2 2 : 1 4
 | 

მსოფლიო

“ავერსი-ფარმასა” და საქართველოს სოლიდარობის ფონდს შორის ურთიერთთანამშრომლობის მემორანდუმი გაფორმდა

ავერსი-ფარმასა” და საქართველოს სოლიდარობის ფონდს შორის 26 ივლისს ხელმოწერილი ურთიერთთანამშრომლობის მემორანდუმის თანახმად, კომპანიის თანამშრომლები ხელფასიდან ყოველთვიურად ჩარიცხავენ ფონდის ანგარიშზე განსაზღვრულ თანხას. სოლიდარობის ეს ნებაყოფლობითი აქტი “ავერსის” მაღალი სოციალური პასუხისმგებლობის კიდევ ერთი დასტურია.

მემორანდუმს ხელი “ავერსი-ფარმას” გენერალურმა დირექტორმა ირაკლი ფურცელაძემ და საქართველოს სოლიდარობის ფონდის აღმასრულებელმა დირექტორმა სოფიო კაკალიაშვილი-ძაგნიძემ მოაწერეს.

- "ავერსი" მაღალი სოციალური პასუხისმგებლობის კომპანიაა და მისი თითოეული თანამშრომელი მუდმივად გრძნობს ამ პასუხისმგებლობას, – აღნიშნა ირაკლი ფურცელაძემ, – ამიტომ ჩვენთვის საინტერესო აღმოჩნდა საქართველოს სოლიდარობის ფონდის წინადადება, წვლილი შეგვეტანა ონკოლოგიური დაავადების მქონე 22 წლამდე ასაკის პაციენტების მკურნალობის დაფინანსებაში. გაფორმდა მემორანდუმი და ჩვენ, ავერსელებმა, ვიკისრეთ ვალდებულება, ჩვენი ხელფასიდან განსაზღვრული თანხა ყოველთვიურად ჩაირიცხოს სოლიდარობის ფონდის ანგარიშზე

. ფონდი მაღალპროფესიონალურ დონეზე ახორციელებს თავის საქმიანობას, უკიდურესად მძიმე ავადმყოფებს უწევს ფინანსურ დახმარებას ჯანმრთელობის შესანარჩუნებლად. მინდა, როგორც საქართველოს მოქალაქემ, მადლიერება გამოვხატო ფონდის თანამშრომლების მიმართ, რომლებიც ყოველდღიური შრომით ცდილობენ, მძიმედ დაავადებულ ბავშვებს და ახალგაზრდებს მდგომარეობა შეუმსუბუქონ. ასევე დიდი მადლობა მინდა ვუთხრა "ავერსის" გუნდის თითოეულ წევრს, რომლებიც ასეთ მნიშვნელოვან წამოწყებებს უყურადღებოდ არასოდეს ტოვებენ.

საქართველოს სოლიდარობის ფონდი 2014 წლის 9 ივნისის სამთავრობო დადგენილებით დაარსდა. მისი მიზანია საზოგადოების, კერძო სექტორისა და სახელმწიფოს თანამონაწილეობით არასაბიუჯეტო რესურსების მობილიზება საქართველოში მცხოვრები სოციალურად დაუცველი ან კატასტროფული სოციალური დანახარჯების რისკის წინაშე მდგომი ბავშვებისა და ოჯახების მხარდასაჭერად. იდეა მსოფლიოს განვითარებული ქვეყნების: შვეიცარიის, საფრანგეთის, გერმანიის და სხვათა, – და გლობალური ორგანიზაციების – UNITAID-ის, ProductRed-ის – გამოცდილების შეჯერებით განხორციელდა.

“ავერსი” ერთ-ერთი პირველი კომპანიაა, რომელმაც ამ წამოწყებას მხარი დაუჭირა. ის თავადაც არაერთ სოციალურ პროექტს ახორციელებს და ამისთვის ყოველწლიურად მილიონ ლარზე მეტს ხარჯავს.

2013 წელს “ავერსის” თანამშრომლებმა დააარსეს ფონდი “ავერსელები ავერსელებისთვის”, რომლის მიზანი ერთმანეთის დასახმარებლად თანხების მობილიზებაა. ფონდმა დღემდე 104 ავერსელისა და მათი ოჯახის წევრების ჯანმრთელობა დააფინანსა, რისთვისაც 357 000 ლარი დახარჯა.

ყოველი ავერსელი იზიარებს კომპანიის სოციალურ პოლიტიკას და აქტიურად მონაწილეობს საქველმოქმედო საქმიანობაში. “ავერსის” დევიზიც ხომ თითოეული ადამიანის ჯანმრთელობასა და სულიერ სიმშვიდეზე ზრუნვაა.

კომენტარები

მსგავსი სიახლეები

  • 10:55

    ტრამპი : "თუ პუტინთან ურთიერთობებს ვერ დავალაგებ, ...

    აშშ-ს პრეზიდენტმა დონალდ ტრამპმა ტელეარხ CNBC-სთვის მიცემულ ინტერვიუში განაცხადა, რომ  თუ ის  პუტინთან ურთიერთობებს ვერ დაალაგებს, მაშინ მისი ყველაზე ცუდი მტერი გახდება„ჩემი მიდგომა რუს...

  • 15:23

    დონალდ ტრამპისა და და ვლადიმერ პუტინის შეხვედრა შე...

    დონალდ  ტრამპი და ვლადიმერ პუტინი ერთმანეთს ფინეთის პრეზიდენტის სასახლეში შეხვდნენ. აშშ-სა და რუსეთის სახელმწიფოების მეთაურები ერთმანეთს პირისპირ შეხვდნენ, დახურული შეხვედრა 90 წუთის განმავლ...

  • 23:36

    მსოფლიო ჩემპიონი საფრანგეთის ნაკრები გახდა...

    ფეხბურთის მსოფლიო ჩემპიონატის გამარჯვებული საფრანგეთის ნაკრები გახდა. გადამწყვეტ მატჩში ფრანგებმა ხორვატია ანგარიშით 4:2 დაამარცხეს. ფინალი მოსკოვში, ლუჟნიკის სტადიონზე გაიმართა. პირველი გოლი ფრა...

  • 23:16

    პუტინის ქოლგა -,,ყველა შეიძლება დასველდეს მის გარდ...

    რუსეთში, მსოფლიო ჩემპიონატის დასრულების შემდეგ, ფეხბურთელების დაჯილდოებისას, მაყურებლების ყურადღება  მიიპყრო რუსეთის პრეზიდენტმა, ვლადიმერ პუტინმა.წვიმის დაწყებისას  ქოლგა მხოლოდ ვლადიმერ პუ...

  • 12:25

    ერთ-ერთი ყველაზე ლამაზი და საოცარი ადგილი მთელ მსო...

    ტიბეტის Larung Gar-ი არის ყველაზე დიდი ბუდისტური უნივერსიტეტი მსოფლიოში. ჩინეთში მდებარე ამ ულამაზეს ადგილას 40 000- ზე მეტი ბერი და მონაზონი ცხოვრობს. Larung Gar  იგივე Larung Valley მსოფლიოს...

  • 15:31

    Johnson's Baby-ს პუდრა კიბოს აჩენს - 22 ქალის საჩ...

    კომპანია ჯონსონ & ჯონსონ -ს  22 დაზარალებული ქალბატონისთვის  4.7 მილიონი დოლარის გადახდა დაეკისრა.დაზარალებულების მტკიცებით, ჯონსონის პროდუქციის გამოყენების შემდეგ საკვერცხეების კიბო დაე...

  • 16:09

    30 წამში გაქურდული "Apple"-ის მაღაზია - წაღებულია...

    კალიფორნიაში მდებარე "Apple"-ის მაღაზია ოთხმა მამაკაცმა 30 წამში გაქურდა.  წაღებულია 27 000 დოლარის პროდუქცია. მძარცველებს, რომლებსაც კაპიუშონიანი მოსაცმელები ეცვათ მაღაზიაში იმ დროს შევარდნ...