0 6 : 4 6
 | 

მსოფლიო

ახლა სიმართლე სიღარიბეზე - კობახიძეს უთქვამს, 2012 წლის შემდეგ საქართველოში სიღარიბე განახევრდა მსოფლიო ბანკის მიხედვითო

შოთა დიღმელაშივილი სოციალურ ქსელში ვრცელ პოსტს აქვეყნებს, რომელსაც უცვლელად გთავაზობთ:

კობახიძეს უთქვამს, 2012 წლის შემდეგ საქართველოში სიღარიბე განახევრდა მსოფლიო ბანკის მიხედვითო. ეს, რა თქმა უნდა, ფეიკ-ნიუსია და იმუშავებს კიდეც როგორც ფეიკ ნიუსი – ადვილად გადამოწმდება, რომ ტყუილია, მაგრამ ტყუილი უფრო მეტ ადამიანს მიწვდება, ვიდრე მისი გადამოწმება, შესაბამისად, მატყუარა პლუსში დარჩება. რუსული ნოუ-ჰაუ. პოსტ-სიმართლე.

თუმცა ჩვენ მაინც გადავამოწმოთ. შედით მსოფლიო ბანკის შესაბამის სტატისტიკაში და ნახეთ მეთოდიკა. მსოფლიო ბანკის ეს კალკულაცია ეყრდნობა თავად საქართველოს მიერ გამოკითხვის წესით მსოფლიო ბანკისთვისთვის მიწოდებულ ინფორმაციას. ანუ ჩაატარეს უბრალო "გამოკითხვა" და გასაოცარი შედეგები მიაწოდეს მსოფლიო ბანკს, რომელმაც ატვირთა თავის საიტზე, რათა მერე მთავრობის ხუჭუჭა talking head-ებს ეს შედეგები ემცნოთ მოსახლეობისთვის და წყაროდ მსოფლიო ბანკი დაესახელებინათ.

ახლა სიმართლე სიღარიბეზე: წლების მიხედვით სიღარიბის დინამიკა რომ ვნახოთ ამისთვის საქსტატიც გამოდგება. ფარდობითი სიღარიბის 2012 და 2017 წლების მაჩვენებელი იდენტურია. 2018 წლისა კი ახლოა 2007-თან. მოკლედ, საკმაოდ ბრტყელი გრაფიკია და მკაფიოდ აჩვენებს, რომ წლებია, მოსახლეობის 20-22%-ის სიღარიბეშია, ყოველგვარი მნიშვნელოვანი გარღვევის გარეშე – მით უმეტეს ისეთი გიგანტური ნაბიჯის, როგორიცაა მათი ნახევრის ამოყვანა ამ მდგომარეობიდან, ანუ 10-12%ზე დასმა, როგორც მოგვატყუეს.

რაც შეეხება უარესს – აბსოლუტურ სიღარიბეს, ეს ნიშნული წლებია, კლებადია და აქაც ახალ მთავრობას განსაკუთრებული ტემპი არ უჩვენებია. უფრო პირიქით. მაგალითად 2010-12 წლებში აბსოლუტური სიღარიბე მეტად შემცირდა, ვიდრე 2013-2018 წლებში. 2007-12 ხუთწლედში, ომგამოვლილ საქართველოში აბსოლუტური სიღარიბე 8.8%-ით შემცირდა, 2013-18 ხუთწლედში კი ნაკლებით, 6.1%-ით. მოკლედ, აბსოლუტური და ფარდობითი სიღარიბის დაძლევის ტემპი ხელისუფლების შეცვლის შემდეგ უარესია და ამ კუთხით რაიმე პროგრესზე საუბარი იმხელა დეზინფორმაციაა, პატიოსანი ჩინოვნიკი ამის შემდეგ განცხადებას უნდა წერდეს.

ყველაზე გამაღიზიანებელი კი ამ ტყუილში ისაა, რომ კაპიტალიზება ხდება მოსახლეობის გულმავიწყობაზე – ასევე რუსული, ასევე საკმაოდ ეფექტიანი მეთოდი. თქვე კაი ხალხო, რამდენიმე წლის წინ კობახიძე და Co იგივე სერიოზულობით გვაჯერებდა, პრემიერი იმიტომ გადავაყენეთ, რომ Unicef-ის კვლევა ვნახეთ, სადაც სიღარიბის მაჩვენებელი იზრდება და ისე შევიცხადეთ და შევინანეთ პარტიამ, პირველი პირი სახლში გავუშვითო და ახლა გვეუბნებით, იგივე წლებში სიღარიბეს დამრტყმელური ტემპებით გავუმკლავდითო. აბა თამადას რაღას ერჩოდით?

P.S. კარგი იქნება, თუ მასობრივი გადაცემები უფრო მომზადებულები დაუხვდებით ასეთ უტიფარ, წამში გადამოწმებად ტყუილებს და საკუთარ როლს მხოლოდ მყვირალა ოპონენტების "მედიაციაში" არ დაინახავთ. მედია სიმართლის ბიზნესია და არა ფეიკის. დროის დასათვლელად საათი არსებობს, "ყური" კი იმისთვისაა, რომ ასეთები ვუთხრათ წამყვანს.

კომენტარები

მსგავსი სიახლეები

  • 22:36

    პუტინმა ერდოღანი ე.წ. ,,სტაკანჩიკის" ნაყინზე დაპ...

    თურქეთი რუსეთთან ერთობლივი სამხედრო წარმოებითაა დაინტერესებული. ამის შესახებ განცხადება რუსეთში ვიზიტისას თურქეთის პრეზიდენტმა, რეჯეფ თაიფ ერდოღანმა გააკეთა.მისივე თქმით, სამხედრო წარმოების სფერო...

  • 10:54

    ამერიკელი სენატორი რუსეთში არ შეუშვეს...

    სამწუხაროდ, რუსეთის ოფიციალური პირები დიპლომატიურ თამაშებს აგრძელებენ - ამის შესახებ განცხადებას მისი პრესსამსახური ავრცელებს. ამერიკელმა რესპუბლიკელმა სენატორმა რონ ჯონსონმა განაცხადა, რომ მას რ...

  • 14:40

    ამაზონის ტყეში ძლიერი ხანძარი მე-17 დღეა მძვინვარ...

    „პლანეტის ფილტვები“ იწვის. ამაზონის ტყეებში უკვე მე-17 დღეა ნამდვილი ჯოჯოხეთი მძვინვარებს. ნადგურდება იქ არსებული ტროპიკული მცენარეულობა, ხეები და ფაუნა. 15 აგვისტოს შემდეგ, ბრაზილიაში, ძირითადად...

  • 11:58

    კრასნოიარსკის ოლქში საბრძოლო მასალის საწყობში ხანძ...

    მთელი ღამის განმავლობაში ისმოდა აფეთქებების ხმა რუსეთში. კრასნოიარსკის ოლქში საბრძოლო მასალის საწყობში ხანძარი გაჩნდა. რეგიონში საგანგებო მდგომარეობაა გამოცხადებული. არსებული ინფორმაციით, საბრძოლო მას...

  • 15:07

    გრიგორი კარასინი თანამდებობას ტოვებს...

    გრიგორი კარასინი თანამდებობას ტოვებს. გავრცელებული ინფორმაციის მიხედვით, კარასინის წასვლის მიზეზი მისი ასაკია, ვონაიდან 'საჯარო სამსახურის შესახებ" კანონის თანახმად, სამუშაოს  გაგრძელების შესაძლე...

  • 14:07

    იაპონიაში, კიოტოს ანიმაციურ სტუდიაში ხანძრის შედეგ...

    იაპონიაში, კიოტოს ანიმაციურ სტუდიაში ხანძრის შედეგად გარდაცვლილთა რიცხვი 33 ადამიანამდე გარდაიცვალა.  ცეცხლი სტუდიაში იმ დროს გაჩნდა, როდესაც შენობაში 70-ზე მეტი ადამიანი იმყოფებოდა.პოლ...

  • 14:36

    ავიაკატასტროფას შვედეთში 9 ადამიანი ემსხვერპლა...

    ავიაკატასტროფას შვედეთში 9 ადამიანი ემსხვერპლა. შემთხვევა ქვეყნის ჩრდილოეთ რეგიონში, ქალაქ უმეოსთან მოხდა. ბორტზე მყოფები პარაშუტით უნდა გადამხტარიყვნენ, თუმცა მცირე ზომის თვითმფრინავმა კატა...