებით, ღაზის სექტორის სრული ბლოკადის განკარგულება გასცა. „ღაზის სექტორის სრული ბლოკადის განკარგულება გავეცი. არ იქნება ელექტროენერგია, საკვები, ...

  • 13:15

    რამზან კადიროვმა 24 წლის ქალიშვილი ჩეჩნეთის ვიცე-პ...

    ჩეჩნეთის ლიდერის, რამზან კადიროვის 24 წლის ქალიშვილი აიშატ კადიროვა ჩეჩნეთის რესპუბლიკის ვიცე-პრემიერი გახდა. ინიციატივა ჩეჩნეთის პარლამენტის თავმჯდომარეს ეკუთვნის, რომელმაც წინადადება გაფართოებუ...

  • 22:28

    27 წლის ქართველი გოგო გერმანიაში ჯგუფურად გააუპატი...

    გერმანიაში ქართველი ქალის ჯგუფური გაუპატიურების საქმე სასამართლოში გადაიგზავნა - გერმანელმა პროკურორებმა შემზარავი დანაშაულის ახალი გარემოებები დაადგინეს. 27 წლის ქართველი გოგო ჯგუფურად მეუღლის თვალწი...

  • 17:57

    ევროკავშირმა რუსეთის წინააღმდეგ დაწესებული სანქციე...

    ევროკავშირის განცხადებით, რუსეთის ფედერაციის წინააღმდეგ დაწესებული სანქციები კიდევ 6 თვით გახანგრძლივდა. განცხადებაში აღნიშნულია, რომ სანქციების მოქმედების გაგრძელების შესახებ გადაწყვეტილება უკრაინის ...

  • 13:41

    ვოლოდიმირ ზელენსკი - არის სიგნალი, რომ, შესაძლოა, ...

    არის სიგნალი, რომ, შესაძლოა, რუსეთში კიდევ ერთი ამბოხება, რევოლუცია მოხდეს, - ამის შესახებ უკრაინის პრეზიდენტმა, ვოლოდიმირ ზელენსკიმ ABC News-თან ინტერვიუში განაცხადა. მისი თქმით, ბევრი ადამიანია...

  • 12:17

    თეთრი სახლი - არ გვინახავს ნიშანი, ხმამაღალი რიტორ...

    შეერთებულ შტატებს არ მიაჩნია, რომ რუსული ძალების მიერ ზაპოროჟიეს ატომური ელექტროსადგურის აფეთქების საფრთხე „გარდაუვალია“, - ამის შესახებ თეთრი სახლის სტრატეგიული კომუნიკაციების კოორდი...