1 7 : 4 1
სარეკლამო ადგილი - 21
620 x 80
 | 

მსოფლიო

"მეზობლებმა გამოვიძახეთ პატრული, ეტყობა გაითიშა შიმშილისგან" - ვაკეში მამაკაცი გარდაიცვალა

ჭავჭავაძის 48/2-ში გოგი ელიავა გარდაიცვალა. მისი მეზობელი, ნინო ბოჭორიშვილი ამბობს რომ ის სიღარიბის გამო შიმშილობდა. 

7 აპრილის ღამეს კი მის სახლს ცეცხლი გაუჩნდა და პატრულმა კარი შეამტვრია, თუმცა, ვერ გადაარჩინეს. "ეტყობა გაითიშა შიმშილისგან", - გვითხრა ბატონი გოგის მეზობელმა, რომლის თქმითაც ის მარტოხელა იყო, თუმცა ყოველთვის ჰქონდა შეკვეთები, ვიდრე "ეს წყეული ამბები დაიწყებოდა". 

"მისი ბინა რომ გენახათ, თქვენც დარწმუნდებოდით ამაში. იქ არც საჭმელი იყო, არც პური და ერთი სიტყვით, ძალიან ცუდი სიტუაცია დაგხვდებოდათ", - ამბობს გოგი ელიავას მეზობელი, ნინო ბოჭორიშვილი ჩვენთან საუბრისას. 

- ქალბატონო ნინო, რა მოხდა 7 აპრილს?

- 7 აპრილის ღამეს, კომენდანტის საათი იყო უკვე დაწყებული და სადარბაზოში დადგა საშინელი დამწვრის სუნი. მივხვდით, რომ ამ მეზობლის სახლში ხდებოდა რაღაც. გამოვიძახეთ პატრული. 

კარი, რა თქმა უნდა ვერ გააღეს და იძულებული გახდნენ გადაეხერხათ...

ძლივს მიუსწრეს, კაცი უკვე იწვოდა...

ეს იყო საოცრად ნაკითხი ადამიანი, ჩუმი ინტელიგენტი. 

მარტო ცხოვრობდა, არავის აწუხებდა და ასეც მოკვდა, საქართველოში ხომ ასე ხდება. 

მეზობლებმა გამოვიძახეთ პატრული, ეტყობა გაითიშა შიმშილისგან... სიგარეტს მოუკიდა, გონი დაკარგა და ცეცხლი წაეკიდა ლეიბს. საავადმყოფოში გადაიყვანეს, მაგრამ დღეს გავიგეთ, რომ გარდაიცვალა.

- ქალბატონო ნინო, რა ვერსიები არსებობს, მეზობლები საუბრობენ, რომ მამაკაცმა გონი შიმშილის გამო დაკარგა?

- რა თქმა უნდა. მისი ბინა რომ გენახათ, თქვენც დარწმუნდებოდით ამაში. იქ არც საჭმელი იყო, არც პური და ერთი სიტყვით, ძალიან ცუდი სიტუაცია დაგხვდებოდათ.

- უფრო კონკრეტულად შეგიძლიათ მოგვიყვეთ, რა სურათი დაგხვდათ მის ბინაში?

- მე მასთან ნამყოფი ვარ და ვიცი, იქ რაც ხდებოდა, პურის ქერქს თუ იპოვიდით სადმე, მაგრამ ისეთი ადამიანი იყო, რომ ამას არსად იტყოდა. 

ცხელი კერძი თუ მქონდა, ყოველთვის ჩამქონდა და საწყალს უხაროდა. მიუხედავად ამისა, გაჭირვებას მაინც არ იმჩნევდა.

- როგორც ჩვენთვის არის ცნობილი, გარდაცვლილს დენი გათიშული ჰქონდა... ასეა?

- დიახ, დენს ხშირად უთიშავდნენ  ხოლმე და სანთლით იყო. თუმცა, კონკრეტულად იმ ღამეს როგორ იყო, ნამდვილად არ ვიცი..

- რამდენი წლის იყო გოგი ელიავა, ჰყავდა თუ არა ახლობლები, მეგობრები, შვილები?

- საპენსიო ასაკს არ იყო მიღწეული, მუშაობდა და თავისი შემოსავალი ჰქონდა, სანამ ეს წყეული ამბები დაიწყებოდა. მუდმივად ჰქონდა შეკვეთები. მარტოხელა იყო.

გოგის არავის შეწუხება არ უყვარდა. ის უბრალოდ გადაღლილი იყო დღევანდელობით და ცხოვრებაზეც ხელი ჰქონდა ჩაქნეული...

P.S: ქალბატონ ნინოს, "აიტივი" მას შემდეგ დაუკავშირდა, რაც მან გარდაცვლილი მეზობლის შესახებ სტატუსი გამოაქვეყნა. "მეზობელი მომიკვდა შიმშილისგან. პატრულმა კარი შეტეხა და ისე გამოიყვანა, მაგრამ ვეღარ გადაარჩინეს" - დაწერა მან სოციალურ ქსელში.

კომენტარები

მსგავსი სიახლეები

  • 11:06

    რუსებმა ხერსონი დაბომბეს - დაზიანდა მინიმუმ 15 სა...

    რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს.­ ხერსონის რეგიონული სამხედრ...

  • 14:56

    ,,არ იქნება დენი, საკვები, საწვავი" - ისრაელი ღაზი...

    ისრაელის თავდაცვის მინისტრის, იოავ გალანტის განცხადებით, ღაზის სექტორის სრული ბლოკადის განკარგულება გასცა. „ღაზის სექტორის სრული ბლოკადის განკარგულება გავეცი. არ იქნება ელექტროენერგია, საკვები, ...

  • 13:15

    რამზან კადიროვმა 24 წლის ქალიშვილი ჩეჩნეთის ვიცე-პ...

    ჩეჩნეთის ლიდერის, რამზან კადიროვის 24 წლის ქალიშვილი აიშატ კადიროვა ჩეჩნეთის რესპუბლიკის ვიცე-პრემიერი გახდა. ინიციატივა ჩეჩნეთის პარლამენტის თავმჯდომარეს ეკუთვნის, რომელმაც წინადადება გაფართოებუ...

  • 22:28

    27 წლის ქართველი გოგო გერმანიაში ჯგუფურად გააუპატი...

    გერმანიაში ქართველი ქალის ჯგუფური გაუპატიურების საქმე სასამართლოში გადაიგზავნა - გერმანელმა პროკურორებმა შემზარავი დანაშაულის ახალი გარემოებები დაადგინეს. 27 წლის ქართველი გოგო ჯგუფურად მეუღლის თვალწი...

  • 17:57

    ევროკავშირმა რუსეთის წინააღმდეგ დაწესებული სანქციე...

    ევროკავშირის განცხადებით, რუსეთის ფედერაციის წინააღმდეგ დაწესებული სანქციები კიდევ 6 თვით გახანგრძლივდა. განცხადებაში აღნიშნულია, რომ სანქციების მოქმედების გაგრძელების შესახებ გადაწყვეტილება უკრაინის ...

  • 13:41

    ვოლოდიმირ ზელენსკი - არის სიგნალი, რომ, შესაძლოა, ...

    არის სიგნალი, რომ, შესაძლოა, რუსეთში კიდევ ერთი ამბოხება, რევოლუცია მოხდეს, - ამის შესახებ უკრაინის პრეზიდენტმა, ვოლოდიმირ ზელენსკიმ ABC News-თან ინტერვიუში განაცხადა. მისი თქმით, ბევრი ადამიანია...

  • 12:17

    თეთრი სახლი - არ გვინახავს ნიშანი, ხმამაღალი რიტორ...

    შეერთებულ შტატებს არ მიაჩნია, რომ რუსული ძალების მიერ ზაპოროჟიეს ატომური ელექტროსადგურის აფეთქების საფრთხე „გარდაუვალია“, - ამის შესახებ თეთრი სახლის სტრატეგიული კომუნიკაციების კოორდი...