რუსებმა ხერსონი დაბომბეს - დაზიანდა მინიმუმ 15 სა...
რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს. ხერსონის რეგიონული სამხედრ...
დავით პაიჭაძე: „არასწორად მიგვაჩნია შეუსაბამო და ურთიერთობათა დამაზიანებელი აქციები აზერბაიჯანის საზღვართან“
აზერბაიჯანში მიმდინარე აქციას საზოგადოების ნაწილი პეტიციით გამოეხმაურა. ჟურნალისტ დავით პაიჭაძის ინიციატივით, შეიქმნა ონლაინ პეტიცია, რომლის ადრესატიც საქართველოს პარლამენტი და საქართველოს განათლების, მეცნიერების, კულტურისა და სპორტის სამინისტროა.
პეტიციაში ნათქვამია, რომ ხელმომწერებს არასწორად მიაჩნიათ შეუსაბამო და ურთიერთობათა დამაზიანებელი აქციები აზერბაიჯანის საზღვართან. ასევე ამბობენ, რომ საქართველოს მოქალაქეებისთვის ღირებული და მნიშვნელოვანია კეთილმეზობლური ურთიერთობა როგორც აზერბაიჯანისა და საქართველოს სახელმწიფოებს, ისე - აზერბაიჯანელ და ქართველ ხალხს შორის.
ჟურნალისტი დავით პაიჭაძე სოციალურ ქსელში წერს:
„ეგებ, ნორმალურმა ხალხმა, მოქალაქეებმა რამე განცხადება ან პეტიცია გავავრცელოთ და ვთქვათ რაღაც ამის მსგავსი:
- დავით გარეჯის კომპლექსის ნაწილი მდებარეობს აზერბაიჯანის ტერიტორიაზე.
- საქართველოს მოქალაქეებისთვის ღირებული და მნიშვნელოვანია კეთილმეზობლური ურთიერთობა როგორც აზერბაიჯანისა და საქართველოს სახელმწიფოებს, ისე აზერბაიჯანელ და ქართველ ხალხს შორის.
- კარგად ვიცნობიერებთ, რომ არა მხოლოდ პარტნიორები ვართ, არამედ ჩვენი ქვეყნების სუვერენიტეტები დაკავშირებულია ერთმანეთთან.
- არასწორად მიგვაჩნია შეუსაბამო და ურთიერთობათა დამაზიანებელი აქციები აზერბაიჯანის საზღვართან, რომელსაც საქართველოს მოქალაქეთა მცირე ნაწილი აწყობს.
- ვიცით და გვახსოვს, რომ ჩვენი ქვეყნები საერთაშორისო სისტემაში აღიარებულია სსრკ-ში ორივე ყოფილი საბჭოთა რესპუბლიკის ფარგლებში და ამ ფარგლების თუ საზღვრების ეჭვქვეშ დაყენება არანაირი თვალსაზრისით არ არის გამართლებული.
- მომხრენი ვართ, დავაცხროთ ვნებები და ვითარება დაუბრუნდეს ჩვეულ კალაპოტს, საიდანაც ის სალომე ზურაბიშვილის განცხადებამ გამოიყვანა.
- ჩვენი კულტურული იდენტობა წარმოუდგენელია დავით გარეჯის გარეშე. ასევე წარმოუდგენელი და მიუღებელია ურთიერთობათა წახდენა მეზობელ და მეგობარ ქვეყანასთან,
- ვულოცავთ აზერბაიჯანს მისი დამოუკიდებლობის დღეს,“ - წერს დავით პაიჭაძე.
ამ შინაარსის პეტიცია უკვე შექმნილია და www.manifest.ge-ზეა განთავსებული.
კომენტარები